अंगणवाडी सेविकांसाठी खुशखबर! सरकारकडून प्रशिक्षण साहित्य किट खरेदीला मंजुरी Anganwadi Sevika Training Kits

Anganwadi Sevika Training Kits महाराष्ट्रातील अंगणवाडी सेविका यांच्यासाठी एक आनंदाची बातमी आहे. महिला व बाल विकास विभागांतर्गत ‘पोषण भी पढाई भी’ या प्रशिक्षण कार्यक्रमासाठी सरकारकडून मोठ्या प्रमाणावर प्रशिक्षण साहित्य किट खरेदी करण्यास मान्यता देण्यात आली आहे.

या खरेदीसाठी २ कोटी ३५ लाख ४९ हजार ८० रुपयांची (२,३५,४९,०८०/-) रक्कम मंजूर करण्यात आली आहे. यामुळे राज्यातील ६९,२६२ अंगणवाडी सेविकांना लवकरच प्रशिक्षण किट मिळणार आहेत.

Anganwadi Sevika Training Kits

काय आहे ‘पोषण भी पढाई भी’ प्रशिक्षण कार्यक्रम?

हा एक केंद्र पुरस्कृत कार्यक्रम आहे. या कार्यक्रमाचा मुख्य उद्देश

अंगणवाडी सेविकांना विविध विषयांवर प्रशिक्षण देणे आहे. केंद्र आणि राज्य सरकार यांच्या ६०:४० या प्रमाणात निधी खर्च करून हा कार्यक्रम राबवला जातो. हे प्रशिक्षण पुढील ३ वर्षांसाठी असेल.

हे ही वाचा

Mission Vatsalya Scheme : मिशन वात्सल्य योजनेची व्याप्ती वाढवली, काय आहे ‘मिशन वात्सल्य’ योजना? संपूर्ण माहिती येथे वाचा

प्रशिक्षणाचे मुख्य विषय:

• खेळ आधारित शिक्षण, स्थानिक खेळणी, आणि नवचेतना.
• दिव्यांग बालकांची ओळख, त्यांच्यासाठीच्या सेवा आणि समावेशक शिक्षण.
• कुपोषित बालकांचे योग्य व्यवस्थापन आणि आहार.
• वैयक्तिक स्वच्छता आणि निर्जंतुकीकरण.
• पोषण आणि वाढीच्या मापदंडांचे निरीक्षण करण्यासाठी ‘पोषण ट्रॅकर’चा वापर.

किट खरेदी प्रक्रियेची माहिती

एकात्मिक बाल विकास सेवा योजनेच्या आयुक्तांनी या किट खरेदीसाठी ई-निविदा (e-tender) प्रकाशित केली होती. मे. नॅशनल मॅनेजमेंट ट्रेनिंग इन्स्टिट्यूट, मुंबई या निविदाधारकाने इतर स्पर्धकांपेक्षा सर्वात कमी दर (३४० रुपये प्रति किट) दिल्याने त्यांना ‘L१’ निविदाधारक म्हणून निवडण्यात आले आहे. या संस्थेकडून एकूण ६९,२६२ प्रशिक्षण किट खरेदी केली जाणार आहेत.

अधिक माहितीसाठी उपयुक्त लिंक: शासन निर्णय वाचा