Mukhyamantri Majhi Ladki Bahin Yojana Loan मुख्यमंत्री देवेंद्र फडणवीस यांनी ‘मुख्यमंत्री माझी लाडकी बहीण’ योजनेतील महिलांसाठी एक अत्यंत महत्त्वाकांक्षी घोषणा केली आहे. या योजनेच्या लाभार्थी महिलांना आता स्वतःचा व्यवसाय सुरू करण्यासाठी किंवा तो वाढवण्यासाठी केवळ 9% इतक्या अल्प व्याजदराने कर्ज उपलब्ध करून दिले जाईल. यामुळे महिलांना आर्थिकदृष्ट्या अधिक सक्षम होऊन आत्मनिर्भर बनण्याचा मार्ग मोकळा होणार आहे.
Mukhyamantri Majhi Ladki Bahin Yojana Loan
योजनेची अंमलबजावणी आणि सहभाग
Mukhyamantri Majhi Ladki Bahin Yojana Loan या महत्त्वपूर्ण निर्णयाची अंमलबजावणी करण्यासाठी नुकतीच वर्षा निवासस्थानी एक बैठक पार पडली. या बैठकीला मुख्यमंत्री देवेंद्र फडणवीस यांच्यासह मुंबई जिल्हा बँकेचे अध्यक्ष तथा आमदार प्रवीण दरेकर, आमदार चित्रा वाघ, अण्णासाहेब पाटील आर्थिक विकास महामंडळाचे अध्यक्ष नरेंद्र पाटील, वित्त विभागाचे अपर मुख्य सचिव ओम प्रकाश गुप्ता, महिला व बालविकास विभागाचे सचिव डॉ. अनुपकुमार यादव, तसेच विविध महामंडळांचे प्रतिनिधी आणि अधिकारी उपस्थित होते.
यावेळी मुख्यमंत्री फडणवीस यांनी स्पष्ट केले की, महिला आर्थिकदृष्ट्या सक्षम व्हाव्यात यासाठी विविध महामंडळे आणि मुंबै बँक संयुक्तपणे हा उपक्रम राबवणार आहेत. मुंबै बँकेच्या विशेष कर्ज धोरणानुसार, वैयक्तिक आणि गटाला एक लाख रुपये किंवा त्यापेक्षा जास्त कर्ज 9% व्याजदराने दिले जाईल.
मुंबईतील 16 लाख महिलांना लाभ
आमदार प्रवीण दरेकर यांनी सांगितले की, मुंबई शहर आणि उपनगरात ‘मुख्यमंत्री माझी लाडकी बहीण‘ योजनेचे सुमारे 16 लाख लाभार्थी आहेत. या महिलांना आता सूक्ष्म, लघु उद्योजक बनवून त्यांचे आर्थिक सबलीकरण करण्यात येणार आहे.
या निर्णयामुळे ‘मुख्यमंत्री माझी लाडकी बहीण’ योजनेतील महिलांना स्वतःच्या पायावर उभे राहून आर्थिक स्वातंत्र्य मिळवण्यासाठी मोठा आधार मिळणार आहे, ज्यामुळे त्या केवळ कुटुंबासाठीच नव्हे, तर राज्याच्या आर्थिक विकासातही महत्त्वपूर्ण योगदान देऊ शकतील.
आर्थिक सक्षमीकरणाकडे एक मोठे पाऊल
महिलांना स्वयंपूर्ण उद्योजक बनवणे हा या उपक्रमाचा मुख्य उद्देश आहे. राज्य शासन आणि विविध महामंडळे यांच्या संयुक्त विद्यमाने हा महत्त्वाचा निर्णय घेण्यात आला आहे. ‘मुख्यमंत्री माझी लाडकी बहीण‘ योजनेतील मुंबईतील लाभार्थी महिलांना आर्थिकदृष्ट्या साक्षर करण्यासाठी या उपक्रमांतर्गत वैयक्तिक आणि सामूहिक कर्ज दिले जाईल, ज्यामुळे त्यांना उद्योग आणि व्यवसाय उभारणीसाठी मोठी मदत मिळेल.
अधिक माहितीसाठी : https://udyog.mahaswayam.gov.in/
