‘मुख्यमंत्री माझी लाडकी बहीण योजना ई-केवायसी (e-KYC) करताना झालेल्या तांत्रिक चुकांमुळे अनेक बहिणींचे पैसे अडकल्याचे किंवा लाभ स्थगित झाल्याचे प्रकार समोर आल्यामुळे आता राज्य शासनाने याची दखल घेत या योजनेच्या समस्यांचे निराकरण करणेसाठी Ladki Bahin Yojana Helpline Number 181 हा सुरू करण्यात आला आहे. या नंबरवर नेमक्या कोणत्या अडचणी सुटणार आणि काय मदत मिळणार? सविस्तर पाहूया.
महाराष्ट्रातील महिलांच्या आर्थिक सक्षमीकरणासाठी सुरू करण्यात आलेली ‘मुख्यमंत्री माझी लाडकी बहीण योजना‘ सध्या संपूर्ण राज्यात चर्चेचा विषय आहे. कोट्यवधी महिलांनी या योजनेचा लाभ घेण्यासाठी अर्ज केले आहेत. मात्र, अर्ज भरताना किंवा ई-केवायसी (e-KYC) करताना झालेल्या तांत्रिक चुकांमुळे अनेक बहिणींचे पैसे अडकल्याचे किंवा लाभ स्थगित झाल्याचे प्रकार समोर आले आहेत.
जर तुम्हालाही या योजनेशी संबंधित काही अडचणी येत असतील, तर आता काळजी करण्याचे कारण नाही. राज्य सरकारने महिलांच्या मदतीसाठी एक विशेष पाऊल उचलले असून, आता एका फोन कॉलवर तुमच्या समस्यांचे निराकरण होणार आहे. यासाठी खास (Ladki Bahin Yojana Helpline Number Maharashtra) सुरू करण्यात आला आहे.
e-KYC मधील चुकांमुळे लाभ स्थगित?
योजनेचा अर्ज भरल्यानंतर सर्वात महत्त्वाचा टप्पा म्हणजे e-KYC करणे. परंतु, शासनाच्या असे निदर्शनास आले आहे की, e-KYC प्रक्रिया पूर्ण करताना अनेक लाभार्थ्यांकडून काही कारणास्तव चुकीचे पर्याय निवडले गेले आहेत. या छोट्याशा चुकीमुळे अनेक पात्र महिलांचा लाभ स्थगित (Suspend) झाला आहे.
तुमचा अर्ज मंजूर झाला असूनही पैसे आले नसतील किंवा ई-केवायसीमध्ये काही त्रुटी असतील, तर महिलांमध्ये संभ्रम निर्माण होणे स्वाभाविक आहे. नेमकी हीच अडचण ओळखून शासनाने १८१ या टोल-फ्री क्रमांकावर मदत उपलब्ध करून दिली आहे.
181 या हेल्पलाइनवर मिळणार तत्काळ मदत
महिला व बालविकास विभागाने योजनेशी संबंधित तक्रारी आणि शंकांच्या निरसनासाठी १८१ हा ‘महिला हेल्पलाइन नंबर’ (Women Helpline Number) सक्रिय केला आहे. या हेल्पलाइनची वैशिष्ट्ये खालीलप्रमाणे आहेत.
प्रशिक्षित कॉल ऑपरेटर्स: तुमच्या शंकांचे समाधानकारक उत्तर देण्यासाठी कॉल सेंटरमधील कर्मचाऱ्यांना योजनेविषयीचे योग्य ते प्रशिक्षण देण्यात आले आहे.
सर्व प्रकारच्या तक्रारींचे निवारण: अर्जाची स्थिती, पैसे जमा न होणे, किंवा e-KYC मधील अडचणी – अशा सर्व प्रश्नांसाठी तुम्ही या (Ladki Bahin Yojana Helpline Number Maharashtra) वर संपर्क साधू शकता.
मोफत सुविधा: ही सुविधा पूर्णपणे मोफत असून तुम्ही घरबसल्या आपल्या मोबाइलवरून कॉल करू शकता.
लाडकी बहीण योजना: ई-केवायसी करूनही पैसे आले नाहीत? लगेच ‘या’ यादीत नाव चेक करा
मंत्री अदिती तटकरे यांचे महिलांना आवाहन
राज्याच्या महिला व बालविकास मंत्री अदिती तटकरे यांनी या सुविधेबाबत माहिती देताना सांगितले की, लाडक्या बहिणींची होणारी गैरसोय टाळण्यासाठीच ही हेल्पलाइन सुविधा कार्यान्वित करण्यात आली आहे.
ज्या महिलांचे अर्ज मंजूर आहेत पण काही तांत्रिक कारणास्तव लाभ मिळालेला नाही, किंवा ज्यांना अर्जाबाबत काहीही शंका आहेत, त्यांनी थेट १८१ या क्रमांकावर संपर्क साधावा. ऑपरेटर तुमच्या समस्येचे मूळ शोधून तुम्हाला योग्य मार्गदर्शन करतील.
‘मुख्यमंत्री माझी लाडकी बहीण योजना’ ही महिलांच्या सन्मानाची योजना आहे. तांत्रिक अडचणींमुळे या योजनेच्या लाभापासून कोणीही वंचित राहू नये, हाच या हेल्पलाइनचा उद्देश आहे. त्यामुळे, जर तुम्हाला काहीही अडचण असेल, तर आजच या अधिकृत (Ladki Bahin Yojana Helpline Number Maharashtra) म्हणजेच १८१ वर कॉल करा आणि आपल्या शंकांचे निरसन करून घ्या.
अधिकृत वेबसाईट : https://ladakibahin.maharashtra.gov.in/
