Anganwadi Sevika Training GR: महाराष्ट्र शासनाच्या महिला व बाल विकास विभागाने १२ जानेवारी २०२६ रोजी एक अत्यंत महत्त्वाचा शासन निर्णय (GR) निर्गमित केला आहे. या निर्णयामुळे राज्यातील हजारो अंगणवाडी सेविका आणि मदतनीस यांना प्रशिक्षण देण्याबाबतचा महत्वपूर्ण निर्णय घेण्यात आला आहे. यादरम्यान अंगणवाडी कर्मचाऱ्यांना प्रवास भत्ता देखील मिळणार आहे. शासन निर्णयातील ठळक बाबी सविस्तर पणे पाहूया.
अंगणवाडी सेविका आणि मदतनीस यांना विशेष प्रशिक्षण देण्याचा निर्णय
शासनाने राज्यातील एकात्मिक बाल विकास सेवा योजनेंतर्गत कार्यरत असलेल्या आणि प्रशिक्षण न घेतलेल्या राज्यातील ७४,४१५ अंगणवाडी सेविका आणि मदतनीस यांना ‘अन्न सुरक्षा आणि पोषण मापदंड’ (Food Safety and Nutrition Standards) याबाबतचे विशेष प्रशिक्षण देण्याचा निर्णय घेतला आहे.
हे प्रशिक्षण २०२४-२५ मध्ये काही जिल्ह्यांत राबवण्यात आले होते, आणि आता २०२५-२६ या आर्थिक वर्षात प्रशिक्षण न घेतलेल्या सर्व कर्मचाऱ्यांसाठी हे अभियान राबवले जात आहे. यासाठी शासनाने नागपूर येथील ‘मे. फुड सेफ्टी सर्व्हिसेस’ (Food Safety Services) या संस्थेची निवड केली आहे.
प्रशिक्षण दरम्यान मिळणार प्रवास भत्ता
या प्रशिक्षणासाठी २४.९९ कोटी (सुमारे २५ कोटी) रुपयांची आर्थिक तरतूदही करण्यात आली आहे.
१. प्रवास भत्ता मिळणार: प्रत्येक प्रशिक्षणार्थीला दररोज १०० रुपये याप्रमाणे प्रवास भत्ता (Travel Allowance) मंजूर करण्यात आला आहे.
२. दर्जेदार मोफत प्रशिक्षण: या दोन दिवसीय प्रशिक्षणाचा प्रति कर्मचारी खर्च १५५० रुपये इतका आहे, जो पूर्णपणे शासन उचलणार आहे. म्हणजेच तुम्हाला हे उच्च दर्जाचे प्रशिक्षण पूर्णपणे मोफत मिळेल.
३. कौशल्य विकास: हे प्रशिक्षण ‘भारतीय अन्न सुरक्षा आणि मानक प्राधिकरण’ (FSSAI) च्या मानकांनुसार असणार आहे. यामुळे तुमचे कामाचे स्वरूप अधिक प्रोफेशनल होईल आणि पोषणाबाबतचे तुमचे ज्ञान अद्ययावत होण्यास मदत होणार आहे.
बालकांचे कुपोषण रोखणे आणि त्यांना सकस आहार देणे हे अंगणवाडीचे मुख्य उद्दिष्ट आहे. हे Anganwadi Sevika Training पूर्ण केल्यामुळे अन्नातील भेसळ ओळखणे, स्वच्छता राखणे आणि योग्य पोषणमूल्ये जपणे यात तुम्ही अधिक सक्षम व्हाल.
या संपूर्ण प्रोजेक्टसाठी शासनाने तब्बल २४.९९ कोटी (सुमारे २५ कोटी) रुपयांच्या खर्चास मान्यता दिली आहे. यात प्रशिक्षणासाठी २३.०६ कोटी आणि प्रवास भत्त्यासाठी १.४८ कोटी रुपयांचा समावेश आहे. एवढा मोठा निधी मंजूर झाल्यामुळे हे प्रशिक्षण केवळ कागदावर न राहता प्रत्यक्षात प्रभावीपणे राबवले जाईल, अशी अपेक्षा आहे.
Anganwadi Sevika Training GR महत्त्वाचे मुद्दे
- एकूण लाभार्थी: ७४,४१५ अंगणवाडी सेविका व मदतनीस
- प्रशिक्षणाचा कालावधी: २ दिवस
- प्रशिक्षण संस्था: मे. फुड सेफ्टी सर्व्हिसेस, नागपूर
- प्रवास भत्ता: १०० रुपये प्रति दिन.
- एकूण मंजूर निधी: सुमारे २५ कोटी रुपये.
- शासन निर्णय क्रमांक: 202601121722582930
शासनाने निधी मंजूर केला असला तरी, सुरुवातीला फक्त ९ कोटी रुपयांच्या मर्यादेतच कार्यारंभ आदेश (Work Order) दिला जाणार आहे. उर्वरित निधी टप्प्याटप्प्याने उपलब्ध होईल. तसेच, हे प्रशिक्षण विहित वेळेत पूर्ण करण्याचे बंधन संबंधित संस्थेवर असणार आहे.
हे Anganwadi Sevika Training केवळ एक सरकारी सोपस्कार नसून, तुमच्या कामाला मिळालेली एक तांत्रिक जोड आहे. एफएसएसएआय (FSSAI) च्या मानकांनुसार काम केल्यास तुमच्या कामाचा दर्जा तर सुधारेलच, पण बालकांचे आरोग्य अधिक सुरक्षित होईल.
अंगणवाडी सेविका आणि मदतनीस यांच्या प्रोत्साहन भत्त्याचे सुधारित निकष जाहीर
अधिक माहितीसाठी : अंगणवाडी प्रशिक्षण शासन निर्णय येथे डाउनलोड करा
