महाराष्ट्र शासनाने राष्ट्रीय आरोग्य अभियानांतर्गत (NHM) कार्यरत असलेल्या कंत्राटी कर्मचाऱ्यांच्या सेवा समायोजनासाठी (Service Adjustment) निकष ठरवण्याकरिता मुख्य सचिवांच्या अध्यक्षतेखाली एक महत्त्वपूर्ण आंतर विभागीय समिती गठीत केली आहे. यासंबंधीचा NHM Contractual Staff Regularisation Committee GR (शासन निर्णय) सार्वजनिक आरोग्य विभागाने आज, १७ नोव्हेंबर २०२५ रोजी निर्गमित केला आहे.
NHM Contractual Staff Regularisation मंत्रिमंडळ निर्णय
या समितीची स्थापना ४ नोव्हेंबर २०२५ रोजी झालेल्या मंत्रिमंडळाच्या निर्णयानुसार करण्यात आली आहे. या मंत्रिमंडळ बैठकीत खालीलप्रमाणे महत्त्वपूर्ण निर्णय घेण्यात आले होते:
सेवा समायोजन: १४ मार्च २०२४ पर्यंत ज्या कंत्राटी कर्मचाऱ्यांची सेवा १० वर्षे किंवा त्यापेक्षा अधिक झाली आहे, त्यांचे सेवा समायोजन सार्वजनिक आरोग्य विभाग आणि ग्राम विकास विभागातील मंजूर समकक्ष पदांवर करण्यात यावे.
विशेष बाब: हे समायोजन सेवाप्रवेश नियमांमध्ये बदल न करता, एक वेळची विशेष बाब (One-Time Special Case) म्हणून केले जाईल.
आरक्षण: दोन्ही विभागांतील समकक्ष नियमित पदांपैकी सरळसेवेने भरावयाच्या रिक्त पदांपैकी, १० वर्षे सेवा पूर्ण झालेल्या NHM कंत्राटी कर्मचाऱ्यांच्या संख्येइतकी किंवा उपलब्ध रिक्त पदांइतकी (जी संख्या कमी असेल) पदे राखून ठेवली जातील.
वयाची अट शिथिल: समायोजनासाठी कर्मचाऱ्यांच्या सेवा कालावधीएवढी वयाची अट शिथिल करण्यास मान्यता मिळाली आहे.
वेतन निश्चिती: समायोजन झालेल्या कर्मचाऱ्यांचे वेतन त्यांना मागील महिन्यात मिळालेल्या मानधनाएवढ्या नियमित वेतन श्रेणीतील पुढील टप्प्यावर निश्चित केले जाईल.
निकष निश्चिती: नियमित पदांवर समायोजन करण्यासाठी निकष ठरविण्यासाठी मुख्य सचिवांच्या अध्यक्षतेखाली आंतर विभागीय समिती स्थापन करण्यास मान्यता देण्यात आली होती.
यापूर्वी १४ मार्च २०२४ रोजी निर्गमित झालेल्या शासन निर्णयात सुधारणा करून, हा सुधारीत निर्णय ४ नोव्हेंबर २०२५ रोजी निर्गमित करण्यात आला होता.
राष्ट्रीय आरोग्य अभियान कंत्राटी कर्मचाऱ्यांचे नियमतीकरण समिती गठीत
सेवा समायोजनाचे निकष निश्चित करण्यासाठी गठीत करण्यात आलेल्या या आंतर विभागीय समितीमध्ये विविध विभागांच्या उच्च पदस्थ अधिकाऱ्यांचा समावेश आहे. हा NHM Contractual Staff Regularisation Committee GR संपूर्ण समितीची रचना स्पष्ट करतो.
राष्ट्रीय आरोग्य अभियानांतर्गत कार्यरत कंत्राटी कर्मचाऱ्यांसाठी हे समायोजन धोरण लागू करण्यापूर्वी निकषांची निश्चिती करण्याचे महत्त्वपूर्ण काम ही समिती करणार आहे. यासंबंधीचा शासन निर्णय महाराष्ट्र शासनाच्या संकेतस्थळावर दिनांक 17 नोव्हेंबर 2025 रोजी निर्गमित करण्यात आला आहे.
अधिक माहितीसाठी : शासन निर्णय पाहा
NHM कंत्राटी कर्मचाऱ्यांचे समायोजन; सुधारित शासन निर्णय निर्गमित
