Ganpati Toll Free Pass 2025 गणेशोत्सवासाठी कोकणात जाणाऱ्या गणेशभक्तांसाठी एक आनंदाची बातमी आहे. महाराष्ट्र सरकारने गणेशोत्सवानिमित्त मुंबई-गोवा आणि मुंबई-बेंगलोर या राष्ट्रीय महामार्गांसह इतर रस्त्यांवरील टोल माफ करण्याचा महत्त्वपूर्ण निर्णय घेतला आहे. ही टोलमाफी खासगी वाहनांसाठी तसेच राज्य मार्ग परिवहन महामंडळाच्या बसेससाठी लागू असणार आहे. या सुविधेचा लाभ घेण्यासाठी काय करावे लागेल आणि पासेस कुठे उपलब्ध होतील, याविषयीची सविस्तर माहिती पुढे दिली आहे.
Ganpati Toll Free Pass 2025
टोलमाफी कधीपासून आणि कुठे लागू?
यावर्षीची टोलमाफी २३ ऑगस्ट २०२५ ते ८ सप्टेंबर २०२५ या कालावधीसाठी असेल. ही सवलत मुंबई-बेंगलोर राष्ट्रीय महामार्ग (NH-48) आणि मुंबई-गोवा राष्ट्रीय महामार्ग (NH-66) तसेच सार्वजनिक बांधकाम विभाग आणि महाराष्ट्र राज्य रस्ते विकास महामंडळाच्या अखत्यारीतील इतर रस्त्यांवर लागू होईल. ही टोलमाफी कोकणात जाणाऱ्या वाहनांना तसेच परत येताना देखील लागू असेल.
पास कसा मिळवायचा आणि कुठे उपलब्ध असेल?
Ganpati Toll Free Pass 2025 गणेशोत्सवासाठी टोलमाफीचा लाभ घेण्यासाठी खास ‘गणेशोत्सव २०२५, कोकण दर्शन’ असे लिहिलेले स्टिकर-स्वरूपाचे पास (पासेस) तुमच्या गाडीवर लावणं आवश्यक आहे.
- हे पास परिवहन विभाग, वाहतूक पोलीस आणि प्रादेशिक परिवहन विभाग (RTO) यांच्या समन्वयाने उपलब्ध करून दिले जातील.
- तुम्हाला हे पास जवळच्या पोलीस स्टेशन, वाहतूक पोलीस चौकी किंवा आरटीओ कार्यालयांमध्ये मिळतील.
- या पासवर गाडीचा क्रमांक आणि चालकाचे नाव नमूद केलेले असेल.
- राज्य परिवहन महामंडळाच्या बसेससाठीही असेच पास संबंधित जिल्ह्यांच्या पोलीस किंवा प्रादेशिक परिवहन खात्याकडून उपलब्ध होतील.
हे पास केवळ कोकण गणेशोत्सव प्रवासासाठी लागू असतील. या सुविधेमुळे यंदाचा गणेशोत्सव प्रवास निश्चितच सोयीचा होईल. अधिक माहितीसाठी Ganpati Toll Free Pass 2025 शासन आदेश वाचा.
