11th Admission Schedule Regular Round 1 अकरावी ऑनलाइन प्रवेश नियमित फेरी 1 चे वेळापत्रक जाहीर

11th Admission Schedule Regular Round 1 शिक्षण संचालनालय (माध्यमिक व उच्च माध्यमिक), महाराष्ट्र राज्य, पुणे यांनी इ. ११वी केंद्रीय ऑनलाइन प्रवेश प्रक्रिया २०२५-२६ च्या नियमित फेरी-१ साठीचे सविस्तर वेळापत्रक जाहीर केले आहे. विद्यार्थ्यांनी आणि महाविद्यालयांनी वेळेत सर्व कार्यवाही पूर्ण करण्याचे आवाहन करण्यात आले आहे.

11th Admission Schedule Regular Round 1

नियमित फेरी-१ मधील महत्त्वाचे टप्पे: 11th Admission Schedule Regular Round 1

• डेटा प्रोसेसिंग व अलॉटमेंट जाहीर करणे:
  • २४ जून २०२५ रोजी सकाळी १०:०० वाजेपासून ते २५ जून २०२५ रोजी सायंकाळी ०६:०० वाजेपर्यंत डेटा प्रोसेसिंगची प्रक्रिया सुरू राहील. या कालावधीत विद्यार्थ्यांना कोणतीही कृती करण्याची आवश्यकता नाही, कारण CAP अंतर्गत प्रवेशासाठी ऑप्शन फॉर्म यापूर्वीच भरलेले आहेत.
  • २६ जून २०२५ रोजी नियमित फेरी-१ साठीचे अलॉटमेंट पोर्टलवर जाहीर केले जाईल. विद्यार्थ्यांच्या आणि कॉलेजच्या लॉगिनमध्ये तपशील दर्शविला जाईल आणि विद्यार्थ्यांना SMS द्वारे संदेश पाठवले जातील. याच दिवशी प्रवेश फेरीसाठीची कट-ऑफ यादी देखील प्रदर्शित केली जाईल.
• विद्यार्थ्यांनी प्रवेश निश्चित करणे:
  • २७ जून २०२५ रोजी सकाळी १०:०० वाजेपासून ते ०३ जुलै २०२५ रोजी सायंकाळी ०६:०० वाजेपर्यंत विद्यार्थ्यांनी आपल्याला मिळालेल्या महाविद्यालयात जाऊन आपला प्रवेश निश्चित करायचा आहे.
  • विद्यार्थ्यांनी त्यांच्या लॉगिनमध्ये अलॉटमेंट तपशील तपासावा, उर्वरित कागदपत्रे अपलोड करावीत आणि अलॉटेड ज्युनिअर कॉलेजमध्ये प्रवेश प्रक्रिया पूर्ण करावी.
  • ज्या विद्यार्थ्यांना प्रवेशासाठी विद्यालय मिळालेले नाही, त्यांना पुढील फेरीत पुन्हा पसंतीक्रम देण्याची संधी मिळेल.
• ज्युनिअर कॉलेज द्वारे प्रवेश प्रक्रिया:
  • २७ जून २०२५ रोजी सकाळी १०:०० वाजेपासून ते ०३ जुलै २०२५ रोजी सायंकाळी ०६:०० वाजेपर्यंत महाविद्यालये प्रवेशासाठी अलॉट झालेल्या विद्यार्थ्यांच्या अर्जातील संपूर्ण तपशील आणि कागदपत्रांची पडताळणी करून विद्यार्थ्यांचे प्रवेश निश्चित करतील.
  • विनंतीनुसार झालेले प्रवेश रद्द करता येतील.
  • नवीन विद्यार्थी नोंदणी आणि प्रवेश अर्ज भाग-१ भरणे सुरू राहील.
  • ०३ जुलै २०२५ रोजी सायंकाळी ०८:०० वाजेपर्यंत प्रवेशित विद्यार्थ्यांची माहिती पोर्टलवर अपडेट करण्यासाठी महाविद्यालयांना अतिरिक्त वेळ दिला जाईल.

नवीन तारीख

अकरावी प्रवेशाची कॅप निवड वाटप यादी या तारखेला जाहीर होणार 11th Admission Cap Round List Date 2025

कोटा प्रवेश कार्यवाही:

• २४ जून २०२५ रोजी सकाळी १०:०० वाजेपासून ते २५ जून २०२५ रोजी सायंकाळी ०६:०० वाजेपर्यंत विद्यार्थ्यांनी कोटा प्रवेशासाठी कोटा चॉईस/कोटा पसंती ऑनलाइन नोंदवून लॉक करणे आवश्यक आहे (नियमित फेरी-१ मध्ये कोटांतर्गत प्रवेशासाठी कोटा पसंती अर्ज पुन्हा लॉक करणे आवश्यक आहे).
• २६ जून २०२५ रोजी कोटांतर्गत अर्ज केलेल्या विद्यार्थ्यांची यादी महाविद्यालयांच्या लॉगिनमध्ये दर्शविली जाईल (इनहाऊस, व्यवस्थापन, अल्पसंख्याक कोटा).
• २७ जून २०२५ रोजी सकाळी १०:०० वाजेपासून ते ०३ जुलै २०२५ रोजी सायंकाळी ०६:०० वाजेपर्यंत महाविद्यालये प्रवेशासाठी कोटानिहाय गुणवत्ता यादी/निवड यादी दर्शनी भागात प्रसिद्ध करतील आणि प्रवेशासाठी पात्र विद्यार्थ्यांना सूचित करतील.
• याच कालावधीत, संबंधित कोटांतर्गत प्रवेशासाठी पात्र ठरलेल्या विद्यार्थ्यांनी महाविद्यालयात जाऊन आपला प्रवेश निश्चित करायचा आहे.
• महाविद्यालये पात्र विद्यार्थ्यांचे कोटांतर्गत प्रवेश निश्चित करतील आणि त्यांच्या अर्जातील संपूर्ण तपशील व कागदपत्रांची पडताळणी करतील.
• प्रवेश प्रक्रिया पूर्ण झाल्यानंतर, महाविद्यालये कोटांतर्गत रिक्त जागा CAP कडे प्रत्यार्पित/सरेंडर करतील.

YCMOU

YCMOU June Admission 2025 यशवंतराव चव्हाण महाराष्ट्र मुक्त विद्यापीठ (नाशिक) विविध अभ्यासक्रमांसाठी Online अर्ज सुरू, माहितीपुस्तिका जाहीर

पुढील टप्पे:

• ०४ जुलै २०२५ रोजी रिक्त जागा प्रदर्शित केल्या जातील (व्हॅकन्सी).
• ०४ जुलै २०२५ रोजी पुढील फेरीसाठी CAP ऑप्शन्स/पसंतीक्रम ऑनलाइन नोंदविणे व भाग-२ लॉक करणे तसेच विद्यमान नोंदणीकृत विद्यार्थ्यांना भाग-१ एडिट करता येणे सुरू होईल.
• त्याच दिवशी, पुढील फेरीसाठी कोटा चॉईस/कोटा पसंती ऑनलाइन नोंदविणे लॉक करणे सुरू होईल.

सर्व शाळा, महाविद्यालये आणि विद्यार्थ्यांनी वरील वेळापत्रकानुसार प्रत्येक कार्यवाही वेळेत पूर्ण करावी, असे आवाहन शिक्षण विभागातर्फे करण्यात आले आहे.

• नियमित फेरी 1 चे वेळापत्रक येथे डाउनलोड करा
• अधिकृत वेबसाईट : https://mahafyjcadmissions.in/