राज्य शासनाची ‘मुख्यमंत्री माझी लाडकी बहीण योजना‘ महिलांमध्ये मोठ्या प्रमाणात लोकप्रिय झाली आहे. या योजनेतून पात्र महिलांना दरमहा १५०० रुपयांचा आर्थिक लाभ मिळतो. जानेवारी आणि फेब्रुवारी महिन्याचा हप्ता खात्यात आल्यानंतर, आता राज्यभरातील अनेक महिला मार्च महिन्याच्या हप्त्याची (Ladki Bahin Yojana March Installment Date) आतुरतेने वाट पाहत आहेत. यासंदर्भात आता मोठी अपडेट समोर आली आहे.
Ladki Bahin Yojana March Installment Date: बँक खात्यात पैसे कधी येणार?
मार्च महिना संपत आला तरी फेब्रुवारीचे पैसे आले नसल्यामुळे महिलांमध्ये थोडा संभ्रम होता. सुरुवातीला हा हप्ता गुढीपाडव्याच्या मुहूर्तावर दिला जाईल अशी चर्चा होती. मात्र आता या योजनेच्या पात्र लाभार्थी महिलांची ई केवायसी बंधनकारक केली असून, दुरुस्ती साठी ३१ मार्च पर्यंत मुदत देण्यात आली आहे.
मीडिया रिपोर्ट नुसार आता सरकार १५ एप्रिलपूर्वी लाडक्या बहिणींच्या खात्यात पैसे जमा करण्याच्या तयारीत आहे. सध्या यावर वेगाने प्रशासकीय हालचाली सुरू आहेत.
३० एप्रिल २०२६ पूर्वी हे काम पूर्ण करा, अन्यथा पैसे थांबतील!
योजनेत पारदर्शकता राहावी म्हणून सरकारने ई-केवायसी (E-KYC) अनिवार्य केली आहे. अनेक महिलांनी केवायसी करताना काही चुका केल्या आहेत. जर तुमच्या अर्जात किंवा केवायसी मध्ये काही त्रुटी असतील, तर त्या दुरुस्त करण्यासाठी सरकारने ३० एप्रिल २०२६ पर्यंतची शेवटची मुदत दिली आहे.
काय काळजी घ्यावी? जर तुम्ही दिलेल्या मुदतीत ई-केवायसी दुरुस्त केली नाही किंवा तुम्ही योजनेच्या निकषात बसत नसाल, तर तुमचा पुढचा हप्ता कायमचा बंद होऊ शकतो. त्यामुळे लवकरात लवकर आपली माहिती तपासून घ्या.
अर्थसंकल्पात भरीव तरतूद: योजना बंद होणार नाही
विरोधकांकडून ही योजना बंद पडणार अशा अफवा पसरवल्या जात होत्या. मात्र, मुख्यमंत्री देवेंद्र फडणवीस यांनी या सर्व चर्चांना पूर्णविराम दिला आहे. २०२६-२७ च्या राज्याच्या अर्थसंकल्पात त्यांनी लाडकी बहीण योजनेसाठी तब्बल २६,५०० कोटी रुपयांची भरीव तरतूद केली आहे. मधल्या काळात छाननी करून लाखो अपात्र महिलांचे अर्ज बाद करण्यात आले आहेत, ज्यामुळे बजेट योग्य त्या गरजू महिलांपर्यंतच पोहोचेल याची काळजी घेतली गेली आहे.
थोडक्यात सांगायचे तर, लाडक्या बहिणींनो काळजी करण्याचे कारण नाही, तुमचे पैसे सुरक्षित आहेत आणि ते लवकरच तुमच्या खात्यात जमा होतील!
अधिक माहितीसाठी: मुख्यमंत्री माझी लाडकी बहीण योजनेच्या https://ladakibahin.maharashtra.gov.in/ या अधिकृत वेबसाईटला भेट द्या.
