मुंबईकरांची सेवा करणाऱ्या बृहन्मुंबई महानगरपालिका (MCGM) अधिकारी आणि कर्मचाऱ्यांसाठी एक मोठी आणि अत्यंत आनंदाची बातमी आहे! दीपावली २०२५ च्या निमित्ताने पालिका प्रशासनाने रु ३१,०००/- (एकतीस हजार रुपये) सानुग्रह अनुदान (बोनस) जाहीर केले आहे. महानगरपालिका आयुक्त तथा प्रशासक श्री. भूषण गगराणी यांनी हा महत्त्वाचा निर्णय घोषित केला आहे.
कोणाकोणाला मिळणार 31,000 रुपयांचा भरघोस बोनस? | BMC Diwali Bonus 2025
हा सानुग्रह अनुदानाचा लाभ केवळ महानगरपालिकेच्या अधिकारी/कर्मचाऱ्यांपुरता मर्यादित न ठेवता, शिक्षण क्षेत्रातील अनेक घटकांना देण्यात आला आहे. या निर्णयामुळे BMC Diwali Bonus 2025 चा आनंद खालील कर्मचाऱ्यांना मिळणार आहे:
- महानगरपालिका अधिकारी / कर्मचारी – रु ३१,०००/-
- अनुदान प्राप्त खासगी प्राथमिक शाळा शिक्षक / शिक्षकेतर कर्मचारी – रु ३१,०००/-
- महानगरपालिका प्राथमिक शाळेतील तसेच अनुदानप्राप्त खासगी प्राथमिक शाळेतील शिक्षण सेवक – रु ३१,०००/-
- माध्यमिक शाळेतील शिक्षक / शिक्षकेतर कर्मचारी (अनुदानित/विनाअनुदानित) – रु ३१,०००/-
- माध्यमिक शाळेतील शिक्षण सेवक (अनुदानित/विनाअनुदानित) – रु ३१,०००/-
- अध्यापक विद्यालय अधिव्याख्याते / शिक्षकेतर कर्मचारी (अनुदानित/विनाअनुदानित) – रु ३१,०००/-
- अध्यापक विद्यालय शिक्षण सेवक (पूर्ण वेळ) (अनुदानित/विनाअनुदानित) – रु ३१,०००/-
सामाजिक आरोग्य स्वयंसेविका (CHV) आणि बालवाडी कर्मचारी यांनाही ‘भाऊबीज भेट’
मुख्य सानुग्रह अनुदानासोबतच, अत्यावश्यक सेवा पुरवणाऱ्या सामाजिक आरोग्य स्वयंसेविका (CHV) तसेच बालवाडी शिक्षिका व मदतनीस यांनाही यंदा दिवाळीनिमित्त विशेष ‘भाऊबीज भेट‘ जाहीर करण्यात आली आहे, ज्यामुळे त्यांच्या दिवाळीचा उत्साह नक्कीच वाढेल.
सामाजिक आरोग्य स्वयंसेविका (CHV): भाऊबीज भेट रु १४,०००/-बालवाडी शिक्षिका / मदतनीस: भाऊबीज भेट रु ५,०००/-
राज्य शासनाकडून दीपावलीच्या शुभेच्छा
या निर्णयामुळे बृहन्मुंबई महानगरपालिकेच्या सुमारे एक लाखाहून अधिक अधिकारी आणि कर्मचाऱ्यांच्या कुटुंबात आनंदाचे वातावरण निर्माण झाले आहे. या निमित्ताने, महाराष्ट्र राज्याचे माननीय मुख्यमंत्री श्री. देवेंद्र फडणवीस, माननीय उप मुख्यमंत्री श्री. एकनाथ शिंदे आणि माननीय उप मुख्यमंत्री श्री. अजित पवार यांनी महानगरपालिका अधिकारी, कर्मचारी यांना दीपावलीच्या मनःपूर्वक शुभेच्छा दिल्या आहेत.BMC Diwali Bonus 2025 मुळे कर्मचाऱ्यांच्या कष्टाचे चीज झाले असून, ही रक्कम त्यांच्यासाठी नक्कीच दिवाळीची खरेदी आणि सण साजरा करण्यासाठी मोठा आधार ठरेल.
