Heat Wave School Holiday: सध्या राज्यामध्ये उष्णतेची लाट (Heat Wave) येण्याची शक्यता वर्तविण्यात आलेली आहे. याबबात भारतीय हवामान विभागाने दिनांक १८ एप्रिल, २०२६ रोजी नागपूर जिल्ह्याला Yellow Alert जागे कला असून, काही ठिकाणी उष्णतेची लाट (Heat Wave) येण्याची शक्यता वर्तविण्यात आलेली आहे.
सध्या नागपूर जिल्ह्यात तापमानात मोठ्या प्रमाणात वाढ होत असून, उष्णतेमुळे नागरिकांच्या आरोग्यावर विपरीत परिणाम होऊ नये यासाठी जिल्हा प्रशासनाच्या वतीने काळजी घेण्याचे आवाहन नागरिकांना करण्यात आले आहे.
उष्णतेची लाट (Heat Wave) परिस्थितीच्या पार्श्वभूमीवर शाळांना सुट्टी जाहीर
आपत्ती व्यवस्थापन अधिनियम, २००५ मधील कलम २५ अन्वये जिल्हाधिकारी हे जिल्हा आपत्ती व्यवस्थापन प्राधिकरणाचे अध्यक्ष आहेत तसेच शासन परिपत्रकानुसार शाळांना सुट्टी जाहीर करण्याचे अधिकार जिल्हाधिकारी यांना प्रदान करण्यात आलेले आहेत.
त्यानुसार जिल्हाधिकारी तथा अध्यक्ष, जिल्हा आपत्ती व्यवस्थापन प्राधिकरण, नागपूर, यांना प्राप्त अधिकारांचा वापर करून, उष्णतेची लाट (Heat Wave) च्या अनुषंगाने विद्यार्थ्यांच्या आरोग्य सुरक्षिततेच्या दृष्टीकोनातून, नागपूर जिल्हा सीमा क्षेत्रातील सर्व अंगणवाडी, प्राथमिक, माध्यमिक शाळा, महाविद्यालय व कोचिंग क्लासेस यांना दिनांक १८/०४/२०२६ (शनिवार) रोजी सुट्टी जाहीर करण्यात आली आहे.
अधिक माहितीसाठी: शासन परिपत्रक डाउनलोड करा
