राज्यातील आशा स्वयंसेविका आणि गटप्रवर्तकांसाठी सप्टेंबर २०२५ महिन्याचे मानधन देण्यासाठी एक आनंदाची बातमी आहे. सार्वजनिक आरोग्य विभागाने यासाठी निधी वितरित करण्यास मान्यता दिली आहे. याबाबतचा शासन निर्णय दिनांक २४ सप्टेंबर २०२५ रोजी निर्गमित करण्यात आला आहे.
आशा सेविका आणि गटप्रवर्तकांसाठी मानधनाचा निधी मंजूर!
राष्ट्रीय आरोग्य अभियान कार्यक्रमांतर्गत आशा स्वयंसेविका आणि गटप्रवर्तक महाराष्ट्रात कार्यरत आहेत. केंद्र शासनाच्या मार्गदर्शक सूचनांनुसार आणि निकषांनुसार, त्यांना राष्ट्रीय आरोग्य अभियानांतर्गत नेमून दिलेल्या सेवांसाठी प्रोत्साहनात्मक मोबदला दिला जातो.
या दोन्ही घटकांची राष्ट्रीय आरोग्य अभियान आणि इतर राष्ट्रीय आरोग्य विषयक कार्यक्रमांच्या अंमलबजावणीमध्ये महत्त्वाची भूमिका आहे. त्यांच्या मानधनात वाढ करण्याचा निर्णय १४ मार्च २०२४ आणि २० सप्टेंबर २०२४ च्या शासन निर्णयान्वये घेण्यात आला होता, त्यानुसार आशा स्वयंसेविकांना रु. १०,०००/- आणि गटप्रवर्तकांना रु. ११,२००/- इतका मोबदला निश्चित करण्यात आला आहे.
Asha Worker Salary September
हा निधी केंद्र पुरस्कृत राष्ट्रीय आरोग्य अभियानांतर्गत मंजूर करण्यात आला आहे. सन २०२५-२६ या आर्थिक वर्षात अर्थसंकल्पीय तरतूद रु. ३२,८६८.०० लक्ष आणि पुरवणी मागणीमधून मंजूर रु. ६३,७०६.२५ लक्ष असे एकूण रु. ९६,५७४.२५ लक्ष इतकी तरतूद करण्यात आली आहे.
या तरतुदीतून सप्टेंबर २०२५ महिन्याचे मानधन म्हणून रु. ८,४१८.८६ लक्ष इतका निधी वितरित करण्यास या शासन निर्णयाद्वारे मान्यता देण्यात येत आहे. प्रशासकीय अधिकारी, आरोग्य सेवा आयुक्तालय, मुंबई यांना या निधीचे आहरण व वितरण अधिकारी म्हणून घोषित करण्यात आले आहे. ही Asha Worker Salary September साठीची महत्त्वपूर्ण कार्यवाही आहे. त्यामुळे, आता Asha Worker Salary September लवकरच वितरीत होईल.
अधिक माहितीसाठी : शासन निर्णय डाउनलोड करा
