महाराष्ट्र शासनाच्या महिला व बाल विकास विभागाने राज्यातील अंगणवाडी सेविका आणि मदतनीस कर्मचाऱ्यांचे माहे मार्च २०२६ चे मानधन आणि प्रोत्साहन भत्ता अदा करण्यासाठी निधी वितरित करण्यास मान्यता देण्यात आली आहे. या बाबतचा शासन निर्णय ७ एप्रिल २०२६ रोजी निर्गमित करण्यात आला आहे.
अंगणवाडी सेविका आणि मदतनीसांच्या मानधनासाठी एकूण १७४.०० कोटी रुपयांचा अतिरिक्त राज्य हिश्याचा निधी वितरित करण्यात आला आहे. हा निधी विशेषतः माहे मार्च २०२६ या महिन्याचे मानधन आणि प्रोत्साहन भत्ता वेळेवर मिळावा या उद्देशाने आयुक्त, एकात्मिक बाल विकास सेवा योजना यांना सुपूर्द करण्यात आला आहे.
सदर खर्च हा ‘२२३६-पोषण आहार’ या प्रधान लेखाशीर्षांतर्गत असलेल्या ‘अंगणवाडी सेवा (अतिरिक्त राज्य हिस्सा १००%)’ या तरतुदीमधून भागविण्यात येणार आहे.
एकात्मिक बाल विकास सेवा योजनेच्या आयुक्तांना वित्त विभागाच्या सूचनांचे पालन करून सदर निधीचा विहित पद्धतीने विनियोग करण्याचे निर्देश देण्यात आले आहेत. या निर्णयामुळे राज्यातील अंगणवाडी कर्मचाऱ्यांच्या मानधनाचा प्रश्न सुटण्यास मदत होणार असून, मार्च महिन्याचा पगार वेळेत होण्याचा मार्ग मोकळा झाला आहे.
अधिक माहितीसाठी अंगणवाडी सेविका व मदतनीस कर्मचाऱ्यांचे मानधन आणि प्रोत्साहन भत्ता मंजूर, शासन निर्णय डाउनलोड करा
