महाराष्ट्र राज्य माध्यमिक व उच्च माध्यमिक शिक्षण मंडळाचा (Maharashtra State Board) बारावीचा निकाल अखेर आज, २ मे २०२६ रोजी जाहीर होत आहे. गेल्या अनेक दिवसांपासून विद्यार्थी आणि पालकांमध्ये HSC Result 2026 Date बाबत असलेली उत्सुकता आता संपली आहे. मंडळाने दिलेल्या माहितीनुसार, सकाळी ११ वाजता पुणे बोर्डाकडून पत्रकार परिषद घेऊन निकालाची सविस्तर आकडेवारी आणि जिल्हानिहाय टक्केवारी जाहीर केली जाईल. त्यानंतर दुपारी १ वाजता विद्यार्थ्यांना 12th HSC Result 2026 Link (hscresult.mahahsscboard.in) अधिकृत वेबसाईटवर उपलब्ध होईल.
बारावीच्या विद्यार्थ्यांना कॉलेजमध्ये मार्कशीट कधी मिळणार? बोर्डाकडून नवीन अपडेट
यावर्षी Maharashtra Board Class 12 ची परीक्षा १० फेब्रुवारी ते ३ मार्च २०२६ या कालावधीत पार पडली होती. कला, वाणिज्य, विज्ञान आणि व्यावसायिक अभ्यासक्रमांसाठी राज्यातील लाखो विद्यार्थ्यांनी ही परीक्षा दिली होती. आता सर्वांचे लक्ष HSC Result Time कडे लागले असून, दुपारी १ वाजता mahresult.nic.in आणि hscresult.mkcl.org या संकेतस्थळांवर निकाल लाईव्ह पाहता येईल.
Table of Contents
MSBSHSE HSC Result 2026: बारावीच्या निकालात मुलींची बाजी आणि कोकणचा दबदबा
महाराष्ट्र राज्य माध्यमिक व उच्च माध्यमिक शिक्षण मंडळाच्या वतीने घेण्यात आलेल्या बारावीच्या परीक्षेचा निकाल आज अधिकृतपणे जाहीर करण्यात आला आहे. राज्याचे शिक्षण आयुक्त सचिंद्र प्रतापसिंग आणि राज्य मंडळाचे अध्यक्ष त्रिगुण कुलकर्णी यांनी पुण्यात आयोजित पत्रकार परिषदेत निकालाची सविस्तर माहिती दिली.
यंदाच्या निकालात एक विशेष बाब म्हणजे दरवर्षीप्रमाणे याही वर्षी मुलींनीच आपले वर्चस्व सिद्ध केले आहे. राज्याचा एकूण निकाल ८९.७९ टक्के इतका लागला असून, यामध्ये मुलांच्या तुलनेत मुलींच्या उत्तीर्ण होण्याचे प्रमाण लक्षणीय आहे.
विभागीय निकालाचा विचार करता, कोकण विभागाने पुन्हा एकदा आपला दबदबा कायम राखला असून राज्यात सर्वाधिक निकाल देणारा विभाग म्हणून मान मिळवला आहे.
कोकण विभागाचा निकाल ९४.१४ टक्के लागला असून, त्यापाठोपाठ पुणे आणि मुंबई विभागाची कामगिरीही अत्यंत चुरशीची राहिली आहे. दुसरीकडे, लातूर विभागाचा निकाल ८४.१४ टक्के इतका लागला असून तो राज्यात सर्वात कमी ठरला आहे. राज्यातील पुणे, नागपूर, छत्रपती संभाजीनगर, मुंबई, कोल्हापूर, अमरावती आणि नाशिक या सर्वच विभागांनी ८५ टक्क्यांहून अधिक निकाल नोंदवत आपली गुणवत्ता सिद्ध केली आहे.
HSC Result 2026 Official Link Maharashtra Board
निकालाच्या आकडेवारीवर नजर टाकल्यास असे दिसून येते की, मुलींच्या उत्तीर्णतेचे प्रमाण ९३.१५ टक्के आहे, तर मुलांचे प्रमाण ८६.८० टक्के इतके नोंदवण्यात आले आहे. म्हणजेच मुलींनी मुलांच्या तुलनेत ६.३५ टक्क्यांनी आघाडी घेतली आहे. यावर्षी राज्यातील नऊ विभागातून सुमारे १४ लाखांपेक्षा जास्त विद्यार्थ्यांनी परीक्षेसाठी नोंदणी केली होती. पुणे विभागाचा निकाल ९१.२५ टक्के, मुंबईचा ९०.०८ टक्के तर नाशिक आणि अमरावती विभागाचा निकालही ९० टक्क्यांच्या पुढे लागला आहे.
विद्यार्थ्यांसाठी महत्त्वाची बाब म्हणजे, जरी पत्रकार परिषदेत निकाल जाहीर झाला असला, तरी विद्यार्थ्यांना त्यांची वैयक्तिक गुणपत्रिका पाहण्यासाठी दुपारी १ वाजेपर्यंत प्रतीक्षा करावी लागणार आहे. दुपारी १ वाजता मंडळाच्या https://mahahsscboard.in/ या अधिकृत संकेतस्थळावर निकालाची लिंक सक्रिय केली जाईल. तिथे विद्यार्थी आपला सीट नंबर आणि आईचे नाव टाकून निकाल पाहू शकतील आणि त्याची प्रत डाऊनलोड करू शकतील.
विभागीय निकाल आकडेवारी (Percentage Details)
- कोकण: ९४.१४% (सर्वात जास्त)
- पुणे: ९१.२५%
- अमरावती: ९०.९२%
- नाशिक: ९०.७२%
- मुंबई: ९०.०८%
- कोल्हापूर: ८९.९७%
- नागपूर: ८८.६७%
- छत्रपती संभाजीनगर: ८८.६८%
- लातूर: ८४.१४% (सर्वात कमी)
महाराष्ट्र बोर्ड बारावीचा निकाल ऑनलाईन कसा तपासावा?
12th Result Link सक्रिय झाल्यानंतर विद्यार्थी घरबसल्या मोबाईलवर आपला निकाल पाहू शकतात. यासाठी तुमचा HSC Board Result पाहण्यासाठी सीट नंबर आणि आईचे नाव जवळ असणे आवश्यक आहे. सर्वात आधी Maharashtra State Board of Secondary and Higher Secondary Education च्या अधिकृत वेबसाईटला भेट द्या. तिथे ‘HSC Examination Result 2026‘ या लिंकवर क्लिक करा. तुमचा सीट नंबर आणि आईच्या नावाचे पहिले तीन अक्षरे टाकून ‘View Result’ वर क्लिक करा.
निकाल पाहण्यासाठी अधिकृत वेबसाईट (Official Websites)
विद्यार्थी आपला 12th Result 2026 खालील अधिकृत पोर्टलवर पाहू शकतात.
HSC Result 2026 Official Link Maharashtra Board
- https://results.digilocker.gov.in
- https://mahahsscboard.in
- https://hscresult.mkcl.org
- https://results.targetpublications.org
- https://results.navneet.com
- https://www.tv9marathi.com
- https://education.indianexpress.com/boards-exam/maharashtra-hsc-12-results
Maharashtra Board Result 2026 पाहताना काही वेळेस सर्व्हरवर ताण येऊ शकतो, अशा वेळी विद्यार्थ्यांनी संयम राखावा आणि MKCL HSC Result किंवा Digilocker HSC Result या पर्यायांचा देखील वापर करावा. बारावीच्या परीक्षेत उत्तीर्ण होण्यासाठी प्रत्येक विषयात किमान ३३ टक्के गुण मिळवणे अनिवार्य आहे.
यावर्षी विज्ञान, कला आणि वाणिज्य अशा तिन्ही शाखांचा HSC 12th Result एकाच वेळी जाहीर होत आहे. जे विद्यार्थी निकालावर समाधानी नसतील त्यांना गुणपडताळणीसाठी अर्ज करण्याची सोय उपलब्ध करून दिली जाईल. तसेच, जे विद्यार्थी अनुत्तीर्ण होतील त्यांच्यासाठी SSC Board प्रमाणेच बारावीच्या पुरवणी परीक्षेचे नियोजन लवकरच केले जाईल. 12th Maharashtra Board Result Date 2026 संदर्भातील सर्व अपडेट्ससाठी अधिकृत वेबसाईटला नियमित भेट द्या. बारावी उत्तीर्ण झालेल्या सर्व विद्यार्थ्यांचे मनःपूर्वक अभिनंदन!
