Health Department Posts Extension महाराष्ट्र शासनाने राज्यातील 350 तालुका आरोग्य अधिकारी कार्यालयांतील 1050 अस्थायी पदांना 31 ऑगस्ट 2025 पर्यंत मुदतवाढ दिली आहे. यामध्ये वैद्यकीय अधिकारी, कनिष्ठ लिपिक आणि पुरुष परिचर ही पदे समाविष्ट आहेत.
काय आहे निर्णयाचं मुख्य कारण?
या पदांची आधीची मुदत 28 फेब्रुवारी 2025 रोजी संपली होती. परंतु ग्रामीण भागातील आरोग्य सेवा सुरळीत राहावी, यासाठी ही पदे पुढील 6 महिन्यांसाठी चालू ठेवण्याचा निर्णय घेण्यात आला आहे.
कोणत्या जिल्ह्यांना मिळणार फायदा?
या निर्णयाचा लाभ मुंबई, नागपूर आणि उल्हासनगर वगळता सर्व जिल्ह्यांतील तालुक्यांना मिळणार आहे. अहमदनगर, नाशिक, पुणे, औरंगाबाद, सातारा, जळगाव, सोलापूर, कोल्हापूर यासारख्या प्रमुख जिल्ह्यांमध्ये ही पदे कार्यरत असणार आहेत.
एकूण किती पदे?
- वैद्यकीय अधिकारी – 350 पदे
- कनिष्ठ लिपिक – 350 पदे
- पुरुष परिचर – 350 पदे
- एकूण पदे – 1050
खर्च कुठून भागवला जाणार? या पदांसाठी लागणारा खर्च 2025-26 च्या राज्य योजनेतील निधीतून भागवण्यात येणार आहे.
