राज्य शासनाचा महत्वाचा निर्णय! कुटुंबनिवृत्तीवेतनधारकांना आता कायमस्वरूपी ओळखपत्र लागू Family Pension ID Card

Family Pension ID Card महाराष्ट्र शासनाने कुटुंबनिवृत्तीवेतनधारकांना आता कायमस्वरूपी ओळखपत्र देण्याचा महत्त्वपूर्ण निर्णय घेतला आहे. या निर्णयामुळे कुटुंबनिवृत्तीवेतनधारकांना शासकीय रुग्णालयांमधील औषधोपचार, रेल्वे आणि बँकांमध्ये ज्येष्ठ नागरिक म्हणून मिळणाऱ्या सुविधा तसेच समाजात सन्मानाची वागणूक मिळण्यास मदत होईल. वित्त विभागाने आज, १६ जुलै २०२५ रोजी या संदर्भात शासन परिपत्रक जारी केले आहे.

Family Pension ID Card

पार्श्वभूमी:

शासकीय सेवेत असलेल्या कर्मचाऱ्यांना ओळखपत्रे दिली जातात. सेवानिवृत्तीनंतरही सेवानिवृत्त अधिकारी/कर्मचाऱ्यांना कायमस्वरूपी ओळखपत्रे दिली जातात. याच धर्तीवर, मयत शासकीय अधिकारी/कर्मचारी यांच्या कुटुंबनिवृत्तीवेतनधारकांना देखील ओळखपत्र मिळावे अशी मागणी अनेक वर्षांपासून होती. काही सेवानिवृत्तीवेतनधारकांच्या संघटनांनी आणि संस्थांनीही यासाठी पाठपुरावा केला होता. या सर्व बाबींचा विचार करून शासनाने हा निर्णय घेतला आहे.

प्रमुख सूचना आणि कार्यपद्धती:

• ओळखपत्र कोण देईल? कुटुंबनिवृत्तीवेतनधारक ज्या जिल्हा कोषागार कार्यालयातून कुटुंबनिवृत्तीवेतन घेत आहेत किंवा ज्या कार्यालयातून घेण्याची कार्यवाही सुरु आहे, त्या संबंधित जिल्हा कोषागार कार्यालयामार्फत हे ओळखपत्र दिले जाईल.
• अर्ज कसा करावा? कुटुंबनिवृत्तीवेतनधारकांनी ओळखपत्रासाठी लिखित मागणी सादर केल्यानंतरच हे ओळखपत्र दिले जाईल.
• नोंदणी: जिल्हा कोषागार कार्यालयाने ओळखपत्र दिल्यानंतर त्याची स्वतंत्र नोंदवहीमध्ये नोंद घेऊन “निवृत्तिवेतनवाहिनी प्रणाली” मध्ये देखील नोंद करणे बंधनकारक आहे.
• बदल किंवा नवीन ओळखपत्र: जर कुटुंबनिवृत्तीवेतनधारकाने जिल्हा कोषागार कार्यालय किंवा बँक शाखा बदलण्याची मागणी केली, म्हणजेच अन्य जिल्ह्यात कुटुंबनिवृत्तीवेतन घेण्यासाठी अर्ज केला, तर यापूर्वी दिलेले ओळखपत्र परत घेतले जाईल. नवीन जिल्ह्यात कुटुंबनिवृत्तीवेतन सुरू झाल्यानंतर त्या जिल्हा कोषागार कार्यालयामार्फत लिखित मागणीनुसार नव्याने ओळखपत्र दिले जाईल आणि त्याची नोंद स्वतंत्र नोंदवहीत व निवृत्तिवेतनवाहिनी प्रणालीमध्ये घेतली जाईल.
• शिक्का: ओळखपत्र देण्यापूर्वी त्याच्या मागील बाजूस महाराष्ट्र शासनाच्या गोल शिक्क्याची मोहोर उमटवणे आवश्यक आहे.
• खर्च प्रतिपूर्ती: बृहन्मुंबई पेन्शनर्स असोसिएशनने ओळखपत्र तयार करून वितरित करण्याच्या खर्चाची प्रतिपूर्ती संबंधित कुटुंबनिवृत्तीवेतनधारकांकडून करण्याची विनंती केली आहे. याबाबतची रीतसर पावती संबंधित कोषागार कार्यालयाकडून घेण्यात यावी. या संदर्भात सविस्तर कार्यपद्धती संचालक, लेखा व कोषागारे, महाराष्ट्र राज्य हे विहित करतील.

महत्वाची सूचना

राज्यातील सर्व निवृत्तीवेतन धारकांसाठी महत्त्वाची सूचना – Important Notice for Pensioners

ओळखपत्राचा नमुना:

शासन परिपत्रकासोबत “जोडपत्र अ” मध्ये कुटुंबनिवृत्तीवेतनधारकाच्या ओळखपत्राचा विहित नमुना देण्यात आला आहे. यामध्ये खालील माहिती असेल:

• कोषागार कार्यालयाचे नाव व पत्ता, दूरध्वनी क्रमांक, ई-मेल
• कुटुंबनिवृत्तीवेतनधारकाचे नाव, छायाचित्र
• निवृत्तीवेतन प्रदान आदेश क्रमांक (PPO No.)
• मयत निवृत्तीवेतनधारकाचे नाव व सेवानिवृत्तीचे वेळी धारण केलेले पद
• ओळखपत्र धारकाची स्वाक्षरी
• मयत निवृत्तीवेतनधारकासोबत नाते
• ओळखपत्र क्रमांक
• कुटुंबनिवृत्तीवेतन धारकाचा जन्मदिनांक
• कुटुंबनिवृत्तीवेतन सुरू झाल्याचा दिनांक
• निवासी पत्ता, भ्रमणध्वनी/दूरध्वनी क्रमांक, ई-मेल
• आधार क्रमांक (मास्क आधार क्रमांक)
• रक्तगट
• विशेष आजार
• ओळखपत्र देणाऱ्या अधिकाऱ्याचे नाव, पदनाम व स्वाक्षरी

अधिक माहितीसाठी: शासन निर्णय वाचा