सन 2026 सार्वजनिक सुट्ट्यांची संपूर्ण यादी जाहीर

महाराष्ट्र शासनाच्या सामान्य प्रशासन विभागाने परक्राम्य संलेख अधिनियम, १८८१ (Negotiable Instruments Act, 1881) च्या कलम २५ अंतर्गत सन २०२६ साठीच्या सार्वजनिक सुट्ट्यांची (Public Holiday 2026) अधिकृत अधिसूचना जारी केली आहे.

राजपत्र असाधारण भाग एक-मध्य उप-विभागामध्ये प्रकाशित झालेल्या या अधिसूचनेनुसार, शासकीय कार्यालये, राज्य शासनाचे उपक्रम, तसेच महानगरपालिका, नगर परिषद, जिल्हा परिषद इत्यादींसाठी एकूण २४ सार्वजनिक सुट्ट्या जाहीर करण्यात आल्या आहेत.

दिवाळी आणि बँकेसाठी विशेष सुट्ट्या

या अधिसूचनेत दिवाळीच्या दोन प्रमुख दिवसांना सार्वजनिक सुट्टी म्हणून घोषित करण्यात आले आहे:

दिवाळी अमावस्या (लक्ष्मीपूजन): ०८ नोव्हेंबर, २०२६ (रविवार)

दिवाळी (बलिप्रतिपदा): १० नोव्हेंबर, २०२६ (मंगळवार)

याव्यतिरिक्त, राज्य शासनाने नंतर एका स्वतंत्र अधिसूचनेद्वारे भाऊबीज या सणासाठी देखील सुट्टी जाहीर करण्याचा निर्णय घेतला आहे. भाऊबीजची सुट्टी ११ नोव्हेंबर २०२६ रोजी (बुधवार) असेल आणि ती राज्य शासकीय कार्यालये, तसेच महापालिका, जिल्हा परिषद आदी स्थानिक स्वराज्य संस्थांना लागू असेल.

बँकांसाठी एक विशेष सुट्टी देखील घोषित करण्यात आली आहे:बँकांना आपले वार्षिक लेखे पूर्ण करण्यासाठी: ०१ एप्रिल, २०२६ (बुधवार). ही सुट्टी शासकीय कार्यालयांसाठी लागू नाही.

हे ही वाचा

कामाच्या वेळेनंतर ‘स्विच ऑफ’चा कायदेशीर हक्क! ‘राईट टू डिसकनेक्ट’ विधेयक संसदेत सादर, प्रमुख फायदे काय? जाणून घ्या

नागरिकांसाठी दिलासा

२०२६ मधील या Public Holiday 2026 घोषणेमुळे शासकीय कर्मचारी आणि सामान्य नागरिकांना त्यांच्या कामाचे नियोजन करण्यासाठी आणि सण-उत्सवांमध्ये सहभागी होण्यासाठी मदत होणार आहे.

अनेक सुट्ट्या आठवड्याच्या सुरुवातीला किंवा शेवटी आल्याने, नागरिकांना लांब विकेंड मिळण्याची शक्यता आहे. हे आदेश महाराष्ट्राचे राज्यपाल यांच्या आदेशानुसार व नावाने शासनाचे उप सचिव हेमंत महाजन यांच्या स्वाक्षरीने जारी करण्यात आले आहेत.

हे ही वाचा