Mission Vatsalya Scheme कोविड काळात सुरू झालेल्या ‘मिशन वात्सल्य’ योजनेचा आता राज्यातील सर्व विधवा आणि परित्यक्ता महिलांनाही लाभ मिळणार आहे. शासनाच्या विविध कल्याणकारी योजनांचा लाभ मिळवून देणे हे यामागील उद्दिष्ट आहे.
Mission Vatsalya Scheme संपूर्ण माहिती
‘मिशन वात्सल्य’ योजनेचा लाभ आता राज्यातील सर्व विधवा महिलांना
कोविड-१९ महामारीमुळे दोन्ही पालक गमावलेल्या अनाथ बालकांना आणि घरातील कर्ता पुरुष गमावलेल्या विधवा महिलांना मदत करण्यासाठी सुरू करण्यात आलेल्या ‘मिशन वात्सल्य’ योजनेची व्याप्ती वाढवण्याचा निर्णय महाराष्ट्र शासनाने घेतला आहे.
आता (Mission Vatsalya Scheme) या योजनेचा लाभ राज्यातील सर्व विधवा, परित्यक्ता आणि एकल महिलांनाही मिळणार आहे. ‘शासन आपल्या दारी’ या संकल्पनेअंतर्गत या महिलांना शासनाच्या विविध कल्याणकारी योजनांचा लाभ मिळवून दिला जाणार आहे.
काय आहे ‘मिशन वात्सल्य’ योजना?
कोविड-१९ च्या प्रादुर्भावामुळे ज्या महिला विधवा झाल्या, त्यांचे योग्य पुनर्वसन व्हावे यासाठी ‘शासन आपल्या दारी’ या संकल्पनेवर आधारित तालुकास्तरीय समिती स्थापन करून ही योजना सुरू करण्यात आली होती.
या योजनेचा मुख्य उद्देश अनाथ बालके आणि विधवा महिलांना त्यांचे वारसा प्रमाणपत्र, मालमत्तेचे हक्क आणि इतर शासकीय योजनांचा लाभ मिळवून देणे हा आहे.
या योजनेअंतर्गत लाभार्थ्यांना खालील मदत दिली जाते:
- आवश्यक कागदपत्रांची पूर्तता करणे
- शासनाच्या विविध कल्याणकारी योजनांचा लाभ मिळवून देणे
- क्षेत्रीय स्तरावरील सरकारी आणि स्वयंसेवी संस्थांशी समन्वय साधणे
योजनेच्या विस्ताराचा निर्णय
सद्यस्थितीत जरी कोविडचा प्रादुर्भाव कमी झाला असला तरी, राज्यातील सर्व विधवा आणि परित्यक्ता महिलांना मदत करण्यासाठी ‘मिशन वात्सल्य’ योजनेची व्याप्ती वाढवण्याचा निर्णय घेण्यात आला आहे. या निर्णयामुळे आता सर्व विधवा महिलांना त्यांचे हक्क मिळवून देणे, त्यांच्यासाठी ठोस कार्यक्रम आखणे आणि त्यांना शासकीय योजनांचा फायदा मिळवून देणे शक्य होणार आहे.
‘मिशन वात्सल्य’ योजनेची सविस्तर माहिती व शासन निर्णय डाउनलोड करा
