Anukampa Teacher New Rule दिनांक ३१ जुलै, २०२५ रोजी महाराष्ट्र शासनाच्या शालेय शिक्षण व क्रीडा विभागाने एक महत्त्वाचा निर्णय जाहीर केला आहे. हा निर्णय अनुकंपा तत्त्वावर नियुक्त झालेल्या शिक्षकांच्या शिक्षक पात्रता परीक्षेबाबत (TET) आहे. या निर्णयानुसार, ज्या उमेदवारांची नियुक्ती अनुकंपा तत्त्वावर प्राथमिक शिक्षक किंवा शिक्षण सेवक म्हणून झाली आहे आणि ज्यांनी अद्याप TET परीक्षा उत्तीर्ण केलेली नाही, त्यांच्या सेवा सातत्याबाबत काही नियम स्पष्ट करण्यात आले आहेत.
Anukampa Teacher New Rule मुख्य मुद्दे
- TET अनिवार्य: यापूर्वी अनुकंपा तत्त्वावर नियुक्त शिक्षण सेवकांना TET मधून सूट देण्यात आली होती. परंतु, आता राष्ट्रीय शिक्षक शिक्षण परिषदेच्या नियमांनुसार, अशा शिक्षकांना TET उत्तीर्ण होणे अनिवार्य करण्यात आले आहे. ही मुदत सुरुवातीला ३ वर्षांची होती, जी नंतर वाढवून ५ वर्षांची करण्यात आली. आता १ सप्टेंबर २०२९ पर्यंत TET उत्तीर्ण होणे बंधनकारक आहे.
- TET उत्तीर्ण न झाल्यास: जर एखादा शिक्षक १ सप्टेंबर २०२९ पर्यंत TET उत्तीर्ण झाला नाही, तर त्याची शिक्षक पदावरील सेवा समाप्त केली जाईल. त्यानंतर त्याला अनुकंपा धोरणानुसार इतर पदावर सामावून घेतले जाईल.
- सेवा सातत्य आणि लाभ:
- २ सप्टेंबर २०२४ रोजी किंवा त्यापूर्वी ३ वर्षे सेवा पूर्ण झालेल्या उमेदवारांसाठी: ज्या उमेदवारांची सेवा २ सप्टेंबर २०२४ रोजी किंवा त्यापूर्वी ३ वर्षे पूर्ण झाली आहे, त्यांना त्यांची सेवा ३ वर्षे पूर्ण झाल्याच्या दिनांकापासून सेवा सातत्य आणि इतर लाभ दिले जातील.
- २ सप्टेंबर २०२४ नंतर ३ वर्षे सेवा पूर्ण झालेल्या उमेदवारांसाठी: ज्या उमेदवारांची सेवा २ सप्टेंबर २०२४ नंतर ३ वर्षे पूर्ण झाली आहे, त्यांचा शिक्षण सेवक कालावधी १ सप्टेंबर २०२९ पर्यंत वाढवला जाईल. मात्र त्यांना सेवा सातत्य दिले जाणार नाही. जेव्हा ते TET उत्तीर्ण होतील, तेव्हा त्यांच्या ३ वर्षांच्या सेवेच्या दिनांकापासून त्यांना पूर्वलक्षी प्रभावाने सेवा सातत्य आणि लाभ मिळतील.
अनुकंपा नियुक्तीचे सुधारित धोरण जाहीर
अधिक माहितीसाठी : शासन निर्णय वाचा
