RTE Admission Maharashtra District Wise Vacancy List 2026: शिक्षण हक्क कायद्यांतर्गत (RTE Act 2009) आर्थिकदृष्ट्या दुर्बल घटकातील विद्यार्थ्यांसाठी खाजगी शाळांमध्ये २५% जागा राखीव ठेवल्या जातात. सन २०२६-२७ या शैक्षणिक वर्षासाठीची जिल्हानिहाय आकडेवारी आता समोर आली आहे. अधिकृत माहितीनुसार, यावर्षीच्या प्रवेश प्रक्रियेसाठी जागांची संख्या निश्चित झाली आहे.
महाराष्ट्रातील RTE प्रवेशाची सद्यस्थिती
महाराष्ट्र राज्यातील आरटीई 25% प्रवेश प्रक्रियेसाठी शाळांची नोंदणी सुरू असून, सद्यस्थितीनुसार RTE पोर्टल वर अपडेट असलेल्या अधिकृत आकडेवारीनुसार, संपूर्ण महाराष्ट्रात यावर्षी RTE अंतर्गत ६,५९४ शाळांनी नोंदणी केली आहे. सर्वात महत्त्वाची गोष्ट म्हणजे, या शाळांमधून विद्यार्थ्यांसाठी तब्बल ८९,३५७ (एकुण ९० हजारांच्या जवळ) जागा (Vacancies) उपलब्ध आहेत.
RTE Admission Maharashtra District Wise Vacancy List 2026
पुणे: शिक्षणाचे माहेरघर असलेल्या पुणे जिल्ह्यात सर्वाधिक संधी आहेत. येथे ६४९ शाळांमध्ये तब्बल १२,८९२ जागा रिक्त आहेत. त्यामुळे पुणेरी पालकांसाठी ही सुवर्णसंधी आहे.
ठाणे: मुंबईला लागून असलेल्या ठाणे जिल्ह्यात ३७५ शाळांतून ७,२१४ जागा उपलब्ध आहेत.
नागपूर: विदर्भाची राजधानी असलेल्या नागपूरमध्ये ५०१ शाळांमधून ५,७९५ जागांसाठी प्रवेश प्रक्रिया राबवली जाईल.
नाशिक: उत्तर महाराष्ट्रात नाशिक आघाडीवर असून येथे ४,८१० जागा उपलब्ध आहेत.
अहिल्यानगर (अहमदनगर): विशेष उल्लेख करण्यासारखी बाब म्हणजे, अहिल्यानगर जिल्ह्यात ३३४ शाळांमधून ३,६६९ जागा उपलब्ध आहेत.
याव्यतिरिक्त छत्रपती संभाजीनगर, कोल्हापूर आणि जळगाव या जिल्ह्यांमध्येही जागांची संख्या लक्षणीय आहे. सविस्तर जिल्हा निहाय आकडेवारी खालीलप्रमाणे आहे.
| अ.क्र. | जिल्हा (District) | RTE शाळांची संख्या (Schools) | उपलब्ध जागा (Vacancy) |
| १ | अहिल्यानगर (Ahilya Nagar) | ३३४ | ३,६६९ |
| २ | अकोला (Akola) | १११ | १,२६१ |
| ३ | अमरावती (Amravati) | १०८ | १,४५१ |
| ४ | भंडारा (Bhandara) | ८७ | ९२५ |
| ५ | बीड (Bid) | १३५ | १,५१३ |
| ६ | बुलडाणा (Buldana) | २३१ | २,९७३ |
| ७ | चंद्रपूर (Chandrapur) | १७६ | १,५६९ |
| ८ | छत्रपती संभाजी नगर (Chhatrapati Sambhaji Nagar) | २७५ | २,४५८ |
| ९ | धाराशिव (Dharashiv) | ९९ | १,२२४ |
| १० | धुळे (Dhule) | ९८ | १,२९८ |
| ११ | गडचिरोली (Gadchiroli) | ५३ | ४८५ |
| १२ | गोंदिया (Gondiya) | ४६ | ४२१ |
| १३ | हिंगोली (Hingoli) | ४९ | ६४१ |
| १४ | जळगाव (Jalgaon) | २४६ | ३,२४२ |
| १५ | जालना (Jalna) | ११४ | १,०१९ |
| १६ | कोल्हापूर (Kolhapur) | ३१० | ३,३१८ |
| १७ | लातूर (Latur) | १९८ | २,२९२ |
| १८ | मुंबई (Mumbai BMC + Others) | ३१३ (एकत्रित) | ५,८३२ (एकत्रित) |
| १९ | नागपूर (Nagpur) | ५०१ | ५,७९५ |
| २० | नांदेड (Nanded) | २०५ | २,६५७ |
| २१ | नंदुरबार (Nandurbar) | ४२ | ३५८ |
| २२ | नाशिक (Nashik) | ३१६ | ४,८१० |
| २३ | पालघर (Palghar) | २२६ | ४,५८५ |
| २४ | परभणी (Parbhani) | १२२ | १,१०२ |
| २५ | पुणे (Pune) | ६४९ | १२,८९२ |
| २६ | रायगड (Raigarh) | २५७ | ४,५९० |
| २७ | रत्नागिरी (Ratnagiri) | ७२ | ६८२ |
| २८ | सांगली (Sangli) | १६२ | १,६३० |
| २९ | सातारा (Satara) | ५२ | ५७७ |
| ३० | सिंधुदुर्ग (Sindhudurg) | ४६ | २७१ |
| ३१ | सोलापूर (Solapur) | २२५ | २,३४० |
| ३२ | ठाणे (Thane) | ३७५ | ७,२१४ |
| ३३ | वर्धा (Wardha) | ११२ | १,३६७ |
| ३४ | वाशीम (Washim) | ७७ | ८६२ |
| ३५ | यवतमाळ (Yavatmal) | १७२ | २,०३४ |
| – | एकूण (Total) | ६,५९४ | ८९,३५७ |
महत्वाची टीप: सध्या सन २०२६-२७ या वर्षासाठी आरटीई शाळा नोंदणी (School Registration) प्रक्रिया सुरू असून, वरील शाळांच्या संख्येत आणि रिक्त जागांमध्ये (Vacancies) मोठी वाढ होण्याची शक्यता आहे. ही आकडेवारी दिनांक 24 जानेवारी पर्यंतची असून ती अंतिम नाही, याची पालकांनी नोंद घ्यावी.
आरटीई 25% प्रवेश प्रक्रियेसाठी कागदपत्रे तयार ठेवा
आरटीई 25% प्रवेश कागदपत्र: रहिवासी दाखला, जातीचा दाखला, उत्पन्नाचा दाखला आणि मुलाचा जन्म दाखला हे मूळ कागदपत्रे तयार ठेवा. (संपूर्ण यादी येथे पाहा)
शाळांची निवड: आपल्या घरापासून १ ते ३ किलोमीटर अंतरावरील शाळांची यादी तयार ठेवा, कारण अर्ज भरताना तुम्हाला पसंतीक्रम द्यावा लागतो. (अर्ज प्रक्रिया ते लॉटरी प्रवेश संपूर्ण माहिती येथे पाहा)
अपडेट्सवर लक्ष ठेवा: (RTE Admission Maharashtra District Wise Vacancy List 2026) ची माहिती सतत अपडेट होत असते, त्यामुळे https://student.maharashtra.gov.in/ या अधिकृत संकेतस्थळाला नियमित भेट द्या.
सध्या तरी अर्जांची संख्या शून्य (०) दिसत आहे, याचा अर्थ असा की २०२६-२७ या वर्षासाठीची ऑनलाइन अर्ज भरण्याची प्रक्रिया अद्याप पूर्ण क्षमतेने सुरू झालेली नाही किंवा ती आताच सुरू होत आहे. त्यामुळे पालकांसाठी ही “अलर्ट” राहण्याची वेळ आहे.
आरटीई (RTE) २५% प्रवेश प्रक्रिया ही आर्थिकदृष्ट्या दुर्बल पालकांसाठी आपल्या मुलांना इंग्रजी माध्यमाच्या किंवा नामांकित खाजगी शाळांमध्ये शिकवण्याची एक मोठी संधी आहे. यावर्षी जागांची संख्या भरपूर असल्याने, जर पालकांनी वेळेत आणि अचूक कागदपत्रांसह अर्ज केले, तर त्यांच्या पाल्याचा नंबर लागण्याची शक्यता खूप जास्त आहे.
तुम्ही ज्या जिल्ह्यात राहता, तेथील रिक्त जागांचा अंदाज घेऊन आताच तयारीला लागा आणि आपल्या मुलांचे उज्ज्वल भविष्य निश्चित करा!
