Asha Sevika Salary Increase Upadte: कोविड काळात आशा सेविकांनी आरोग्य व्यवस्थेसाठी मोठे योगदान दिले आहे. त्यांना अधिक सक्षम करण्यासाठी राज्य सरकारने महत्त्वपूर्ण निर्णय घेतला आहे. वर्धा येथे झालेल्या कार्यक्रमात पालकमंत्री डॉ. पंकज भोयर यांनी गट प्रवर्तक व आशा स्वयंसेविकांचे मानधन वाढवण्यासाठी प्रयत्न करणार असल्याचे जाहीर केले.
यासोबतच, आधुनिक तंत्रज्ञानाच्या वापरासाठी 54 गट प्रवर्तकांना टॅबचे वाटप करण्यात आले. आशा सेविकांच्या सक्षमीकरणासाठी हाती घेतलेल्या या उपक्रमांबद्दल अधिक जाणून घेण्यासाठी संपूर्ण बातमी वाचा!
Table of Contents
Asha Sevika Salary Increase Upadte
कोविड काळात आशा सेविकांनी आरोग्य सेवेत महत्त्वपूर्ण योगदान दिले आहे. आशा सेविका या आरोग्य विभागाचा कणा असून त्यांना तंत्रस्नेही करण्याच्या दृष्टीने पुढील काळात टॅब वितरण करण्यात येईल तसेच गट प्रवर्तक व आशा स्वयंसेविका यांचे मानधन (Asha Sevika Salary Increase Upadte) वाढीसाठी प्रयत्न करणार असल्याची ग्वाही राज्याचे गृह (ग्रामिण), गृहनिर्माण, शालेय शिक्षण, सहकार व खनिकर्म राज्यमंत्री तथा जिल्ह्याचे पालकमंत्री डॉ. पंकज भोयर यांनी दिली.
पुढील वर्षी आशा फेस्टिव्हल घेण्यात येणार
सार्वजनिक आरोग्य विभाग जिल्हा परिषद वर्धा यांच्या वतीने आयोजित सर्वोत्कृष्ट आशा स्वयंसेविका गौरव पुरस्कार व जिल्ह्यातील 54 गट प्रवर्तकांना टॅब वाटप कार्यक्रमात ते बोलत होते. पुढील वर्षी आशा फेस्टिव्हल घेण्यात येणार असल्याचेही पालकमंत्री डॉ. भोयर यांनी सांगितले.
आरोग्य विभागातील आशा स्वयंसेविका आणि गटप्रवर्तक यांना मोठी भेट! एप्रिल ते मार्च २०२५ मानधन वाढ मंजूर
गुणवत्तावाढीसाठी डिजिटल साधनांचा उपयोग गट प्रवर्तकांना दिलेले टॅब हे डिजिटल युगात पडणारे पहिले पाऊल आहे. याचा उपयोग गुणवत्तावाढीसाठी व्हावा, असे सांगताना पालकमंत्री भोयर म्हणाले की, केवळ टॅब देऊन गुणवत्ता वाढणार नाही तर यासाठी जिल्हा परिषदेने प्रशिक्षण आयोजित करावे. भविष्यात जिल्ह्यातील प्रत्येक आशा सेविकांना टॅब देण्यात येणार असून, एआय तंत्रज्ञानाचा वापर करून कार्यक्षमता वाढवावी, असे आवाहन त्यांनी केले.
आरोग्य सेवांची अचूक नोंदणी आणि प्रभावी कार्यवाही या टॅब वाटप उपक्रमामुळे आरोग्य सेवांची अचूक नोंदणी व प्रभावी कार्यवाही शक्य होईल. सर्वसामान्य नागरिकांना उत्तम आरोग्य सुविधा उपलब्ध करून देण्यासाठी आणि आशा सेविकांचे कार्य अधिक सुलभ करण्यासाठी महायुती सरकारने उचललेले हे महत्त्वपूर्ण पाऊल ग्रामीण जनजीवन उच्च स्तरावर नेईल, असे पालकमंत्री भोयर यांनी नमूद केले.
राज्यातील लाखो कंत्राटी कामगारांसाठी आनंदाची बातमी! किमान वेतनात मोठी वाढ, ₹30,520 निश्चित
कोरोना काळात आशा सेविकांनी केलेले कार्य उल्लेखनीय आहे. त्यांना टॅबचे प्रशिक्षण देऊन अधिक सक्षम करावे, असे आमदार राजेश बकाणे यांनी सांगितले. तसेच, आधुनिक तंत्रज्ञानाच्या सहाय्याने बालमृत्यू शून्यावर आणण्यासाठी गट प्रवर्तक व आशा सेविकांनी प्रयत्न करावेत, असे आवाहन जिल्हाधिकारी वान्मथी सी. यांनी केले.
सर्वोत्कृष्ट आशा स्वयंसेविका गौरव पुरस्कार
गौरव व पुरस्कार वितरण यावेळी सर्वोत्कृष्ट आशा स्वयंसेविका गौरव पुरस्कार पालकमंत्र्यांच्या हस्ते वितरित करण्यात आले. जिल्हास्तरीय आशा प्रथम पुरस्कार भारती, द्वितीय सारिका गुल्हाने व तृतीय मनोरमा चव्हाण यांना देण्यात आला. तालुका स्तरावर प्रथम संगीता ईखार, द्वितीय सुनीता पडघान व तृतीय भावना कुरसंगे यांनी पुरस्कार पटकावले. तसेच, आशा गट प्रवर्तकांमध्ये प्रथम मीनाक्षी गायकवाड, द्वितीय कविता भोगे व तृतीय जोत्स्ना कळसकर यांचा समावेश होता.
याशिवाय, जिल्हास्तरीय कार्यक्रम सहाय्यक यांनाही पुरस्कृत करण्यात आले. दोन मानांकन प्राप्त दवाखान्यांना प्रमाणपत्र देण्यात आले.
कार्यक्रमाची प्रमुख उपस्थिती दिनांक 13 मार्च 2025 रोजी वर्धा येथील नियोजन भवन, जिल्हाधिकारी कार्यालयात आयोजित ‘आशा स्वयंसेविका गौरव पुरस्कार’ आणि ‘टॅब वाटप’ कार्यक्रम पार पडला. या कार्यक्रमाला पुलगाव देवळी विधानसभेचे आमदार श्री. राजेश बकाणे, वर्धा जिल्हाधिकारी श्रीमती वान्मथी सी., श्री. जितिन रहमान (भा.प्र.से) प्रशासक तथा मुख्य कार्यकारी अधिकारी जिल्हा परिषद वर्धा तसेच विभागातील सर्व आशाताई, प्रवर्तक व नागरिक मोठ्या संख्येने उपस्थित होते.
लाडकी बहीण योजना: ‘रूपे कार्ड’ लाँच आणि ₹3000 जमा होण्याची नवीन तारीख जाहीर!
निष्कर्ष
गट प्रवर्तक आणि आशा स्वयंसेविकांचे योगदान आरोग्य सेवेत मोलाचे आहे. त्यांच्या सक्षमीकरणासाठी राज्य सरकारकडून विविध उपक्रम राबवले जात आहेत. मानधनवाढ (Asha Sevika Salary Increase Upadte), टॅब वाटप आणि तंत्रज्ञानाच्या सहाय्याने त्यांच्या कार्यक्षमतेंत वाढ होईल. भविष्यात अधिक प्रशिक्षण व संसाधनांच्या मदतीने आशा सेविकांना सक्षम करण्याचा सरकारचा मानस आहे. यामुळे आरोग्य सेवा अधिक प्रभावी होऊन ग्रामीण भागातील जनतेला उत्तम सुविधा मिळणार आहेत.
