अमरावती पात्र नागरिकांना आरोग्य सुविधांचा लाभ मिळावा यासाठी गोल्डन कार्ड (Golden Card) देण्याच्या प्रक्रियेला अमरावती जिल्ह्यात आता मोठी गती मिळणार आहे.
या महत्त्वपूर्ण कामाची जबाबदारी आशा सेविकांवर (Asha Sevika) सोपवण्यात आली असून, यासाठी डिसेंबर महिनाभर विशेष मोहीम राबवली जाणार असल्याची माहिती जिल्हाधिकारी श्री. आशिष येरेकर यांनी दिली आहे.
नोंदणीचे काम जलदगतीने पार पाडण्यासाठी आशा सेविकांना Golden Card साठी मानधन देण्यात येणार आहे.
जिल्हाधिकारी कार्यालयात गोल्डन कार्ड नोंदणीसंबंधी नुकतीच एक महत्त्वाची बैठक पार पडली. यावेळी मुख्य कार्यकारी अधिकारी संजिता महापात्र, जिल्हा आरोग्य अधिकारी डॉ. सुरेश आसोले, आयुष्मानच्या जिल्हा समन्वयक डॉ. अंकिता मटाले यांच्यासह अनेक आशा सेविका उपस्थित होत्या.
आशा सेविकांना गोल्डन कार्ड नोंदणी साठी मानधन मिळणार | Asha Sevika Golden Card Mandhan
जिल्हाधिकारी श्री. येरेकर यांनी यावेळी बोलताना सांगितले की, आशा सेविकांनी या मोहिमेत सक्रिय सहभाग घ्यावा यासाठी आशा सेविका यांना Golden Card साठी Mandhan देण्यात येणार आहे.
आता नवीन कार्ड नोंदणीसाठी त्यांना प्रति कार्ड २० रुपये आणि कार्ड वितरणासाठी १० रुपये असे मानधन मिळणार आहे.
हे अतिरिक्त Asha Sevika Golden Card Mandhan निश्चितच त्यांना प्रेरणा देईल. यासाठी येत्या दोन दिवसांत आशा सेविकांचे लॉगइन आयडी सक्रिय करण्याचे निर्देशही त्यांनी दिले.
या मोहीमेवर संपूर्ण डिसेंबर महिन्यात बारीक लक्ष ठेवले जाणार आहे. नोंदणीचे काम अधिक वेगाने व्हावे यासाठी आशांना लाभार्थ्यांच्या याद्या देखील पुरवल्या जाणार आहेत.
उत्कृष्ट कार्य करणाऱ्या ‘आशा’ सेविकांचा सन्मान
या बैठकीत जिल्हाधिकारी श्री. येरेकर यांच्या हस्ते गोल्डन कार्ड नोंदणीमध्ये उत्कृष्ट कामगिरी करणाऱ्या १३ आशा सेविकांचा विशेष सत्कार करण्यात आला.
ज्यांनी हे कार्य अत्यंत मेहनतीने पार पाडले, त्या सन्मानित Asha Sevika Golden Card Mandhan मानकरींमध्ये नीता खंदेझोड, वर्षा आडोळे, मुक्ता वानखेडे, गुंफा खडसे, वनिता पंचाळे, जयश्री देवळे, पंची दहिकर, काजल साम्बरकर, सिमा सोनोने, गिता गावंडे, इंदिरा मोहोड, कल्पना मेश्राम आणि शेषकन्या थोरात, सुनिता चौरकर यांचा समावेश आहे. त्यांच्या या कार्यामुळे इतरांनाही प्रेरणा मिळणार आहे.
शिधापत्रिका अद्ययावत करा: जिल्हाधिकाऱ्यांचे आवाहन
गोल्डन कार्ड योजनेचा लाभ शिधापत्रिकेवर (Ration Card) दिला जातो. त्यामुळे ज्या नागरिकांची शिधापत्रिकेत नावे नाहीत, त्यांनी तातडीने आपली शिधापत्रिका अद्ययावत करावी. शिधापत्रिका अद्ययावत झाल्यानंतर ६० दिवसांत लाभार्थ्यांचे नाव यादीत समाविष्ट केले जाईल, असे जिल्हाधिकाऱ्यांनी स्पष्ट केले.
या मोहिमेत तालुका आरोग्य अधिकारी, वैद्यकीय अधिकारी, सामुदायिक आरोग्य अधिकारी आणि ग्रामसेवक यांचे सहकार्य घेण्यात येणार आहे. अमरावती जिल्ह्यात या योजनेअंतर्गत ५१ रुग्णालये अंगीकृत असून, रुग्णांवर येथे नि:शुल्क उपचार केले जातात.
