NMC Recruitment 2025: नोकरीच्या शोधात असलेल्या तरुणांसाठी एक मोठी संधी समोर आली आहे. नागपूर महानगरपालिकेने (NMC) गट-क संवर्गातील विविध रिक्त पदांसाठी भरतीची घोषणा केली आहे. पात्रता, अर्ज करण्याची अंतिम मुदत आणि इतर तपशील सविस्तर पाहूया.
NMC Recruitment 2025
NMC Recruitment 2025 अंतर्गत एकूण 174 जागा भरण्यात येणार आहेत. इच्छुक आणि पात्र उमेदवार नागपूर महानगरपालिकेच्या अधिकृत वेबसाइटवर ऑनलाइन अर्ज करू शकतात. अर्ज स्वीकारण्याचा कालावधी २६ ऑगस्ट २०२५ पासून सुरू झाला आहे आणि अर्ज करण्याची अंतिम मुदत ९ सप्टेंबर २०२५ आहे.
कोणत्या पदांसाठी होणार भरती?
या भरती मोहिमेत अनेक महत्त्वाची पदे समाविष्ट आहेत. येथे पदांनुसार रिक्त जागांचा तपशील दिला आहे:
- कनिष्ठ लिपीक (Junior Clerk) – ६० जागा
- विधी सहायक (Law Assistant) – ६ जागा
- कर संग्राहक (Tax Collector) – ७४ जागा
- ग्रंथालय सहायक (Library Assistant) – ८ जागा
- स्टेनोग्राफर – १० जागा
- लेखापाल / रोखपाल (Accountant/Cashier) – १० जागा
- सिस्टीम अॅनॉलिस्ट (System Analyst) – १ जागा
- हार्डवेअर इंजिनियर (Hardware Engineer) – २ जागा
- प्रोग्रामर – २ जागा
- डेटा मॅनेजर – १ जागा
शैक्षणिक पात्रता आणि निवड प्रक्रिया
प्रत्येक पदासाठी आवश्यक शैक्षणिक पात्रता आणि अनुभवाचे निकष वेगवेगळे आहेत. कनिष्ठ लिपीक पदासाठी कोणत्याही शाखेची पदवी आणि मराठी-इंग्रजी टंकलेखन प्रमाणपत्र आवश्यक आहे. तर, विधी सहायक पदासाठी विधी शाखेची पदवी आणि संबंधित कामाचा अनुभव अनिवार्य आहे. स्टेनोग्राफर पदासाठी लघुलेखन आणि टंकलेखन परीक्षा उत्तीर्ण असणे आवश्यक आहे.
या पदांसाठी निवड प्रक्रिया
ऑनलाईन परीक्षा (Computer Based Test) द्वारे होणार आहे. प्रत्येक पदासाठी स्वतंत्र परीक्षा घेतली जाईल.
महत्त्वाच्या तारखा
- ऑनलाईन अर्ज स्वीकारण्याचा कालावधी: २६.०८.२०२५ ते ०९.०९.२०२५
- अर्ज सादर करण्याचा अंतिम दिनांक: ०९.०९.२०२५
- परीक्षा शुल्क भरण्याची अंतिम मुदत: ०९.०९.२०२५
