महाराष्ट्र शासनाने आरोग्य विभागातील कर्मचाऱ्यांच्या बदल्यांबाबत नुकतेच एक नवीन शुद्धिपत्रक जारी केले आहे. गट-ब, गट-क आणि गट-ड मधील कर्मचाऱ्यांसाठी १५ एप्रिल २०२६ रोजी जो बदलीचा शासन निर्णय काढण्यात आला होता, त्याची अधिक प्रभावीपणे अंमलबजावणी करण्यासाठी त्यात काही महत्त्वाचे बदल करण्यात आले आहेत.
Arogya Vibhag Badli New Policy GR 2026 मधील मुख्य बदल
नवीन नियमानुसार पदस्थापनेचा कालावधी स्पष्ट करण्यात आला असून गट-ब मधील राज्य शासनाच्या अधिकारी आणि कर्मचाऱ्यांसाठी एखाद्या पदावर काम करण्याचा सामान्य कालावधी आता 3 वर्षांचा असणार आहे.
याव्यतिरिक्त, गट-क आणि गट-ड मधील कर्मचाऱ्यांसाठी असा नियम आहे की, त्यांनी धारण केलेल्या पदावर दोन पूर्ण पदावधींची सेवा पूर्ण केल्यानंतरच ते इतर कार्यालयात किंवा विभागात बदलीसाठी पात्र ठरू शकतील.
तसेच, बदलीपात्र अधिकारी आणि कर्मचाऱ्यांना त्यांच्या प्राधान्यक्रमानुसार (१ ते ८ पैकी) ते कोणत्या गटात येतात याची माहिती आवश्यक पुराव्यांसह प्रशासनाकडे सादर करावी लागणार आहे.
बदली प्रक्रियेतील सेवा ज्येष्ठता यादी तयार करण्याबाबतही स्पष्टता देण्यात आली आहे. गट-ब अधिकाऱ्यांची बदलीसाठीची सेवा ज्येष्ठता यादी ही थेट राज्यस्तरावर तयार केली जाणार आहे. तर गट-क कर्मचाऱ्यांची यादी (जिल्हा परिषदेने नियुक्त केलेले कर्मचारी वगळून) संबंधित नियुक्ती प्राधिकाऱ्याकडून तयार केली जाईल आणि या याद्या अचूक असल्याची खात्री करण्याची जबाबदारीही त्यांचीच राहील.
बदली प्रक्रियेतील समुपदेशन आणि प्राधान्यक्रम
समुपदेशनाद्वारे होणाऱ्या बदल्यांबाबतही Arogya Vibhag Badli New Policy GR 2026 मध्ये महत्त्वाचे निर्देश दिले आहेत. प्रशासकीय किंवा विनंती बदल्या करताना कर्मचाऱ्याने अगोदर ज्या जागी सेवा केली असेल, शक्यतो पुन्हा त्याच मूळ जागेवर त्याला बदली देण्यात येऊ नये असा नियम करण्यात आला आहे, परंतु ही अट एकाकी पदांसाठी लागू राहणार नाही.
यासोबतच, बदली प्रक्रियेतील प्राधान्यक्रमात सुधारणा करण्यात आली असून सातवा प्राधान्यक्रम हा पुनर्नियुक्त शासकीय कर्मचारी माजी सैनिकांसाठी राखीव ठेवण्यात आला आहे. तर आठवा प्राधान्यक्रम हा उर्वरित सर्व पात्र अधिकारी आणि कर्मचाऱ्यांसाठी असेल, ज्यांची बदली उपलब्ध रिक्त पदे, त्यांचा पसंतीक्रम आणि ज्येष्ठतेनुसार केली जाईल.
वरील काही सुधारित बदल वगळता उर्वरित सर्व मूळ तरतुदी कायम राहणार आहेत. हा अधिकृत शासन शुद्धिपत्रक महाराष्ट्र शासनाच्या संकेतस्थळावर (संकेतांक २०२६०५१३१७२२१४९५१७) १३ मे २०२६ रोजी उपलब्ध करून देण्यात आला आहे.
अधिक माहितीसाठी : आरोग्य विभागातील कर्मचाऱ्यांच्या बदल्यांबाबत अधिकृत शासन निर्णय शुद्धिपत्रक डाउनलोड करा
