महागाईमुळे वाढलेल्या खर्चाचा ताण कमी करण्यासाठी महाराष्ट्र सरकारने आपल्या संवर्गातील अखिल भारतीय सेवेतील (All India Service – AIS) अधिकारी आणि निवृत्ती वेतनधारकांना मोठा दिलासा दिला आहे. राज्य सरकारने ‘महागाई भत्ता’ (Dearness Allowance – DA) आणि ‘महागाई मदत’ (Dearness Relief – DR) मध्ये ३ टक्क्यांनी वाढ करण्याचा निर्णय घेतला आहे.
हा वाढीव भत्ता दिनांक १ जुलै २०२५ पासून पूर्वलक्षी प्रभावाने लागू करण्यात आला आहे.
DA Hike सध्याचा महागाई दर ५८ टक्क्यांवर
केंद्र सरकारच्या निर्णयानुसार, आता महाराष्ट्र संवर्गातील AIS अधिकाऱ्यांचा ‘महागाई भत्ता‘ (Dearness Allowance) ५५ टक्क्यांवरून वाढून ५८ टक्के झाला आहे. ही वाढ अधिकाऱ्यांच्या Basic Pay वर लागू होईल.
निवृत्तीवेतनधारकांनाही 3% महागाई भत्ता वाढ
केवळ अधिकाऱ्यांसाठीच नव्हे, तर ‘अखिल भारतीय सेवेतील’ निवृत्ती वेतनधारक (Pensioners) आणि कुटुंब निवृत्ती वेतनधारक (Family Pensioners) यांनाही ही वाढ लागू झाली आहे.
त्यांच्या ‘महागाई मदत’ (Dearness Relief – DR) मध्येही ३ टक्क्यांची वाढ करण्यात आली आहे. त्यामुळे त्यांनाही आता ०१/०७/२०२५ पासून ५८% दराने ‘महागाई मदत’ अनुज्ञेय राहील.
चेक करा: थकबाकी सह पगारात किती वाढ होणार लगेच चेक करा
निर्णयाचा आधार आणि अंमलबजावणी:
हा निर्णय केंद्र सरकारने ७ व्या वेतन आयोगानुसार (7th CPC) दिलेल्या शिफारशींवर आधारित आहे. त्यानुसार, केंद्र शासनाच्या वित्त मंत्रालय आणि निवृत्ती वेतन मंत्रालयाच्या अनुक्रमे ०६/१०/२०२५ आणि ०८/१०/२०२५ रोजीच्या कार्यालयीन ज्ञापनाची प्रत विचारात घेऊन, महाराष्ट्र शासनाच्या सामान्य प्रशासन विभागाने (दिनांक २०/१०/२०२५) रोजी हे आदेश जारी केले आहेत.
या वाढीमुळे कर्मचाऱ्यांच्या हातात मोठी रक्कम येणार असून, सणासुदीच्या काळात आर्थिक (Financial) आधार मिळणार आहे. विशेष म्हणजे, ‘महागाई भत्ता’ हा वेतनाचा स्वतंत्र भाग असेल आणि तो ‘वेतन‘ (Pay) म्हणून गणला जाणार नाही.
अधिक माहितीसाठी
