Agri Stack Registration: शेतकरी बांधवांनो, आपल्या शेतीच्या विकासासाठी आणि सरकारी योजनांचा सहज लाभ घेण्यासाठी शासनाने ‘ॲग्रीस्टॅक’ (Agri Stack) म्हणजेच शेतकरी ओळखपत्र क्रमांक देण्याची प्रक्रिया सुरू केली आहे. या क्रमांकामुळे आपल्या जमिनीची माहिती आधार क्रमांकाशी जोडली जाईल आणि शेतकऱ्यांसाठी असलेल्या विविध सरकारी योजनांचा लाभ सहज मिळणार आहे. संपूर्ण माहिती पाहूया.
ज्या शेतकरी बांधव-भगिनींनी अद्याप आपला फार्मर आयडी काढलेला नाही, त्यांनी तत्काळ नोंदणी करून घ्यावी. नोंदणी करण्यासाठी शेतकरी आपल्या नजिकच्या सेवा सुविधा केंद्रावर भेट देऊ शकतात किंवा स्वतःही ॲग्रीस्टॅक पोर्टलवरून ऑनलाइन नोंदणी करू शकतात. ज्यांनी अद्याप फार्मर आयडी नोंदणी केलेली नाही, त्यांनी विलंब न करता २० मे २०२६ पूर्वी आपला फार्मर आयडी काढून घ्यावा, असे आवाहन कृषी विभागाकडून करण्यात आले आहे.
राज्यात १४ नोव्हेंबर २०२४ पासून ॲग्रीस्टॅक योजनेची अंमलबजावणी सुरू करण्यात आली आहे. तसेच, १५ एप्रिल २०२५ पासून कृषी विभागाच्या विविध योजनांचा लाभ घेण्यासाठी फार्मर आयडी अनिवार्य करण्यात आला आहे.
राज्यात एकूण १.७१ कोटी खातेदार असून, त्यापैकी १.३२ कोटी शेतकऱ्यांनी फार्मर आयडी काढले आहेत. यापुढे कृषी विभागाच्या सर्व योजनांचा लाभ घेण्यासाठी तसेच विविध कृषी निविष्ठा (बियाणे, खते, औषधे इ.) मिळवण्यासाठी फार्मर आयडी आवश्यक राहणार आहे.
Table of Contents
ॲग्रीस्टॅक म्हणजे काय? Agri Stack
ॲग्रीस्टॅक हे भारत सरकारने विकसित केलेले डिजिटल कृषी प्लॅटफॉर्म आहे. याचा उद्देश शेतकऱ्यांचा डेटा एकाच ठिकाणी एकत्रित करून त्यांना सरकारी योजनांचा लाभ मिळवून देणे आहे. यात शेतकऱ्यांचा आधार कार्ड, जमिनीचे तपशील, बँक खाते माहिती आणि पिकांची माहिती एकाच डेटाबेसमध्ये जोडली जाते.
शेतकरी ओळखपत्र क्रमांकाचे फायदे Agri Stack Benefits
शासनाच्या कृषीविषयक योजना अधिक पारदर्शक आणि जलद कार्यान्वित करण्यासाठी Agri Stack हे ओळखपत्र उपयुक्त ठरेल. Agri Stack Benefits काही महत्त्वाचे फायदे खालीलप्रमाणे आहेत:
- ✅ थेट सरकारी अनुदान व मदत
- पीएम किसान सन्मान निधी – दरवर्षी थेट बँक खात्यात जमा होण्यास मदत होईल. तसेच पीक विमा आणि कर्ज मंजुरी – तातडीने प्रक्रिया, कृषी अनुदान, खत व बियाणे योजनेचा जलद लाभ
- ✅ आधुनिक शेतीसाठी मदत
- हवामान अंदाज, आधुनिक शेती सल्ला आणि बाजारभाव माहिती, मृदा परीक्षण व खत सल्ला
- ✅ राज्य आणि केंद्र सरकारच्या सर्व कृषी योजनांमध्ये प्राधान्य
- नवीन कृषी तंत्रज्ञान, अवजारे आणि सिंचन योजना, शेततळे, ठिबक सिंचन, गटशेती योजनेतील लाभ, गटगटवारी नोंदणी व शेतकऱ्यांसाठी विशेष सवलतीसाठी हे महत्वाचे ठरणार आहे.
ऑनलाईन नोंदणीसाठी आवश्यक कागदपत्रे
📌 कागदपत्रे:
✅ आधार कार्ड (आधार लिंक असलेला मोबाईल क्रमांक आवश्यक)
✅ ७/१२ उतारा (जमिनीचा दाखला)
✅ बँक खाते तपशील
📢 नोंदणी पूर्णतः मोफत आहे!
शेतकरी ओळखपत्र नोंदणी प्रक्रिया Agri Stack Registration
आपल्या गावात किंवा तालुक्यातील अधिकृत केंद्रावर जाऊन आपण सहज नोंदणी करू शकता.
- नोंदणी केंद्र:
- ग्रामपंचायत कार्यालय
- CSC सेंटर (कॉमन सर्व्हिस सेंटर)
- आपले सरकार सेवा केंद्र
- तलाठी कार्यालय
- नोंदणीसाठी कोणते कागदपत्रे आवश्यक?
- आधार कार्ड
- आधार लिंक असलेला मोबाईल क्रमांक
- ७/१२ उतारा (जमिनीचा दाखला)
पीएम PM किसान लाभार्थी यादीत नाव येथे चेक करा – डायरेक्ट लिंक
नोंदणी मोफत असून, तातडीने नोंदणी करा!
शेतकरी बंधूंनो, ही नोंदणी पूर्णतः मोफत आहे. त्यामुळे कोणत्याही अफवांना बळी न पडता, आपल्या हक्काचे शेतकरी ओळखपत्र तात्काळ मिळवा. सरकारच्या विविध योजनांचा लाभ घ्या आणि आपल्या शेतीच्या उत्पादनात वाढ करा!
अॅग्रीस्टॅक शेतकरी ओळखपत्र नोंदणी – ऑनलाईन प्रक्रिया (महाराष्ट्र)
शेतकरी बांधवांनो, महाराष्ट्र शासनाने ‘अॅग्रीस्टॅक’ म्हणजेच शेतकरी ओळखपत्र क्रमांक नोंदणी प्रक्रिया ऑनलाइन सुरू केली आहे. या क्रमांकामुळे आपली जमीन आणि आधार क्रमांक जोडले जातील व सर्व सरकारी कृषी योजनांचा लाभ मिळवणे सोपे होईल.
ऑनलाईन नोंदणी प्रक्रिया
शेतकरी ओळखपत्रासाठी ऑनलाईन नोंदणी करण्यासाठी खालील पद्धत वापरा:
1️⃣ अधिकृत वेबसाईटला भेट द्या:
👉 https://agristack.gov.in/
2️⃣ नोंदणी करा: https://mhfr.agristack.gov.in/farmer-registry-mh
- “Register/Login” वर क्लिक करा.
- आपला आधार क्रमांक आणि मोबाईल नंबर टाका.
- ओटीपी (OTP) द्वारा खाते सत्यापित करा.
3️⃣ शेतकरी माहिती भरा:
- आपले पूर्ण नाव, पत्ता, जिल्हा, तालुका आणि गाव टाका.
- 7/12 उताऱ्याची माहिती भरा.
4️⃣ आधार आणि बँक खाते लिंक करा:
- आधार कार्ड आणि बँक खाते जोडण्यासाठी माहिती द्या.
- PM किसान आणि इतर योजनांसाठी थेट लाभ मिळेल.
5️⃣ नोंदणी सबमिट करा आणि यशस्वी नोंदणीचा मेसेज मिळवा.
अॅग्रीस्टॅक शेतकरी ओळखपत्र नोंदणी स्थिती कशी तपासावी?
महाराष्ट्रातील शेतकरी बांधवांसाठी अॅग्रीस्टॅक शेतकरी ओळखपत्र क्रमांकाची नोंदणी सुरू आहे. जर तुम्ही नोंदणी केली असेल आणि तुमच्या अर्जाची स्थिती (Status) तपासू इच्छित असाल, तर खालील सोपी पद्धत वापरा.
ऑनलाईन पद्धत – नोंदणी स्थिती तपासण्याची प्रक्रिया
1️⃣ अधिकृत वेबसाईटला भेट द्या:
👉 https://mhfr.agristack.gov.in/
2️⃣ “शेतकरी ओळखपत्र स्थिती” विभागावर क्लिक करा
3️⃣ आधार क्रमांक किंवा नोंदणी क्रमांक टाका
4️⃣ ओटीपी (OTP) द्वारा खाते सत्यापित करा
5️⃣ तुमच्या अर्जाची सद्यस्थिती पाहा
✅ अर्ज मंजूर (Approved)
✅ प्रक्रियेत (Under Process)
✅ दुरुस्ती आवश्यक (Correction Required)
स्थिती नोंदणी केंद्रावर जाऊनही तपासता येते
जर ऑनलाइन स्थिती पाहणे शक्य नसेल, तर खालील केंद्रांवर जाऊन माहिती मिळवू शकता:
✔ ग्रामपंचायत कार्यालय
✔ CSC सेंटर (कॉमन सर्व्हिस सेंटर)
✔ आपले सरकार सेवा केंद्र
✔ तालुका कृषी कार्यालय / तलाठी कार्यालय
📢 महत्त्वाचे:
✅ नोंदणी स्थिती तपासण्यासाठी आधार क्रमांक किंवा अर्ज क्रमांक आवश्यक आहे.
✅ जर अर्ज दुरुस्ती आवश्यक असेल, तर लवकरात लवकर अपडेट करा.
अधिक माहितीसाठी Agri Stack Official Website : https://agristack.gov.in/
फार्मर आयडी नोंदणी संदर्भात हेल्पलाईन नंबर
- अमरावती विभागात सहाय्यक कृषी अधिकारी अजितकुमार गेजगे (मो. क्र. ९६५७१०९८०९)
- पुणे विभागात सहाय्यक कृषी अधिकारी संगीता ननावरे (मो. क्र. ७५८८५०९४९२)
- कोकण विभागात सहाय्यक कृषी अधिकारी सोनाली वाडेकर (मो. क्र. ९४०४९५३५१८)
- छत्रपती संभाजीनगर विभागात सहाय्यक कृषी अधिकारी शीतल कौदरे (मो. क्र. ९१७२३१९६३७)
- नागपूर विभागात सहाय्यक कृषी अधिकारी अजितकुमार गेजगे (मो. क्र. ९६५७१०९८०९) आणि
- नाशिक विभागात सहाय्यक कृषी अधिकारी सोनाली वाडेकर (मो. क्र. ९४०४९५३५१८)
यांच्याशी फार्मर आयडी नोंदणी संदर्भात कोणतीही अडचण आल्यास संबंधित हेल्पडेस्कशी संपर्क साधावा.
