JNVST 6th Admission 2025 नवोदय विद्यालयात प्रवेशाची सुवर्णसंधी! इयत्ता 6 वी प्रवेशासाठी अर्ज सुरू -संपूर्ण माहिती

JNVST 6th Admission 2025 भारत सरकारने सुरु केलेल्या जवाहर नवोदय विद्यालयांमध्ये (JNVs) इयत्ता 6 वी साठी प्रवेश मिळवण्याची सुवर्णसंधी उपलब्ध झाली आहे. हे विद्यालय विद्यार्थ्यांना मोफत आणि उत्तम शिक्षण देतात. तुम्ही तुमच्या पाल्याला चांगले शिक्षण देऊ इच्छित असाल, तर ही माहिती तुमच्यासाठी खूप महत्त्वाची आहे.

JNVST 6th Admission 2025 संपूर्ण माहिती

काय आहे जवाहर नवोदय विद्यालय? जवाहर नवोदय विद्यालय हे भारत सरकारच्या शिक्षण मंत्रालयाने चालवलेले निवासी विद्यालय आहेत. हे विद्यालय 27 राज्ये आणि 8 केंद्रशासित प्रदेशांमध्ये पसरलेले आहेत. येथे मुलांना इयत्ता 8 वी पर्यंत मातृभाषेतून किंवा प्रादेशिक भाषेतून शिक्षण दिले जाते आणि त्यानंतर गणित आणि विज्ञानासाठी इंग्रजी आणि सामाजिक विज्ञानासाठी हिंदी माध्यमातून शिक्षण दिले जाते. येथे शिक्षण, राहणे, जेवण, गणवेश आणि पाठ्यपुस्तके पूर्णपणे मोफत आहेत.

महत्त्वाची तारीख: अर्ज करण्याची शेवटची तारीख: 29 जुलै 2025

प्रवेश कसा मिळेल? प्रवेश जवाहर नवोदय विद्यालय निवड चाचणी (JNVST) द्वारे होतो. ही परीक्षा इयत्ता 6 वी मध्ये प्रवेशासाठी घेतली जाते.

तारीख जाहीर

11th Admission 1st Merit List 2025 अकरावी प्रवेशाची पहिली यादी या तारखेला जाहीर होणार

पात्रता काय आहे?

• अर्ज करणारा विद्यार्थी ज्या जिल्ह्यात नवोदय विद्यालय आहे, त्याच जिल्ह्यातील रहिवासी असावा.
• त्याने सध्याच्या शैक्षणिक वर्षात (2025-26) इयत्ता 5 वी मध्ये शिकत असणे आवश्यक आहे.
• सरकारमान्य शाळेतून किंवा NIOS (National Institute of Open Schooling) मधून शिक्षण घेतलेला असावा.
• विद्यार्थ्याचा जन्म 1 मे 2015 ते 30 एप्रिल 2017 (दोन्ही तारखा समाविष्ट) दरम्यान झालेला असावा. अनुसूचित जाती (SC), अनुसूचित जमाती (ST) आणि इतर मागासवर्गीय (OBC) उमेदवारांना वयात सवलत दिली जाईल.
• मागील वर्षात इयत्ता 5 वी उत्तीर्ण झालेले विद्यार्थी अर्ज करण्यास पात्र नाहीत.
• फक्त एकाच वेळी अर्ज करता येईल.

आरक्षण: नवोदय विद्यालयांमध्ये ग्रामीण भागातील विद्यार्थ्यांना 75% जागांवर प्रवेश दिला जातो. अनुसूचित जाती (SC), अनुसूचित जमाती (ST) आणि इतर मागासवर्गीय (OBC) यांना नियमांनुसार आरक्षण मिळते. दिव्यांग विद्यार्थ्यांना आणि मुलींना सुद्धा आरक्षण आहे.

नोंदणी सुरू

BA BSc BEd CET Notice बी.ए. बी.एस्सी-बी.एड. (एकात्मिक) सीईटीची तारीख जाहीर, ऑनलाइन नोंदणी सुरू

महत्वाचे कागदपत्रे: अर्ज करताना आणि निवड झाल्यास, तुम्हाला काही महत्त्वाची कागदपत्रे सादर करावी लागतील, जसे की:

• जन्म प्रमाणपत्र
• रहिवासी प्रमाणपत्र
• जात प्रमाणपत्र (लागू असल्यास)
• ग्रामीण भागातील असल्याचे प्रमाणपत्र (लागू असल्यास)
• दिव्यांग प्रमाणपत्र (लागू असल्यास)

अर्ज कसा करावा? तुम्ही जवाहर नवोदय विद्यालयाच्या अधिकृत वेबसाइट www.navodaya.gov.in वर जाऊन ऑनलाइन अर्ज करू शकता.

शुल्क: इयत्ता 9 वी ते 12 वी च्या विद्यार्थ्यांकडून ‘विद्यालय विकास निधी’ (VVN) म्हणून दरमहा 600 रुपये शुल्क आकारले जाते. मात्र, SC/ST, दिव्यांग विद्यार्थी, सर्व मुली आणि दारिद्र्यरेषेखालील (BPL) कुटुंबातील विद्यार्थ्यांना या शुल्कातून सूट आहे.

या संधीचा फायदा घ्या आणि आपल्या पाल्याच्या उज्ज्वल भविष्यासाठी जवाहर नवोदय विद्यालयात प्रवेश मिळवा! अधिक माहितीसाठी, अधिकृत वेबसाइटला भेट द्या.

माहिती पुस्तिका येथे डाउनलोड करा