जर तुम्ही किंवा तुमच्या घरात कोणी दहावीची परीक्षा देणार असेल, तर हे अपडेट तुमच्यासाठी अत्यंत महत्त्वाचे आहे. महाराष्ट्र राज्य माध्यमिक व उच्च माध्यमिक शिक्षण मंडळाने (Pune Board) नुकतेच एक महत्त्वाचे परिपत्रक जाहीर केले असून, SSC Exam Hall Ticket 2026 कधी आणि कसे मिळणार, याबद्दलची अधिकृत घोषणा केली आहे.
SSC Exam Hall Ticket 2026 कधी मिळणार?
महाराष्ट्र बोर्डाच्या अधिकृत प्रकटनानुसार, सर्व विभागीय मंडळातील दहावीच्या विद्यार्थ्यांची हॉल तिकिट मंगळवार, दिनांक २० जानेवारी २०२६ पासून उपलब्ध करून दिली जाणार आहेत.
- कुठे उपलब्ध होणार?: मंडळाचे अधिकृत संकेतस्थळ www.mahahsscboard.in
- वेळ आणि पद्धत: शाळेच्या लॉग-इन मधून हे हॉल तिकीट डाऊनलोड करता येईल.
शाळा आणि मुख्याध्यापकांसाठी महत्त्वाच्या सूचना
SSC Exam Hall Ticket 2026 हे थेट विद्यार्थ्यांना डाऊनलोड करता येणार नाही, तर शाळांनी ते काढून द्यायचे आहे. याबाबत बोर्डाने स्पष्ट नियम घालून दिले आहेत:
सर्व माध्यमिक शाळांनी इ. १० वी च्या परीक्षेची ऑनलाईन प्रवेशपत्रे (Hall Tickets) प्रिंट करून विद्यार्थ्यांना द्यायची आहेत. महत्त्वाचे म्हणजे, हे प्रिंटिंग करताना विद्यार्थ्यांकडून कोणतेही वेगळे शुल्क (Fee) घेऊ नये, असे बोर्डाने निक्षून सांगितले आहे.
शिक्का आणि स्वाक्षरी अनिवार्य: प्रवेशपत्राची प्रिंट काढल्यानंतर त्यावर शाळेच्या मुख्याध्यापकांचा शिक्का (Stamp) आणि स्वाक्षरी (Signature) असणे अत्यंत आवश्यक आहे. त्याशिवाय ते वैध मानले जाणार नाही.
हॉल तिकीटमध्ये चुका असल्यास काय करावे?
अनेकदा हॉल तिकीट हातात आल्यावर त्यात नावाचे स्पेलिंग किंवा जन्मतारीख चुकल्याचे लक्षात येते. अशा वेळी पॅनिक होऊ नका. बोर्डाने दुरुस्तीसाठी (Correction) स्पष्ट मार्गदर्शक तत्त्वे दिली आहेत.
नावात किंवा जन्मतारखेत चूक असल्यास: जर विद्यार्थ्याचे नाव, आईचे नाव, जन्मतारीख किंवा जन्मठिकाण यामध्ये चूक असेल, तर शाळेने ‘Online’ पद्धतीने दुरुस्ती करायची आहे. यासाठी “Application Correction” ही लिंक वापरून विभागीय मंडळाकडे विनंती पाठवावी लागेल.
विषय किंवा माध्यम बदलले असल्यास: जर विद्यार्थ्याचा परीक्षेचा विषय (Subject) किंवा माध्यम (Medium) चुकीचे आले असेल, तर मात्र ऑनलाइन बदल होणार नाही. यासाठी शाळेला विभागीय मंडळात प्रत्यक्ष जाऊन (Offline) दुरुस्ती करावी लागेल.
फोटो चुकीचा किंवा अस्पष्ट असल्यास: जर हॉल तिकीटवर फोटो प्रिंट झाला नसेल किंवा चुकीचा असेल, तर तिथे विद्यार्थ्याचा नवीन फोटो चिकटवावा आणि त्यावर मुख्याध्यापकांनी शिक्का व स्वाक्षरी करावी.
हॉल तिकीट मिळताच विद्यार्थ्यांनी आणि पालकांनी त्यावरील प्रत्येक माहिती (नाव, विषय, जन्मतारीख) काळजीपूर्वक तपासावी. काही चूक आढळल्यास त्वरित शाळेच्या मुख्याध्यापकांशी संपर्क साधावा.
हॉल तिकीट हरवले तर काय?
परीक्षेच्या तणावात अनेकदा विद्यार्थ्यांकडून हॉल तिकीट हरवते किंवा खराब होते. अशा वेळी घाबरून जाण्याचे कारण नाही. जर प्रवेशपत्र गहाळ झाले, तर संबंधित माध्यमिक शाळांनी विद्यार्थ्यांना पुनश्च प्रिंट (Reprint) काढून द्यायची आहे. मात्र, अशा दुसऱ्या प्रतीत लाल शाईने ‘द्वितीय प्रत’ (Duplicate) असा शेरा मारून मगच ती विद्यार्थ्यांना दिली जाईल.
मित्रांनो, SSC Exam Hall Ticket 2026 ही परीक्षेची पहिली पायरी आहे. २० जानेवारी २०२६ पासून शाळांना ही तिकिटे मिळतील, त्यानंतर एक-दोन दिवसांत शाळांचे नियोजन करून ती तुमच्या हातात पडतील. अभ्यासावर लक्ष केंद्रित करा आणि हॉल तिकीट मिळताच ते लॅमिनेट करण्यापूर्वी त्यातील सर्व माहिती तपासून घ्या.
अधिक माहितीसाठी : https://mahahsscboard.in/
