11th Admission Round4 Schedule शिक्षण संचालनालय (माध्यमिक व उच्च माध्यमिक), महाराष्ट्र राज्य, पुणे यांनी इयत्ता ११ वी केंद्रीय ऑनलाईन प्रवेश प्रक्रियेच्या नियमित फेरी ४ साठी सुधारित वेळापत्रक जाहीर केले आहे. विद्यार्थी आणि कनिष्ठ महाविद्यालयांनी सर्व कार्यवाही वेळेत पूर्ण करावी, असे आवाहन शिक्षण संचालक डॉ. महेश पालकर यांनी केले आहे.
अकरावी ऑनलाइन प्रवेश आकडेवारीवर एक नजर
दिनांक 27 जुलै 2025 पर्यंतच्या उपलब्ध आकडेवारीनुसार, संपूर्ण राज्यात ९५२२ महाविद्यालये अकरावी प्रवेशासाठी उपलब्ध आहेत, ज्यात १४,३१९८० विद्यार्थ्यांनी नोंदणी केली आहे. महाविद्यालयांची एकूण प्रवेश क्षमता (Cap Intake) १७,६७०४२ आहे, तर आतापर्यंत ६७३३७१ विद्यार्थ्यांनी कॅप अंतर्गत प्रवेश निश्चित केले आहेत. अजूनही १०,९३६७१ जागा कॅप अंतर्गत रिक्त आहेत.
याशिवाय, कोट्यांतर्गत (Quota Intake) ३७४३८८ जागा उपलब्ध होत्या, त्यापैकी १३८३६० विद्यार्थ्यांनी प्रवेश घेतले आहेत, आणि २३६०२८ जागा अजूनही कोट्यांतर्गत रिक्त आहेत.
एकूण पाहता, महाविद्यालयांची एकूण प्रवेश क्षमता (Total Intake) २१४१४३० आहे. यापैकी ८११७३१ विद्यार्थ्यांनी आतापर्यंत प्रवेश घेतले आहेत, तर १३२९६९९ जागा अजूनही रिक्त आहेत. ही आकडेवारी स्पष्टपणे दर्शवते की, अनेक विद्यार्थ्यांना अजूनही प्रवेशाची संधी उपलब्ध आहे.
11th Admission Round4 Schedule
प्रवेश फेरी ४ चे सविस्तर वेळापत्रक:
- नवीन नोंदणी आणि अर्ज भाग १ भरणे (CAP आणि कोटा): २५ जुलै, २०२५ ते २६ जुलै, २०२५ या कालावधीत नवीन कनिष्ठ महाविद्यालयांची नोंदणी आणि नवीन विद्यार्थ्यांची नोंदणी व अर्ज भाग १ भरण्याची प्रक्रिया सुरू राहील.
- नवीन नोंदणी, अर्ज भाग १ मध्ये दुरुस्ती आणि अर्ज भाग २ भरणे (CAP): २८ जुलै, २०२५ रोजी सकाळी १०.०० वाजल्यापासून ते २९ जुलै, २०२५ रोजी सायंकाळी ६.३० वाजेपर्यंत प्रवेशासाठी नवीन विद्यार्थी नोंदणी, अर्ज भाग १ मध्ये दुरुस्ती आणि अर्ज भाग २ भरता येईल. विद्यार्थ्यांना त्यांच्या पसंतीक्रमानुसार किमान १ ते कमाल १० उच्च माध्यमिक विद्यालयांचा समावेश करता येईल. नियमित फेरी ३ मध्ये प्रवेश न मिळालेल्या विद्यार्थ्यांना पुढील फेरीत प्रवाह व पसंतीक्रम अद्ययावत करण्याची सुविधा उपलब्ध आहे.
- नवीन नोंदणी, अर्ज भाग १ मध्ये दुरुस्ती आणि अर्ज भाग २ भरणे (कोटा प्रवेश – इन-हाऊस, व्यवस्थापन, अल्पसंख्यांक): २८ जुलै, २०२५ रोजी सकाळी १०.०० वाजल्यापासून ते २९ जुलै, २०२५ रोजी सायंकाळी ६.३० वाजेपर्यंत प्रवेशासाठी नवीन विद्यार्थी नोंदणी, अर्ज भाग १ मध्ये दुरुस्ती आणि अर्ज भाग २ भरता येईल. विद्यार्थ्यांनी कोटा प्रवेशासाठी (इन-हाऊस, व्यवस्थापन, अल्पसंख्यांक कोटा) पसंती ऑनलाईन नोंदवून लॉक करणे आवश्यक आहे. नियमित फेरी-३ मध्ये कोटांतर्गत प्रवेशासाठी कोटा पसंती अर्ज पुन्हा लॉक करणे आवश्यक आहे.
- CAP फेरी ४ साठी जागावाटप (Allotment) आणि प्रवेश निश्चिती: ०१ ऑगस्ट, २०२५ रोजी सकाळी १०.०० वाजल्यापासून ते ०२ ऑगस्ट, २०२५ रोजी सायंकाळी ६.३० वाजेपर्यंत नियमित फेरी-४ साठी जागावाटप पोर्टलवर जाहीर केले जाईल आणि विद्यार्थी व कॉलेज लॉगिनमध्ये तपशील दर्शविला जाईल. विद्यार्थ्यांना SMS द्वारे संदेश पाठवले जातील. प्रवेश फेरीसाठी कट-ऑफ यादी देखील प्रदर्शित केली जाईल. विद्यार्थ्यांना मिळालेल्या विद्यालयात जाऊन आपला प्रवेश निश्चित करावा लागेल. (प्रवेशासाठी विद्यालय न मिळालेल्या विद्यार्थ्यांना पुढील फेरीमध्ये पुन्हा पसंतीक्रम देण्याची संधी मिळेल.) महाविद्यालयांनी मिळालेल्या विद्यार्थ्यांच्या अर्जातील संपूर्ण तपशील आणि कागदपत्रांची पडताळणी करून प्रवेश निश्चित करावेत. विनंतीनुसार झालेले प्रवेश रद्द करता येतील.
- कोटांतर्गत अर्ज केलेल्या विद्यार्थ्यांची यादी प्रदर्शित करणे आणि प्रवेश निश्चिती: ०१ ऑगस्ट, २०२५ रोजी सकाळी १०.०० वाजल्यापासून ते ०२ ऑगस्ट, २०२५ रोजी सायंकाळी ६.३० वाजेपर्यंत कोटांतर्गत अर्ज केलेल्या विद्यार्थ्यांची यादी विद्यालयांच्या लॉगिनमध्ये दर्शविली जाईल (इन-हाऊस, व्यवस्थापन, अल्पसंख्यांक कोटा). विद्यालयांनी प्रवेशासाठी कोटा गुणवत्ता यादी/निवड यादी दर्शनी भागात प्रसिद्ध करावी. विद्यालयांनी प्रवेशासाठी पात्र विद्यार्थ्यांना संपर्क करावा. पात्र विद्यार्थ्यांनी विद्यालयात जाऊन आपला प्रवेश निश्चित करावा. विद्यालयांनी कोटांतर्गत पात्र ठरलेल्या विद्यार्थ्यांच्या अर्जातील संपूर्ण तपशील आणि कागदपत्रांची पडताळणी करून त्यांचे प्रवेश निश्चित करावेत.
- रिक्त जागा प्रदर्शित करणे: ०४ ऑगस्ट, २०२५ रोजी सायंकाळी ६.०० वाजता रिक्त जागा प्रदर्शित केल्या जातील.
सर्व शाळा, कनिष्ठ महाविद्यालये आणि विद्यार्थ्यांनी वरील वेळापत्रकानुसार प्रत्येक कार्यवाही वेळेत पूर्ण करावी, असे शिक्षण संचालनालयाने कळवले आहे.
अकरावी प्रवेशाच्या तिसऱ्या फेरीच्या याद्या डाउनलोड करा
Download Allotment List
CAP Allotment List Round-3 Arts
CAP Allotment List Round-3 Commerce
CAP Allotment List Round-3 Science
अधिक माहितीसाठी : चौथ्या फेरीचे सुधारित वेळापत्रक वाचा
अधिकृत वेबसाईट : https://mahafyjcadmissions.in/admissionschedule
