महाराष्ट्र राज्य माध्यमिक व उच्च माध्यमिक शालांत प्रमाणपत्र परीक्षा (SSC आणि HSC) वेळापत्रक नुकतेच जारी करण्यात आले आहे. या परिक्षा मध्ये होणारे गैरप्रकार टाळण्यासाठी आणि परीक्षा शांततेत व तणावमुक्त वातावरणात पार पाडण्यासाठी राज्य सरकारने एक महत्वपूर्ण निर्णय घेतला आहे.
Maharashtra Board Exam 2026 New Update
शालेय शिक्षण व क्रीडा विभागाने २४ नोव्हेंबर, २०२५ रोजी शासन निर्णय जारी करून जिल्हा स्तरावरील “दक्षता समिती” (Vigilance Committee) चे पुनर्गठन करण्याचा आदेश दिला आहे.
उद्देश: इयत्ता १० वी आणि १२ वीच्या परीक्षांमध्ये होणारे गैरप्रकार थांबवणे आणि परीक्षा केंद्रांवर सुकर व गुणवत्तापूर्ण वातावरण निर्माण करणे.
शिफारस: ०३ व ०४ एप्रिल, २०२५ रोजी छत्रपती संभाजीनगर येथे झालेल्या महसूल परिषदेतील समितीने परीक्षा केंद्रांवर विद्युत व्यवस्था योग्य ठेवणे आणि प्रभावी भरारी पथकांसाठी जिल्हा शिक्षण व प्रशिक्षण संस्थेतील (DIET) सदस्यांचा समावेश करणे आवश्यक असल्याचे निरीक्षण नोंदवले होते.
कार्यादेश: या पुनर्गठित समितीने जिल्हास्तरावर परीक्षांच्या प्रभावी आयोजनासाठी सहकार्य करावे आणि ज्या केंद्रांचा अंतर्भाव “उपद्रवी केंद्र” म्हणून केला आहे, त्या केंद्रांना भेट देऊन प्रभावी यंत्रणा अंमलात आणावी.
पुनर्गठित दक्षता समितीची रचना (Vigilance Committee)
या समितीचे अध्यक्ष जिल्हाधिकारी असतील, तर शिक्षणाधिकारी (माध्यमिक) हे सदस्य-सचिव असतील. समितीमध्ये पोलीस अधीक्षक, मुख्य कार्यकारी अधिकारी (CEO), महाराष्ट्र राज्य विद्युत वितरणचे कार्यकारी अभियंता, प्राचार्य (जिल्हा शिक्षण व प्रशिक्षण संस्था) आणि इतर शिक्षण अधिकाऱ्यांचा समावेश असेल.
महाराष्ट्र बोर्ड १०वी परीक्षा वेळापत्रक २०२६ (SSC Time Table 2026)
महाराष्ट्र बोर्डाची इयत्ता १० वी (SSC) लेखी परीक्षा शुक्रवार, २० फेब्रुवारी, २०२६ पासून सुरू होईल आणि बुधवार, १८ मार्च, २०२६ रोजी समाप्त होईल.
- २० फेब्रुवारी, २०२६ (शुक्रवार): प्रथम भाषा (मराठी, हिंदी, उर्दू, गुजराती, इत्यादी)
- २७ फेब्रुवारी, २०२६ (शुक्रवार): प्रथम भाषा इंग्रजी, तृतीय भाषा इंग्रजी
- ०४ मार्च, २०२६ (बुधवार): द्वितीय वा तृतीय भाषा हिंदी
- ०६ मार्च, २०२६ (शुक्रवार): गणित भाग-१ (बीजगणित)
- ०९ मार्च, २०२६ (सोमवार): गणित भाग-२ (भूमिती)
- ११ मार्च, २०२६ (बुधवार): विज्ञान आणि तंत्रज्ञान भाग-१
- १३ मार्च, २०२६ (शुक्रवार): विज्ञान आणि तंत्रज्ञान भाग-२
- १६ मार्च, २०२६ (सोमवार): सामाजिक शास्त्रे पेपर-१ (इतिहास व राज्यशास्त्र)
- १८ मार्च, २०२६ (बुधवार): सामाजिक शास्त्रे पेपर-२ (भूगोल)
महाराष्ट्र बोर्ड १०वी परीक्षा वेळापत्रक २०२६ येथे डाउनलोड करा
महाराष्ट्र बोर्ड १२वी परीक्षा वेळापत्रक २०२६ (HSC Time Table 2026)
महाराष्ट्र बोर्डाची इयत्ता १२ वी (HSC) लेखी परीक्षा मंगळवार, १० फेब्रुवारी, २०२६ पासून सुरू होईल आणि बुधवार, ११ मार्च, २०२६ रोजी संपेल.
- १० फेब्रुवारी, २०२६ (मंगळवार): इंग्रजी
- ११ फेब्रुवारी, २०२६ (बुधवार): हिंदी
- १२ फेब्रुवारी, २०२६ (गुरुवार): मराठी, गुजराती, कन्नड, इत्यादी
- १४ फेब्रुवारी, २०२६ (शनिवार): वाणिज्य संघटन व व्यवस्थापन (Organisation of Commerce & Management)
- १६ फेब्रुवारी, २०२६ (सोमवार): भौतिकशास्त्र (Physics)
- १८ फेब्रुवारी, २०२६ (बुधवार): रसायनशास्त्र (Chemistry)
- २१ फेब्रुवारी, २०२६ (शनिवार): गणित व सांख्यिकी (Mathematics & Statistics)
- २४ फेब्रुवारी, २०२६ (मंगळवार): अर्थशास्त्र (Economics)
- २५ फेब्रुवारी, २०२६ (बुधवार): जीवशास्त्र (Biology)
- २६ फेब्रुवारी, २०२६ (गुरुवार): पुस्तपालन व लेखाकर्म (Bookkeeping & Accountancy)
- ०४ मार्च, २०२६ (बुधवार): मानसशास्त्र (Psychology) – दुपारचे सत्र
- ०७ मार्च, २०२६ (शनिवार): भूगोल (Geography) – दुपारचे सत्र
- ०९ मार्च, २०२६ (सोमवार): इतिहास (History) – दुपारचे सत्र
- ११ मार्च, २०२६ (बुधवार): समाजशास्त्र (Sociology) – दुपारचे सत्र
टीप: वेळापत्रकात दिलेले विषय हे प्रमुख विषय असून, सविस्तर आणि अंतिम वेळापत्रक विद्यार्थ्यांनी त्यांच्या कनिष्ठ महाविद्यालयांकडून/शाळांकडून तपासून घ्यावे.
