B Pharmacy Pharm D CAP Round Schedule 2025: महाराष्ट्र राज्य सामाईक प्रवेश परीक्षा कक्षाने (CET Cell) शैक्षणिक वर्ष २०२५-२६ साठीच्या बी. फार्मसी (B. Pharmacy) आणि फार्म.डी (Pharm. D.) अभ्यासक्रमांच्या प्रवेशाचे सविस्तर आणि सुधारित वेळापत्रक (Schedule) जाहीर केले आहे. विशेष म्हणजे, आज, २८ सप्टेंबर २०२५ पासून कॅप राउंड (CAP Round) I साठी ऑनलाईन पर्याय फॉर्म (Option Form) भरण्यास सुरुवात झाली आहे.
बी. फार्मसी/फार्म.डी प्रवेश २०२५-२६ प्रक्रियेसाठी ज्या विद्यार्थ्यांनी यापूर्वी ऑनलाईन नोंदणी आणि कागदपत्र पडताळणीची प्रक्रिया पूर्ण केली आहे, त्यांच्यासाठी पुढील प्रवेशाचा मार्ग आता खुला झाला आहे. विद्यार्थ्यांना पसंतीचे कॉलेज मिळवण्यासाठी ऑप्शन फॉर्म काळजीपूर्वक भरणे गरजेचे आहे.
प्रवेशाचे महत्त्वाचे टप्पे
प्रवेश प्रक्रिया ७ जुलै २०२५ पासून सुरू झाली होती. अर्ज भरण्याची आणि कागदपत्र पडताळणीची अंतिम मुदत ०३ सप्टेंबर २०२५ पर्यंत होती. यानंतर:
- तात्पुरती गुणवत्ता यादी (Provisional Merit List): ०६ सप्टेंबर २०२५ रोजी जाहीर झाली.
- अंतिम गुणवत्ता यादी (Final Merit List): आक्षेप (Grievances) विचारात घेऊन अंतिम यादी १४ सप्टेंबर २०२५ रोजी जाहीर करण्यात आली आहे.
ज्या विद्यार्थ्यांनी निर्धारित वेळेत आपले अर्ज निश्चित केले नाहीत, त्यांचे अर्ज केवळ नॉन-कॅप (Non-CAP) जागांसाठी विचारात घेतले जाणार आहेत, याची नोंद उमेदवारांनी घ्यावी.
B Pharmacy Pharm D CAP Round Schedule 2025
प्रवेश प्रक्रियेचा केंद्रबिंदू असलेल्या कॅप राउंडचे वेळापत्रक खालीलप्रमाणे आहे. विद्यार्थ्यांनी त्यांच्या पसंतीनुसार प्रवेश निश्चित करण्याची प्रक्रिया वेळेत पूर्ण करावी:
कॅप राउंड-I (CAP Round – I)
- रिक्त जागा (Seat Matrix) जाहीर: २७ सप्टेंबर २०२५
- ऑनलाईन पसंतीक्रम फॉर्म भरण्याची मुदत: २८ सप्टेंबर २०२५ ते ३० सप्टेंबर २०२५
- जागा वाटप (Allotment) जाहीर: ०३ ऑक्टोबर २०२५
- जागा स्वीकारणे (Acceptance) आणि शुल्क भरणे: ०४ ऑक्टोबर २०२५ ते ०६ ऑक्टोबर २०२५ (दुपारी ३.०० वाजेपर्यंत)
- कॉलेजमध्ये प्रवेश निश्चितीसाठी रिपोर्ट करणे: ०४ ऑक्टोबर २०२५ ते ०६ ऑक्टोबर २०२५ (संध्याकाळी ५.०० वाजेपर्यंत)
कॅप राउंड-II (CAP Round – II)
- रिक्त जागा जाहीर: ०७ ऑक्टोबर २०२५
- ऑनलाईन पसंतीक्रम फॉर्म भरण्याची मुदत: ०८ ऑक्टोबर २०२५ ते १० ऑक्टोबर २०२५
- जागा वाटप (Allotment) जाहीर: १३ ऑक्टोबर २०२५
- जागा स्वीकारणे आणि कॉलेजमध्ये रिपोर्ट करणे: १४ ऑक्टोबर २०२५ ते १६ ऑक्टोबर २०२५
कॅप राउंड-III (CAP Round – III)
- रिक्त जागा जाहीर: १७ ऑक्टोबर २०२५
- ऑनलाईन पसंतीक्रम फॉर्म भरण्याची मुदत: १८ ऑक्टोबर २०२५ ते २४ ऑक्टोबर २०२५
- जागा वाटप (Allotment) जाहीर: २७ ऑक्टोबर २०२५
- जागा स्वीकारणे आणि कॉलेजमध्ये रिपोर्ट करणे: २८ ऑक्टोबर २०२५ ते ३० ऑक्टोबर २०२५
कॅप राउंड-IV (CAP Round – IV)
- रिक्त जागा जाहीर: ३१ ऑक्टोबर २०२५
- ऑनलाईन पसंतीक्रम फॉर्म भरण्याची मुदत: ०१ नोव्हेंबर २०२५ ते ०३ नोव्हेंबर २०२५
- जागा वाटप (Allotment) जाहीर: ०६ नोव्हेंबर २०२५
- जागा स्वीकारणे आणि कॉलेजमध्ये रिपोर्ट करणे: ०७ नोव्हेंबर २०२५ ते १० नोव्हेंबर २०२५ (या राउंडमधील प्रवेश अंतिम असेल)
प्रवेशाची अंतिम मुदत (Cut-off Date)
- संस्था स्तरावर प्रवेश (Institute Level) प्रक्रिया पूर्ण करण्याची अंतिम तारीख: १७ नोव्हेंबर २०२५.
- शैक्षणिक वर्ष २०२५-२६ साठी सर्व प्रवेशाची अंतिम तारीख (Cut-off Date): १७ नोव्हेंबर २०२५ (संध्याकाळी ५.०० वाजेपर्यंत).
विद्यार्थ्यांसाठी आवाहन: ज्या विद्यार्थ्यांनी कॅप राउंडमध्ये जागा मिळवली आहे, त्यांनी वेळेवर ‘फ्रीज’ (Freeze), ‘सेल्फ-फ्रीज’ (Self-Freeze) किंवा ‘बेटरमेंट’ (Betterment) चा पर्याय निवडणे आणि आवश्यक शुल्क भरून संस्थेत प्रवेश निश्चित करणे अनिवार्य आहे.
अधिक माहितीसाठी : सविस्तर वेळापत्रक PDF डाउनलोड करा
