Gramvikas Vibhag Circuler ग्रामविकास विभागाची जिल्हा परिषदांना सूचना, रिक्त जागांची माहिती अपडेट करण्याचे निर्देश

By MarathiAlert Team

Updated on:

Gramvikas Vibhag Circuler महाराष्ट्र शासनाच्या ग्रामविकास विभागाने जिल्हा परिषद शिक्षकांच्या रिक्त पदांच्या बदली प्रक्रियेसंदर्भात एक महत्त्वाचे परिपत्रक जारी केले आहे. यानुसार, बदली पोर्टलवर शिक्षकांच्या रिक्त पदांची माहिती तातडीने अद्ययावत (अपडेट) करण्याचे निर्देश सर्व जिल्हा परिषदांना देण्यात आले आहेत. यामुळे बदली प्रक्रियेत सुस्पष्टता येऊन शिक्षकांना दिलासा मिळणार आहे.

Gramvikas Vibhag Circuler

ग्रामविकास विभागाने, मे.व्ही.एन.सी.आय.टी. सर्व्हिसेस प्रा.लि., पुणे यांच्या २.७.२०२५ रोजीच्या पत्राचा संदर्भ घेऊन हे परिपत्रक काढले आहे. यापूर्वी जिल्हा परिषदांनी शिक्षकांच्या रिक्त पदांबाबतची माहिती सुधारित न केल्याने, तसेच नव्याने समाविष्ट करण्यात आलेल्या विनंतीमुक्त व जिल्हा परिषद हद्दीतून बदलून आलेल्या शिक्षकांमुळे पोर्टलवरची माहिती अद्ययावत करणे आवश्यक असल्याचे नमूद करण्यात आले आहे.

या संदर्भात सर्व जिल्हा परिषदांना खालील सूचना देण्यात आल्या आहेत:

  • बदली पोर्टलवर रिक्त पदांची माहिती अद्ययावत करा: ४ दिवसांच्या आत बदली पोर्टलवर रिक्त पदांची माहिती अद्ययावत करून ती उपलब्ध करून द्यावी.
  • गट शिक्षणाधिकारी करतील पडताळणी: सदर कालावधीमध्ये गट शिक्षणाधिकारी यांनी बदली पोर्टलवरील शिक्षकांच्या रिक्त पदांची माहिती अद्ययावत करावी.
  • माहितीची पडताळणी: गट शिक्षणाधिकाऱ्यांनी अद्ययावत केलेल्या माहितीची पडताळणी करून ती बरोबर असल्याची खात्री करावी.
  • वेळेत काम पूर्ण करा: विहित केलेल्या कालावधीमध्ये काम पूर्ण न झाल्यास याची जबाबदारी संबंधित अधिकाऱ्यांची राहील. याबाबत कोणत्याही प्रकारची मुदतवाढ दिली जाणार नाही, याची सर्व जिल्हा परिषदांच्या नोडल अधिकाऱ्यांनी नोंद घ्यावी. असे परिपत्रकात नमूद आहे.

या निर्णयामुळे जिल्हा परिषद शिक्षकांच्या बदल्यांमध्ये अधिक पारदर्शकता येण्यास मदत होईल, अशी अपेक्षा व्यक्त केली जात आहे. अद्ययावत माहितीमुळे बदली प्रक्रियेतील गोंधळ कमी होऊन शिक्षकांना योग्य ठिकाणी बदली मिळण्यास सोपे होईल.

ott teacher transfer
WhatsApp Group Join Now
Telegram Group Join Now

MarathiAlert Team शिक्षण, सरकारी योजना, नोकरी आणि कर्मचारी संबंधित विषयांवरील माहिती मराठीतून, अचूक व सोप्या पद्धतीने देण्याचा प्रयत्न करते. विश्वसनीय, उपयुक्त आणि वेळेवर माहिती देणं हेच आमचं मुख्य ध्येय आहे.

Read more

Leave a Comment

error: Content is protected !!