YCMOU Bed Spl Entrance Test Details सन २०२५-२८ या शैक्षणिक वर्षासाठी बी.एड. विशेष शिक्षण (P-21) अभ्यासक्रमासाठी ऑनलाईन अर्ज केलेल्या सर्व उमेदवारांसाठी एक महत्त्वाची सूचना आहे. या अभ्यासक्रमाच्या प्रवेशासाठी उमेदवारांना विद्यापीठाच्या मुख्यालयात प्रत्यक्ष उपस्थित राहून कागदपत्र पडताळणी आणि प्रवेश पूर्व चाचणी देणे बंधनकारक आहे. याबाबतचे सविस्तर वेळापत्रक लवकरच विद्यापीठाच्या अधिकृत संकेतस्थळावर प्रसिद्ध केले जाईल.
YCMOU Bed Spl Entrance Test Details
YCMOU Bed Spl Entrance Test Details प्रवेश पूर्व चाचणीबद्दल महत्त्वाची माहिती:
- पात्रता: ज्या उमेदवारांची कागदपत्र पडताळणी यशस्वी होईल आणि जे पात्र ठरतील, केवळ त्यांचीच प्रवेश पूर्व चाचणी घेतली जाईल.
- स्वरूप: ही चाचणी एकूण ५० गुणांची असेल. यामध्ये बहुपर्यायी स्वरूपाचे (MCQ) २५ प्रश्न विचारले जातील, प्रत्येक प्रश्नाला २ गुण असतील.
- माध्यम: चाचणीसाठी उमेदवाराने आपला स्वतःचा स्मार्टफोन किंवा लॅपटॉप वापरणे आवश्यक आहे.
- कालावधी: चाचणीसाठी ३० मिनिटांचा वेळ दिला जाईल.
- भाषा: प्रश्न मराठी आणि इंग्रजी अशा दोन्ही भाषांमध्ये असतील.
- अनिवार्यता: प्रवेश पूर्व चाचणी दिल्याशिवाय तुमचा प्रवेश निश्चित केला जाणार नाही.
- उपस्थितीची नोंद: चाचणी यशस्वीरित्या सबमिट केल्यानंतर, त्याचा मेसेज संबंधित पर्यवेक्षकांना दाखवणे आवश्यक आहे. त्यानंतरच तुमच्या उपस्थितीची नोंद घेतली जाईल.
प्रवेश पूर्व चाचणीसाठी तांत्रिक अटी:
- चाचणी देण्यासाठी चांगल्या इंटरनेट कनेक्शनसह स्मार्टफोन किंवा लॅपटॉप असणे आवश्यक आहे.
- तुमच्या डिव्हाइसची बॅटरी पूर्ण चार्ज ठेवा आणि शक्य असल्यास बॅकअप नेटवर्कची व्यवस्था ठेवा.
चाचणी दरम्यानच्या सूचना:
- चाचणी देताना Google Search, Notes, ChatGPT किंवा इतर कोणत्याही व्यक्तीची मदत घेतल्यास उमेदवार अपात्र ठरेल.
- ही चाचणी फक्त एकदाच सबमिट करता येईल. एकदा सबमिट केल्यानंतर लिंक पुन्हा उघडणार नाही.
- चाचणी दरम्यान काही तांत्रिक अडचण आल्यास, त्वरित पर्यवेक्षकांशी संपर्क साधा.
प्रवेश पूर्व चाचणीचा अभ्यासक्रम आणि गुणभार:
प्रवेश पूर्व चाचणी खालील घटकांवर आधारित असेल आणि प्रत्येक घटकासाठी निश्चित प्रश्नसंख्या व गुण खालीलप्रमाणे असतील:
| अ.क्र. | विषय (Subject) | प्रश्न संख्या | गुण (Marks) |
| १. | सामान्य ज्ञान (General Knowledge) | ०५ | १० |
| २. | शिक्षक अभियोग्यता (Teaching Aptitude) | १० | २० |
| ३. | शिक्षणक्रम आशय (Curriculum Content) | ०५ | १० |
| ४. | शैक्षणिक धोरणे, योजना, कायदे | ०५ | १० |
| एकूण | २५ | ५० गुण |
तरी सर्व उमेदवारांनी या सूचनांचे पालन करावे आणि विद्यापीठाच्या संकेतस्थळाला नियमित भेट देऊन वेळापत्रकाबाबत अद्ययावत माहिती घ्यावी, असे आवाहन करण्यात आले आहे.
Bed स्पेशल ऑनलाईन अर्ज संपूर्ण माहिती येथे वाचा
ऑनलाईन अर्ज करण्यासाठी ABC आणि DEB ID अशा पद्धतीने येथे तयार करा
कागदपत्र पडताळणीसाठी आवश्यक कागदपत्र कोणती लागणार? त्याची यादी येथे पाहा
