BCA BBA BMS BBM CET 2025 महाराष्ट्र राज्य सामायिक प्रवेश परीक्षा कक्षाने (CET Cell) बीसीए (BCA), बीबीए (BBA), बीएमएस (BMS), आणि बीबीएम (BBM) या पदवी अभ्यासक्रमांच्या प्रवेशासाठी २०२५ च्या अतिरिक्त सामायिक प्रवेश परीक्षेची घोषणा केली आहे.
BCA BBA BMS BBM CET 2025
BCA BBA BMS BBM CET 2025 या अभ्यासक्रमांसाठीची मूळ सीईटी परीक्षा २९ एप्रिल ते ३० एप्रिल २०२५ दरम्यान घेण्यात आली होती आणि तिचा निकाल ४ जून २०२५ रोजी जाहीर करण्यात आला आहे.
काही विद्यार्थी या परीक्षेला उपस्थित राहू शकले नाहीत. या विद्यार्थ्यांचे पालक आणि संस्थांनी अतिरिक्त परीक्षा घेण्याची विनंती सीईटी कक्षाकडे केली होती. विद्यार्थ्यांचे शैक्षणिक हित लक्षात घेऊन, शासनाने अतिरिक्त परीक्षा घेण्यास मान्यता दिली आहे.
या अतिरिक्त परीक्षेचे वेळापत्रक आणि इतर संबंधित माहिती लवकरच CET कक्षाच्या अधिकृत वेबसाइट www.mahacet.org वर प्रसिद्ध केली जाईल. इच्छुक विद्यार्थी, पालक आणि संस्थांनी नवीनतम माहितीसाठी वेबसाइटला नियमितपणे भेट द्यावी, असे आवाहन करण्यात आले आहे.
दिलीप सरदेसाई (भा.प्र.से.), आयुक्त, राज्य सामायिक प्रवेश परीक्षा कक्ष, महाराष्ट्र राज्य, मुंबई यांच्या सहीने ही जाहीर सूचना निर्गमित करण्यात आली आहे.
