महाराष्ट्र राज्य परीक्षा परिषदेने ‘महाराष्ट्र शिक्षक पात्रता परीक्षा (MAHATET) २०२५’ च्या निकालासंदर्भात अधिकृत प्रसिद्धी पत्रक जारी केले असून, उमेदवारांची प्रतीक्षा आता संपली आहे.
महाराष्ट्र शिक्षक पात्रता TET परीक्षेचा निकाल जाहीर
महाराष्ट्र राज्य परीक्षा परिषदेने दिलेल्या माहितीनुसार, २३ नोव्हेंबर २०२५ रोजी घेण्यात आलेल्या शिक्षक पात्रता परीक्षेचा (TET) अंतरिम निकाल आज, म्हणजेच १६ जानेवारी २०२६ रोजी जाहीर करण्यात येत आहे.
या परीक्षेचा निकाल उमेदवारांना आज सायंकाळी ६.०० वाजल्यापासून अधिकृत संकेतस्थळावर पाहता येणार आहे. त्यामुळे ज्या उमेदवारांनी ही परीक्षा दिली होती, ते आता आपला (TET Exam Result) ऑनलाईन पद्धतीने पाहू शकतात.
निकाल कसा पाहायचा?
उमेदवारांना त्यांचा निकाल पाहण्यासाठी खालील सोप्या पद्धतीचा वापर करता येईल.
- सर्वप्रथम महाराष्ट्र राज्य परीक्षा परिषदेच्या http://mahatet.in या अधिकृत वेबसाईटला भेट द्या.
- तिथे उमेदवारांच्या लॉगिन (Login) पर्यायावर क्लिक करा.
- तुमची आवश्यक माहिती भरून लॉगिन केल्यानंतर तुम्हाला तुमचा निकाल स्क्रीनवर दिसेल.
यापूर्वी १२ जानेवारी २०२६ रोजी पेपर १ आणि पेपर २ ची अंतिम उत्तरसूची (Final Answer Key) प्रसिद्ध करण्यात आली होती, आणि त्याआधारेच आता हा अंतरिम निकाल लावण्यात आला आहे.
गुणपडताळणी आणि आक्षेप नोंदवण्यासाठी मुदत
निकाल पाहिल्यानंतर जर कोणाला आपल्या गुणांबद्दल काही शंका असेल किंवा काही त्रुटी वाटत असतील, तर परिषदेने त्यासाठीही सोय उपलब्ध करून दिली आहे.
कालावधी: १६ जानेवारी २०२६ ते २१ जानेवारी २०२६ (सायंकाळी ६.०० वाजेपर्यंत).
पद्धत: उमेदवारांना त्यांच्या लॉगिन मधूनच ऑनलाईन पद्धतीने आक्षेप नोंदवता येतील.
येथे एक गोष्ट लक्षात घेणे अत्यंत गरजेचे आहे की, गुणपडताळणीसाठी किंवा आक्षेपांसाठी फक्त ऑनलाईन पद्धतच स्वीकारली जाईल. ई-मेल, पोस्ट किंवा अन्य कोणत्याही मार्गाने आलेले अर्ज विचारात घेतले जाणार नाहीत, असे परिषदेने स्पष्ट केले आहे.
त्यामुळे सर्व भावी शिक्षकांनी वेळेत आपले (TET Exam Result) तपासावेत आणि काही आक्षेप असल्यास दिलेल्या मुदतीतच नोंदवावेत.
अधिक माहितीसाठी: सर्व अधिकृत अपडेट्ससाठी (https://www.mscepune.in/) या तसेच http://mahatet.in या संकेतस्थळाला भेट देत राहा.
