महाराष्ट्र राज्य परीक्षा परिषदेने (MSCE Pune) २२ फेब्रुवारी २०२६ रोजी घेतलेल्या इयत्ता ५ वी (पूर्व उच्च प्राथमिक) आणि ८ वी (पूर्व माध्यमिक) च्या शिष्यवृत्ती परीक्षेचा अंतरिम निकाल अखेर जाहीर केला आहे. १८ मे २०२६ रोजी हा (MSCE Scholarship Result) अधिकृत संकेतस्थळावर उपलब्ध करून देण्यात आला आहे. हा सध्यातरी केवळ तात्पुरता निकाल असून, आवश्यक ती पडताळणी प्रक्रिया पूर्ण झाल्यानंतरच अंतिम निकाल जाहीर केला जाईल.
मोठी अपडेट! 4 वी आणि 7 वी शिष्यवृत्ती अंतिम Answer key जाहीर – डायरेक्ट लिंक
MSCE Scholarship Result कुठे आणि कसा पाहायचा?
ज्या विद्यार्थ्यांनी ही परीक्षा दिली होती, त्यांचा निकाल पाहण्यासाठी महाराष्ट्र राज्य परीक्षा परिषदेने अधिकृत संकेतस्थळे उपलब्ध करून दिली आहेत. पालक आणि विद्यार्थी www.mscepune.in किंवा https://puppssmsce.in या वेबसाईटवर जाऊन आपल्या पाल्याचा निकाल अगदी सहजपणे पाहू शकतात.
निकाल पाहण्यासाठी खालील स्टेप फॉलो करा.
- सर्वप्रथम https://2026.puppssmsce.in/ या अधिकृत वेबसाईट वर जा आणि तिथे उजव्या बाजूला अंतरिम निकाल (विद्यार्थ्यांसाठी) यावर क्लिक करा.
- आता तुमचा Seat No टाका.
- नंतर Mother Name टाका.
- शेवटी Submit बटणावर क्लिक करा.
- स्क्रीन वर Result दिसेल.
- भविष्यातील संदर्भासाठी सेव्ह किंवा डाउनलोड करा.
याशिवाय, शाळांना त्यांच्या अधिकृत लॉगीनमधून त्यांच्या शाळेतील सर्व विद्यार्थ्यांचा एकत्रित (MSCE Scholarship Result) पाहण्याची विशेष सुविधा परिषदेकडून देण्यात आली आहे. त्यामुळे पालकांनी घरबसल्या ऑनलाईन माध्यमातून किंवा थेट शाळेत संपर्क साधून विद्यार्थ्यांचा निकाल तपासून घ्यावा.
अंतरिम निकाल (शाळांसाठी)
- सर्व प्रथम https://2026.puppssmsce.in/ या अधिकृत वेबसाईट वर जा आणि तिथे डाव्या बाजूला अंतरिम निकाल (शाळांसाठी) यावर क्लिक करा. आता खालील स्टेप नुसार माहिती भरा आणि लॉगिन करून निकाल पाहा.
- School Login
- UDISE Code
- Password
- Login
- View Result and Download
गुणांची पडताळणी आणि माहितीत दुरुस्ती
बऱ्याचदा निकाल पाहिल्यानंतर विद्यार्थ्यांना मिळालेल्या गुणांबाबत काही शंका असू शकते. अशा विद्यार्थ्यांसाठी परीक्षा परिषदेने गुणपडताळणीची अत्यंत महत्त्वाची सुविधा उपलब्ध करून दिली आहे.
विद्यार्थ्यांना त्यांच्या गुणांची पडताळणी करायची असल्यास १८ मे २०२६ ते २७ मे २०२६ या कालावधीत संबंधित शाळेच्या लॉगीनमधून ऑनलाईन अर्ज करता येईल.
यासाठी प्रत्येक पेपरला ५० रुपये शुल्क ऑनलाईन पद्धतीने भरणे बंधनकारक आहे. तसेच, विद्यार्थ्याचे नाव, आडनाव, वडिलांचे किंवा आईचे नाव चुकले असल्यास त्यातही २७ मे पर्यंत शाळेच्या लॉगीनमधून दुरुस्ती करता येणार आहे.
शाळेचे क्षेत्र (शहरी/ग्रामीण) किंवा अभ्यासक्रमात काही बदल करायचे असतील, तर मुख्याध्यापकांच्या स्वाक्षरीचे सविस्तर पत्र २७ मे पर्यंत puppsshelpdesk@gmail.com या ईमेलवर पाठवणे गरजेचे आहे.
अंतिम निकाल आणि गुणवत्ता यादी कधी लागणार?
सध्या जाहीर करण्यात आलेला हा निकाल केवळ अंतरिम म्हणजेच तात्पुरत्या स्वरूपाचा आहे. विहित मुदतीत ऑनलाईन आलेले सर्व गुणपडताळणीचे अर्ज स्वीकारले जातील आणि त्यावर ३० दिवसांच्या आत निर्णय घेतला जाईल. या सर्व पडताळणी प्रक्रियेनंतरच आणि आवश्यक ते बदल केल्यानंतर सुधारित अंतिम निकाल तसेच विद्यार्थ्यांची अंतिम गुणवत्ता यादी प्रसिद्ध केली जाणार आहे. त्यामुळे विद्यार्थ्यांनी कोणत्याही गोंधळात न पडता आवश्यक असल्यास मुदतीत अर्ज करावेत.
अधिक माहितीसाठी : शिष्यवृत्ती परीक्षा फेब्रुवारी २०२६ च्या अंतरिम निकालाबाबतचे प्रसिद्धीपत्रक डाउनलोड करा
