MAH BCA BBA BMS BBM CET 2025 महाराष्ट्र शासनाच्या राज्य सामाईक प्रवेश परीक्षा कक्षामार्फत (State Common Entrance Test Cell, Maharashtra State, Mumbai) शैक्षणिक वर्ष २०२५-२६ साठी तंत्रशिक्षण विभागातील पदवी अभ्यासक्रमांच्या प्रवेशासाठी आयोजित करण्यात आलेल्या एमएएच-बीसीए/बीबीए/बीएमएस/बीबीएम-सीईटी-२०२५ (MAH-BCA/BBA/BMS/BBM CET-2025) या ऑनलाइन अतिरिक्त सामाईक प्रवेश परीक्षेसाठी अर्ज करण्याची मुदत वाढवण्यात आली आहे.
MAH BCA BBA BMS BBM CET 2025
MAH BCA BBA BMS BBM CET 2025 साठी यापूर्वी ऑनलाइन अर्ज सादर करण्याची अंतिम तारीख २० जून २०२५ होती. मात्र, अनेक उमेदवार, पालक आणि संस्थांकडून आलेल्या विनंतीनुसार आणि विद्यार्थ्यांचे शैक्षणिक हित लक्षात घेता , ही अंतिम तारीख आता २७ जून २०२५ पर्यंत वाढवण्यात आली आहे.
या अतिरिक्त सीईटी परीक्षेची तारीखही जाहीर करण्यात आली आहे. ही परीक्षा १९ जुलै २०२५ आणि २० जुलै २०२५ या कालावधीत आयोजित केली जाणार आहे.
इच्छुक उमेदवारांनी आणि पालकांनी या बदलांची नोंद घ्यावी, असे आवाहन दिलीप सरदेसाई (भा.प्र.से.), आयुक्त, राज्य सामाईक प्रवेश परीक्षा कक्ष, महाराष्ट्र राज्य, मुंबई यांनी केले आहे.
अधिक माहितीसाठी, राज्य सामाईक प्रवेश परीक्षा कक्षाच्या http://www.mahacet.org या वेबसाइटला भेट देऊ शकता किंवा cetcell@mahacet.org या ईमेल आयडीवर संपर्क साधू शकता.
