विद्यार्थी हितासाठी मोठा निर्णय! सीईटी कक्षाकडून घेण्यात येणाऱ्या प्रवेश नोंदणीला मुदतवाढ CET Admission Deadline Extended

CET Admission Deadline Extended बी.ई./बी.टेक आणि एमबीए/एमएमएस यांसारख्या व्यावसायिक अभ्यासक्रमांच्या प्रवेशासाठी अर्ज करण्याची मुदत आता 11 जुलै 2025 पर्यंत वाढवण्यात आली आहे. तसेच, आरक्षणातून प्रवेश घेणाऱ्या विद्यार्थ्यांना त्यांची आवश्यक कागदपत्रे (जसे की EWS, NCL, CVC, TVC प्रमाणपत्रे) अंतिम प्रवेश प्रक्रियेच्या शेवटच्या दिवसापर्यंत सादर करण्याची सवलत देण्यात आली आहे. यामुळे अनेक विद्यार्थ्यांना मोठा दिलासा मिळाला आहे. उच्च व तंत्र शिक्षण मंत्री चंद्रकांत पाटील यांनी आज ही माहिती दिली.

CET Admission Deadline Extended

मुदतवाढीचे कारण काय?

मंत्री चंद्रकांत पाटील यांनी सांगितले की, अनेक विद्यार्थी आणि पालकांकडून जात प्रमाणपत्र आणि जात पडताळणी प्रमाणपत्र वेळेत मिळत नसल्याच्या तक्रारी येत होत्या. सध्या राज्य सामाईक प्रवेश परीक्षा कक्षातर्फे (CET Cell) ऑनलाईन नोंदणी प्रक्रिया सुरू आहे. यापूर्वी अर्ज करण्याची अंतिम तारीख 8 जुलै 2025 होती, ती आता तीन दिवसांनी वाढवून 11 जुलै 2025 करण्यात आली आहे.’

महत्वाची अपडेट

CET Admission EWS NCL CVC TVC Certificate Deadline Extended प्रमाणपत्रे सादर करण्यास मुदतवाढ

कागदपत्रांबाबत काय सवलत मिळाली?

शैक्षणिक वर्ष 2025-26 साठी केंद्रीभूत प्रवेश प्रक्रियेत (CAP) आरक्षित प्रवर्गातून अर्ज करणाऱ्या ज्या उमेदवारांनी जात पडताळणी प्रमाणपत्राऐवजी फक्त पडताळणीसाठी अर्ज केल्याची पावती सादर केली आहे, त्यांना आता मोठा दिलासा मिळाला आहे. हे विद्यार्थी त्यांचे मूळ जात पडताळणी प्रमाणपत्र (EWS/NCL/CVC/TVC) अंतिम प्रवेश प्रक्रियेच्या शेवटच्या दिवसापर्यंत सादर करू शकतील. विद्यार्थी आणि पालकांच्या मागण्या लक्षात घेऊन विद्यार्थ्यांचे शैक्षणिक हित जपण्यासाठी हा निर्णय घेण्यात आल्याचे मंत्री पाटील यांनी स्पष्ट केले.

भविष्यातील अडचणींवरही तोडगा काढणार

मंत्री पाटील यांनी असेही सांगितले की, या सवलतीनंतरही जर (SC, ST वगळून) इतर विद्यार्थ्यांना जात पडताळणी प्रमाणपत्र सादर करताना काही तांत्रिक अडचणी आल्यास, विद्यार्थ्यांचे शैक्षणिक नुकसान होऊ नये यासाठी सरकार गंभीर आहे. यावर धोरणात्मक निर्णय घेण्यासाठी हा प्रस्ताव मंत्रिमंडळासमोर ठेवला जाईल.

दुसरी फेरी

FYJC Admission second Round : 11 वी प्रवेशाच्या दुसऱ्या फेरीचे वेळापत्रक जाहीर

या निर्णयामुळे अनेक उमेदवारांना आपला प्रवेश निश्चित करण्यासाठी पुरेसा वेळ मिळणार आहे. विद्यार्थ्यांनी आणि पालकांनी प्रवेश प्रक्रियेसंदर्भात अधिक माहितीसाठी राज्य सामाईक प्रवेश परीक्षा कक्षाच्या अधिकृत संकेतस्थळाला नियमित भेट द्यावी, असे आवाहनही मंत्री चंद्रकांत पाटील यांनी केले.

अधिक माहितीसाठी : https://cetcell.mahacet.org/