महाराष्ट्र राज्य सामायिक प्रवेश परीक्षा कक्ष (CET Cell) द्वारे नुकतीच MH NURSING CET 2026 OBJECTION TRACKER Notice अधिकृत वेबसाईटवर प्रसिद्ध करण्यात आली आहे.
महाराष्ट्रातील विविध परीक्षा केंद्रांवर ६ मे २०२६ आणि ७ मे २०२६ रोजी तीन सत्रांमध्ये ही प्रवेश परीक्षा सुरळीतपणे पार पडली होती. परीक्षा दिलेल्या सर्व विद्यार्थ्यांसाठी आता प्रश्नपत्रिका, उत्तरतालिका (Answer Key) आणि त्यावरील आक्षेप नोंदवण्याची प्रक्रिया सुरू करण्यात येत आहे.
उमेदवारांना त्यांच्या प्रोफाईलमध्ये लॉग इन करून स्वतःची प्रश्नपत्रिका आणि मॉडेल आन्सर की पाहता येईल. ही ऑनलाईन सुविधा २२ मे २०२६ ते २४ मे २०२६ या कालावधीत उपलब्ध राहील.
जर तुम्हाला एखाद्या प्रश्नाबाबत किंवा उत्तराबाबत काही शंका किंवा आक्षेप असेल, तर तुम्ही याच कालावधीत म्हणजेच २२ मे ते २४ मे २०२६ दरम्यान ऑनलाईन माध्यमातून तुमचे आक्षेप सबमिट करू शकता.
यासाठी उमेदवारांना प्रत्येक आक्षेपामागे १००० रुपये इतके शुल्क ऑनलाईन पेमेंट गेटवेद्वारे भरणे अनिवार्य आहे. तुम्ही नोंदवलेल्या आक्षेपासाठी यशस्वीरीत्या ऑनलाईन पेमेंट झाले असेल, तरच त्या आक्षेपाचा समितीकडून पुनर्विचार केला जाईल.
या प्रक्रियेत काही महत्त्वाचे नियम लागू करण्यात आले आहेत. विद्यार्थी किंवा पालकांनी ईमेलद्वारे किंवा इतर कोणत्याही मार्गाने पाठवलेल्या प्रश्नांसंबंधीच्या तक्रारी किंवा निवेदने ग्राह्य धरली जाणार नाहीत.
सर्व प्रक्रिया केवळ उमेदवाराच्या अधिकृत लॉगिनमधूनच पूर्ण करणे गरजेचे आहे. जर तुम्ही यावर्षीची नर्सिंग सीईटी परीक्षा दिली असेल, तर लवकरात लवकर अधिकृत पोर्टलला भेट द्या आणि या MH NURSING CET 2026 OBJECTION TRACKER Notice मध्ये दिलेल्या वेळेत पुढील प्रक्रिया पूर्ण करून घ्या.
CET Cell Notice MH NURSING CET 2026 OBJECTION TRACKER Download Here
हे ही वाचा: MHT CET PCM Answer Key Objection Tracking Result 2026 Public Notice
