भारत निवडणूक आयोगाने महाराष्ट्रातील १ ऑक्टोबर २०२६ या अर्हता दिनांकाच्या अनुषंगाने सुरू असलेल्या विशेष संक्षिप्त मतदार यादी पुनरीक्षण (Special Intensive Revision – SIR) कार्यक्रमाच्या वेळापत्रकात सुधारणा केली आहे. सुधारित कार्यक्रमानुसार बूथ लेव्हल अधिकारी (BLO) यांच्या घरोघरी भेटीपासून अंतिम मतदारयादी प्रसिद्ध करण्यापर्यंतच्या सर्व टप्प्यांच्या नव्या तारखा जाहीर करण्यात आल्या आहेत.
निवडणूक आयोगाने दिलेल्या माहितीनुसार, बूथ लेव्हल अधिकारी (BLO) यांच्यामार्फत घरोघरी भेटी घेऊन मतदारांची माहिती पडताळण्याचा कार्यक्रम ३० जून ते १७ ऑगस्ट २०२६ या कालावधीत राबविण्यात येणार आहे. तसेच मतदान केंद्रांचे तर्कसंगतीकरण आणि पुनर्रचनेचे काम १७ ऑगस्ट २०२६ पर्यंत पूर्ण केले जाणार आहे.
यानंतर २४ ऑगस्ट २०२६ रोजी मतदारयादीचा प्रारूप मसुदा प्रसिद्ध करण्यात येईल. या मसुद्यावर नागरिकांना २४ ऑगस्ट ते २३ सप्टेंबर २०२६ या कालावधीत दावे व हरकती दाखल करता येणार आहेत.
प्राप्त दावे व हरकतींवर सुनावणी घेऊन त्यांचा निपटारा २४ ऑगस्ट ते २२ ऑक्टोबर २०२६ या कालावधीत केला जाणार आहे. सर्व प्रक्रिया पूर्ण झाल्यानंतर २७ ऑक्टोबर २०२६ रोजी अंतिम मतदारयादी प्रसिद्ध करण्यात येईल, अशी माहिती भारत निवडणूक आयोगाने दिली आहे.
मतदार यादी पुनरीक्षण म्हणजे काय?
मतदार यादीतील प्रत्येक पात्र नागरिकाचे नाव योग्य प्रकारे समाविष्ट करणे, मृत किंवा स्थलांतरित मतदारांची नावे वगळणे तसेच नाव, पत्ता किंवा इतर तपशीलांमध्ये आवश्यक दुरुस्ती करणे या उद्देशाने विशेष सखोल पुनरीक्षण मोहीम राबविली जाते. या प्रक्रियेमुळे मतदार यादी अधिक अचूक आणि अद्ययावत ठेवण्यास मदत होते.
सुधारित वेळापत्रक जाहीर | SIR Time Table in Maharashtra
- अंतिम मतदारयादी प्रसिद्ध: २७ ऑक्टोबर २०२६
- BLO मार्फत घरोघरी पडताळणी: ३० जून ते १७ ऑगस्ट २०२६
- मतदान केंद्रांचे तर्कसंगतीकरण व पुनर्रचना: १७ ऑगस्ट २०२६ पर्यंत
- प्रारूप मतदारयादी प्रसिद्ध: २४ ऑगस्ट २०२६
- दावे व हरकती स्वीकारण्याचा कालावधी: २४ ऑगस्ट ते २३ सप्टेंबर २०२६
- दावे-हरकतींची सुनावणी व निपटारा: २४ ऑगस्ट ते २२ ऑक्टोबर २०२६
अंतिम मतदार यादी कधी प्रसिद्ध होणार?
सर्व दावे आणि हरकतींचा निपटारा झाल्यानंतर २७ ऑक्टोबर २०२६ रोजी अंतिम मतदार यादी प्रसिद्ध करण्यात येणार आहे. आगामी निवडणुकांसाठी हीच मतदार यादी आधारभूत ठरणार आहे.
मतदारांनी वेळेत आपली माहिती तपासून आवश्यक बदल करून घ्यावेत. निर्धारित मुदतीनंतर दुरुस्तीची संधी मर्यादित असू शकते. त्यामुळे प्रारूप मतदार यादी प्रसिद्ध होताच आपल्या नावाची खात्री करणे आवश्यक आहे.
अधिकृत वेबसाईट : https://mahasecvoterlist.in/
