Anganwadi Protsahan Bhatta Navin Nikash राज्यातील अंगणवाडी सेविका आणि मदतनीस यांच्यासाठी एक आनंदाची बातमी आहे. त्यांच्या कामाला प्रोत्साहन देण्यासाठी आणि बालकांच्या पोषणाची व शिक्षणाची गुणवत्ता सुधारण्यासाठी प्रोत्साहन भत्त्याच्या नियमांमध्ये सुधारणा करण्यात आली आहे. तसेच पुण्यश्लोक अहिल्यादेवी होळकर पुरस्काराच्या वितरणाबाबत देखील महत्वाचे निर्देश महिला व बालविकास मंत्री आदिती तटकरे यांनी दिले. बैठकीतील निर्णय सविस्तर पाहूया.
Anganwadi Protsahan Bhatta Navin Nikash
अंगणवाडी कर्मचाऱ्यांसाठी वाढीव प्रोत्साहन भत्ता
Anganwadi Protsahan Bhatta Navin Nikash मंत्रालयात झालेल्या बैठकीत मंत्री आदिती तटकरे यांनी सांगितले की, अंगणवाडी सेविका आणि मदतनीस यांनी केलेल्या कामाच्या आधारे प्रोत्साहन भत्ता दिला जाईल. यासाठी अंगणवाडी केंद्रांसाठी काही विशिष्ट निकष ठरवण्यात आले आहेत. सुधारित निकष खालीलप्रमाणे
- एखाद्या अंगणवाडी केंद्राने ठरवलेल्या 10 पैकी 7 निकष पूर्ण केल्यास 1400 रुपये
- 8 निकष पूर्ण केल्यास 1600 रुपये
- 9 निकष पूर्ण केल्यास 1800 रुपये
- आणि सर्व 10 निकष पूर्ण केल्यास 2000 रुपये असा प्रोत्साहन भत्ता दिला जाईल.
या प्रोत्साहन भत्त्यासाठी घरपोच आहार, मुलांची वाढ तपासणे, 3 ते 6 वयोगटातील मुलांचे पूर्व-शालेय शिक्षण, गरम ताजा आहार, पोषण आणि आरोग्य दिवस, मुलांचे पोषण उपचार, पुनर्वसन, आणि प्रकल्पाच्या सरासरीपेक्षा कमी स्थूल/लठ्ठ किंवा खुजी बालके असणे हे निकष असतील. याचा अर्थ अंगणवाडी केंद्रे बालकांच्या सर्वांगीण विकासासाठी किती प्रभावीपणे काम करतात, यावर त्यांना मिळणारा भत्ता अवलंबून असेल.
याशिवाय, मंत्री तटकरे यांनी अंगणवाडी सेविका व मदतनीस यांना सेवानिवृत्तीनंतर किंवा मृत्यू झाल्यास त्यांच्या कुटुंबियांना एकरकमी आर्थिक मदत (ग्रॅच्युइटी) देण्याबाबतचा प्रस्ताव सादर करण्याचे निर्देशही दिले.
पुण्यश्लोक अहिल्यादेवी होळकर पुरस्कार वितरण जयंतीदिनी
या बैठकीत पुण्यश्लोक अहिल्यादेवी होळकर पुरस्काराबद्दलही चर्चा झाली. मंत्री तटकरे यांनी सांगितले की, जिल्हास्तरीय अहिल्यादेवी होळकर पुरस्कारांचे वितरण पुण्यश्लोक अहिल्यादेवी होळकर यांच्या 300 व्या जयंती दिनी करण्यात येणार आहे.
या सर्व उपाययोजनांमुळे एकात्मिक बालविकास सेवा योजनेची अधिक प्रभावीपणे अंमलबजावणी होईल, बालकांमधील कुपोषण कमी होईल आणि पूर्व-शालेय शिक्षणाचा दर्जा सुधारेल, अशी अपेक्षा आहे. अंगणवाड्यांच्या गुणात्मक कामगिरीवर भर देऊन त्यांना प्रोत्साहन भत्ता देण्याचा हा निर्णय निश्चितच सकारात्मक ठरेल.
या बैठकीला सचिव डॉ. अनुपकुमार यादव, सह सचिव वी. रा. ठाकूर, एकात्मिक बाल विकास विभागाच्या उपायुक्त श्रीमती संगीता लोंढे, विभागाचे उपायुक्त राहुल मोरे, उपसचिव प्रसाद कुलकर्णी यांच्यासह अनेक अधिकारी उपस्थित होते.
