Maharashtra Scholarship Exam 2026 : महाराष्ट्र राज्य परीक्षा परिषदेने 2026 च्या शिष्यवृत्ती परीक्षेची अधिसूचना जाहीर केली आहे. आता इयत्ता 4 थी आणि 7 वी साठी परीक्षा होणार आहे. परीक्षेची तारीख, पात्रता आणि अर्जाची माहिती जाणून घ्या.
महाराष्ट्र इयत्ता 4 थी आणि 7 वी शिष्यवृत्ती परीक्षेची अधिकृत अधिसूचना जाहीर
महाराष्ट्र राज्य परीक्षा परिषदेने (MSCE Pune) 2026 मध्ये होणाऱ्या शिष्यवृत्ती परीक्षेची अधिकृत अधिसूचना (Notification) जाहीर केली आहे. यावर्षी शिक्षण विभागाने विद्यार्थ्यांसाठी आणि पालकांसाठी अत्यंत महत्त्वाचा निर्णय घेतला आहे.
पूर्वी इयत्ता 5 वी आणि 8 वी साठी होणारी ही परीक्षा आता बदललेल्या इयत्तेसाठी घेतली जाणार आहे. या परीक्षेसाठी अर्ज प्रक्रिया सुरू झाली असून, पालकांनी शेवटच्या तारखेपूर्वी अर्ज करणे आवश्यक आहे.
या लेखात आपण परीक्षेची नवीन तारीख, पात्रता, बदललेले नियम आणि अर्ज कसा करायचा हे सविस्तर पाहणार आहोत.
महाराष्ट्र शिष्यवृत्ती परीक्षेत नेमका बदल काय झाला आहे?
शालेय शिक्षण विभागाने १७ ऑक्टोबर २०२५ च्या शासन निर्णयानुसार शिष्यवृत्ती परीक्षेच्या इयत्तेमध्ये बदल केला आहे.
- इयत्ता 5 वी ऐवजी: आता इयत्ता 4 थी (Primary Scholarship) ची परीक्षा होईल.
- इयत्ता 8 वी ऐवजी: आता इयत्ता 7 वी (Upper Primary Scholarship) ची परीक्षा होईल.
म्हणजेच, सध्या जे विद्यार्थी इयत्ता 4 थी आणि 7 वी मध्ये शिकत आहेत, त्यांना यावर्षी एप्रिल 2026 मध्ये शिष्यवृत्ती परीक्षा देता येईल.
महत्त्वाच्या तारखा
जर तुम्हाला आपल्या पाल्याचा अर्ज भरायचा असेल, तर खालील तारखा लक्षात ठेवा:
ऑनलाईन अर्ज सुरू होण्याची तारीख: ३० डिसेंबर २०२५.
- नियमित शुल्कासह अर्ज करण्याची शेवटची तारीख: ०२ फेब्रुवारी २०२६.
- विलंब शुल्कासह (Late Fee) मुदत: ०३ फेब्रुवारी ते १७ फेब्रुवारी २०२६.
- परीक्षा दिनांक (Exam Date): रविवार, २६ एप्रिल २०२६.
शिष्यवृत्ती किती मिळणार? (Scholarship Amount)
गुणवत्ता यादीत येणाऱ्या विद्यार्थ्यांना पुढील ३ वर्षांसाठी दरमहा शिष्यवृत्ती दिली जाईल:
- इयत्ता 4 थी (प्राथमिक): ₹ ५००/- दरमहा.
- इयत्ता 7 वी (उच्च प्राथमिक): ₹ ७५०/- दरमहा.
ही रक्कम विद्यार्थ्यांच्या शैक्षणिक प्रगतीसाठी मोठा आर्थिक आधार ठरू शकते.
पात्रता आणि वयोमर्यादा
शिष्यवृत्ती परीक्षेसाठी अर्ज करताना खालील अटी पूर्ण करणे आवश्यक आहे:
- विद्यार्थी महाराष्ट्राचा रहिवासी असावा.
- विद्यार्थी शासनमान्य शाळेत इयत्ता 4 थी किंवा 7 वी मध्ये शिकत असावा.
वयोमर्यादा (१ जून २०२५ रोजी)
- इयत्ता 4 थी साठी: कमाल १० वर्षे (दिव्यांग विद्यार्थ्यांसाठी १४ वर्षे).
- इयत्ता 7 वी साठी: कमाल १३ वर्षे (दिव्यांग विद्यार्थ्यांसाठी १७ वर्षे).
परीक्षा शुल्क (Exam Fees)
- बिगर मागास (Open Category): ₹ २००/- (प्रवेश शुल्क + परीक्षा शुल्क).
- मागासवर्गीय / दिव्यांग (SC/ST/VJNT/OBC/PH): ₹ १२५/-.
टीप: सीबीएसई (CBSE) आणि आयसीएसई (ICSE) बोर्डाच्या विद्यार्थ्यांना परीक्षा शुल्क सवलत लागू नाही.
अर्ज कसा करायचा? (How to Apply)
शिष्यवृत्ती परीक्षेचे आवेदनपत्र फक्त ऑनलाईन पद्धतीने शाळेमार्फत भरले जाणार आहे. पालकांनी आपल्या शाळेच्या मुख्याध्यापकांशी संपर्क साधून अर्ज भरावा.
अर्ज करण्यापूर्वी सविस्तर अधिसूचना वाचा.
शिष्यवृत्ती परीक्षा अधिसूचना येथे डाउनलोड करा
प्राथमिक शिष्यवृत्ती परीक्षा (इयत्ता ४ थी आणि 7 वी) – अभ्यासक्रम डाउनलोड करा
शिष्यवृत्ती अधिकृत वेबसाईट :
FAQs: पालकांचे महत्त्वाचे प्रश्न
प्रश्न: सीबीएसई (CBSE) चे विद्यार्थी ही परीक्षा देऊ शकतात का?
उत्तर: होय, सीबीएसई आणि इतर बोर्डाचे विद्यार्थी परीक्षा देऊ शकतात आणि गुणवत्ता यादीत स्थान मिळवू शकतात, परंतु त्यांना शिष्यवृत्तीची रक्कम (पैसे) मिळत नाही, फक्त प्रमाणपत्र मिळते.
प्रश्न: परीक्षेचे स्वरूप कसे असेल?
उत्तर: परीक्षा वस्तुनिष्ठ आणि बहुपर्यायी (MCQ) स्वरूपाची असेल. प्रत्येक प्रश्नाला ४ पर्याय असतील.
प्रश्न: महाराष्ट्रातील चौथीच्या विद्यार्थ्यांसाठी शिष्यवृत्ती किती आहे?
उत्तर: महाराष्ट्र राज्य परीक्षा परिषदेच्या वेळापत्रकानुसार, प्राथमिक (इ. ४ थी) आणि उच्च प्राथमिक (इ. ७ वी) शिष्यवृत्ती परीक्षा रविवार, दिनांक २६ एप्रिल २०२६ रोजी एकाच वेळी घेतली जाईल.
Note: २८ फेब्रुवारी २०२६ नंतर कोणत्याही परिस्थितीत अर्ज स्वीकारले जाणार नाहीत, त्यामुळे पालकांनी आणि शिक्षकांनी वेळेत अर्ज भरावेत.
