महाराष्ट्र शासनाच्या सामान्य प्रशासन विभागाने राज्यातील लोकसभा आणि विधानसभा सार्वत्रिक/पोट निवडणुकांसाठी नियुक्त करण्यात येणाऱ्या लाखो अधिकारी आणि कर्मचाऱ्यांसाठी एक अत्यंत महत्त्वाचा आणि दिलासादायक निर्णय घेतला आहे.
निवडणूक कर्तव्यावरील अधिकारी व कर्मचाऱ्यांचे मानधन, पारिश्रमिक आणि भत्त्यांच्या दरात लक्षणीय सुधारणा करण्यात आली असून, यासंबंधीचा शासन निर्णय (GR) दिनांक २४ नोव्हेंबर २०२५ रोजी जारी करण्यात आला आहे. या निर्णयामुळे Election Duty New Allowance Maharashtra 2025 लागू झाला आहे, ज्यामुळे कर्मचाऱ्यांच्या मेहनतीला योग्य मोबदला मिळणार आहे.
निवडणूक भत्ता शासन निर्णय सुधारित दर
भारत निवडणूक आयोगाने ०८ ऑगस्ट २०२५ रोजी दिलेल्या निर्देशानुसार, निवडणूक कर्तव्यावर तैनात कर्मचाऱ्यांना अधिक चांगल्या प्रकारे नुकसानभरपाई मिळावी यासाठी भत्त्यांच्या दरांमध्ये सुधारणा करण्याचे निर्देश राज्यांना दिले होते. याच सूचनांचे पालन करत, महाराष्ट्र शासनाने राज्यातील आगामी लोकसभा आणि विधानसभा निवडणुकांसाठी हे सुधारित दर तात्काळ लागू करण्याचा निर्णय घेतला आहे.
मानधनात ‘अशी’ झाली वाढ (निवडणूक भत्ता):
या सुधारित निर्णयानुसार, विविध पदांवरील कर्मचाऱ्यांच्या मानधनात भरीव वाढ करण्यात आली आहे.
मतदान केंद्राध्यक्ष/मतमोजणी पर्यवेक्षक: यांचा विद्यमान दर (प्रत्येक दिवसाकरिता किंवा दिवसाच्या भागाकरिता) रु. ३५०/- वरून वाढवून आता रु. ५००/- करण्यात आला आहे. एकत्रित स्वरूपात ही रक्कम रु. २०००/- असेल.
मतदान अधिकारी (Polling Officer): यांना प्रत्येक दिवसाकरिता रु. २५०/- ऐवजी आता रु. ४००/- (एकत्रित रु. १६००/-) इतका सुधारित भत्ता मिळेल.
मतमोजणी सहायक: यांना पूर्वीच्या रु. २५०/- ऐवजी आता प्रत्येक दिवसाकरिता रु. ४५०/- (एकत्रित रु. १३५०/-) मिळतील.
चतुर्थश्रेणी कर्मचारी (ईव्हीएम कमिशनिंग, साहित्य वाटप इत्यादीकरिता): यांचा दैनिक दर रु. २००/- वरून वाढवून रु. ३५०/- (एकत्रित रु. १४००/-) करण्यात आला आहे.
आहार भत्त्यात तिपटीहून अधिक वाढ
निवडणूक कामासाठी नियुक्त करण्यात आलेल्या अधिकारी/कर्मचारी यांच्यासाठी असलेल्या आहार भत्त्यात (Diet Allowance) लक्षणीय वाढ करण्यात आली आहे.
मतदान/मतमोजणी केंद्रावरील अधिकारी, कर्मचारी, पोलीस अधिकारी, होमगार्ड, एनसीसी कॅडेट्स, माजी सैनिक आणि स्वयंसेवक यांना मिळणारा विद्यमान दर (प्रत्येक दिवसाकरिता) रु. १५०/- होता, तो आता थेट रु. ५००/- करण्यात आला आहे.
ही वाढ Election Duty New Allowance Maharashtra 2025 मुळे कर्मचाऱ्यांसाठी मोठा आधार ठरणार आहे.
विशेष पथकांचे मानधनही वाढले
फिरते व्हिडीओ पथक (Mobile Video Team), लेखा पथक (Accounting Team) आणि नियंत्रण कक्ष कर्मचाऱ्यांच्या भत्त्यातही मोठी वाढ झाली आहे.
वर्ग-१/वर्ग-२ अधिकाऱ्यांसाठी हा भत्ता रु. १२००/- वरून रु. ३०००/- आणि वर्ग-३ कर्मचाऱ्यांसाठी रु. १०००/- वरून रु. २०००/- (एकत्रित एकदा) करण्यात आला आहे.
सूक्ष्म निरिक्षक (Micro Observer) यांचे मानधन रु. १०००/- वरून रु. २०००/- करण्यात आले आहे.
प्रवास भत्त्याचे नियम कायम | Election Duty Travelling Allowance
प्रवास भत्ता (TA/DA) आणि दैनिक भत्ता देण्याची प्रक्रिया पूर्वीप्रमाणेच कायम ठेवण्यात आली आहे. यात TA/DA च्या १००% रक्कम एकतर निवडणूक कर्तव्य पूर्ण केल्याच्या २४ तासांच्या आत किंवा आगाऊ देण्याची सोय उपलब्ध आहे.हा शासन निर्णय तात्काळ म्हणजेच २४ नोव्हेंबर २०२५ पासून लागू होणार आहे. Election Duty New Allowance Maharashtra 2025 च्या अंमलबजावणीमुळे निवडणूक प्रक्रियेत सहभागी असलेल्या कर्मचाऱ्यांना दिलासा मिळणार आहे.
अधिक माहितीसाठी : निवडणूक भत्ता शासन निर्णय वाचा
