Ladki Bahin Yojana eKYC List: लाडकी बहीण योजनेची ई-केवायसी (e-KYC) पूर्ण केली, तरीही खात्यात 1500 रुपये जमा झाले नाहीत? अनेक भगिनी या समस्येमुळे चिंतेत आहेत. पण आता काळजी करण्याचे कारण नाही! राज्य सरकारने यावर एक महत्त्वाचा तोडगा काढला असून, वंचित महिलांची यादी (eKYC List) आता थेट तुमच्या गावातील अंगणवाडी सेविकांकडे आली आहे. नेमकं काय करायचं आणि आपले नाव यादीत कसे तपासायचे? आपले हक्काचे पैसे मिळवण्यासाठी ही माहिती सविस्तर वाचा.
लाडकी बहीण योजना पैसे का रखडले? नेमकं कारण काय?
महाराष्ट्र शासनाच्या अत्यंत महत्त्वाकांक्षी अशा ‘मुख्यमंत्री माझी लाडकी बहीण‘ योजनेला राज्यभरातून महिलांचा प्रचंड प्रतिसाद मिळाला आहे. अनेक महिलांनी वेळेत अर्ज भरले आणि ई-केवायसी सुद्धा पूर्ण केली. तरीही हजारो महिला लाभापासून वंचित राहिल्या आहेत. महिला व बालविकास विभागाच्या माहितीनुसार, यामागे काही तांत्रिक कारणे आहेत.
- बँक खात्याशी आधार कार्ड लिंक नसणे
- आधार कार्ड आणि बँक खात्यावरील माहितीमध्ये तफावत असणे
- मोबाईल क्रमांकातील विसंगती
- काही अर्जांमधील माहितीमधील त्रुटी
- लाडकी बहीण योजना ई केवायसी करताना झालेल्या चुका
शासनाने या त्रुटी दूर करण्यासाठी १८१ क्रमांकाची हेल्पलाईन सुरू केली होती, तसेच अर्ज दुरुस्तीची सुविधाही दिली होती. मात्र, तांत्रिक अडचणींमुळे किंवा हेल्पलाईनवर योग्य प्रतिसाद न मिळाल्याने अनेक महिलांचे प्रश्न सुटले नाहीत. यामुळेच आता प्रशासनाने एक नवीन आणि प्रभावी पाऊल उचलले आहे.
लाडकी बहीण योजना लाभार्थी यादी अंगणवाडी सेविकांकडे!
जेव्हा ऑनलाईन आणि हेल्पलाईनचे प्रयत्न पुरेसे ठरले नाहीत, तेव्हा आता महिला व बालविकास विभागाने एक मोठा निर्णय घेतला आहे. ज्या महिलांचे पैसे तांत्रिक कारणांमुळे किंवा त्रुटींमुळे अडकले आहेत, अशा महिलांची (Ladki Bahin Yojana eKYC List) आता थेट गावपातळीवर काम करणाऱ्या अंगणवाडी सेविकांकडे सोपवण्यात आली आहे.
याचा अर्थ असा की, आता तुम्हाला तुमच्या अर्जातील त्रुटी शोधण्यासाठी सायबर कॅफेमध्ये किंवा कार्यालयात हेलपाटे मारण्याची गरज नाही. तुमच्या गावातील अंगणवाडी सेविकांकडे आता या वंचित लाभार्थी महिलांची यादी उपलब्ध करून देण्यात येत आहे.
अंगणवाडी सेविकांची भूमिका काय असणार?
महिला व बालविकास विभागाने दिलेल्या निर्देशानुसार, अंगणवाडी सेविका खालील कामे करतील.
- गावातील ज्या महिलांचे नाव (Ladki Bahin Yojana eKYC List) मध्ये आहे, पण त्यांना पैसे मिळाले नाहीत, अशा महिलांची माहिती तपासणे.
- आधार कार्ड, बँक खाते आणि ई-केवायसी मधील त्रुटी प्रत्यक्ष तपासून त्या दुरुस्त करण्यासाठी मदत करणे.
- महिलांशी थेट संपर्क साधून त्यांना कागदपत्रांच्या बाबतीत मार्गदर्शन करणे.
गावातील अंगणवाडी सेविकांचा महिलांशी थेट संपर्क असतो, त्यामुळे आता ही प्रक्रिया अधिक वेगाने आणि सुलभतेने होईल, असा विश्वास विभागाने व्यक्त केला आहे.
अंगणवाडी सेविकांसाठी गुड न्यूज! प्रशिक्षणासोबत मिळणार प्रवास भत्ता 24 कोटी निधी मंजूर
जळगावचे उदाहरण: लाखांहून अधिक महिला वेटिंगवर
या समस्येची व्याप्ती किती मोठी आहे, हे जळगाव जिल्ह्याच्या आकडेवारीवरून समजते. एकट्या जळगाव जिल्ह्यात ई-केवायसी करूनही सुमारे १ लाख ८ हजार महिलांना अनुदान मिळालेले नाही. मीडिया रिपोर्ट नुसार तालुकास्तरावर आणि त्यानंतर गावातील अंगणवाडी सेविकांकडे या याद्या मंगळवारी सायंकाळपर्यंत पाठवल्या जात आहेत. हीच पद्धत राज्यभर राबवली जाण्याची शक्यता आहे.
ई-केवायसी करूनही पैसे आले नाहीत? आता पुढे काय करावे?
जर तुम्ही पात्र असूनही तुम्हाला ‘लाडकी बहीण योजने’चा हप्ता मिळालेला नसेल, तर घाबरून जाऊ नका. अंगणवाडी सेविकांची भेट घ्या तुमच्या गावातील किंवा वॉर्डातील अंगणवाडी सेविकेशी संपर्क साधा आणि त्यांच्याकडे आलेल्या (Ladki Bahin Yojana eKYC List) मध्ये तुमचे नाव आहे का, ते तपासा.
कागदपत्रे तयार ठेवा: तुमचे आधार कार्ड, बँक पासबुक आणि मोबाईल सोबत ठेवा. तसेच अंगणवाडी सेविकेने सांगितल्याप्रमाणे तातडीने त्रुटी दुरुस्त करून घ्या.
अंगणवाडी सेविकांवर आधीच कामाचा ताण आहे, त्यात आता ही नवीन जबाबदारी आल्याने प्रक्रियेला थोडा वेळ लागू शकतो. मात्र, एकदा त्रुटी दूर झाल्या की, रखडलेले अनुदान तुमच्या खात्यात जमा होण्याचा मार्ग मोकळा होईल.
शासनाचा हा निर्णय ग्रामीण आणि शहरी भागातील हजारो महिलांसाठी दिलासा देणारा आहे. आता तंत्रज्ञानाच्या भानगडीत न अडकता, आपल्या ओळखीच्या अंगणवाडी ताईंच्या मदतीने महिलांना हक्काचे पैसे मिळवणे सोपे होणार आहे. त्यामुळे लवकरात लवकर आपल्या अंगणवाडी केंद्राशी संपर्क साधा!
अधिक माहितीसाठी: https://ladakibahin.maharashtra.gov.in/
