Pavitra Portal Self Certification: राज्यातील लाखो तरुण ज्या क्षणाची आतुरतेने वाट पाहत होते, तो क्षण अखेर आला आहे. शिक्षण सेवक आणि शिक्षक पदभरतीसाठी अत्यंत महत्त्वाचा टप्पा मानल्या जाणाऱ्या पवित्र पोर्टल वर स्व प्रमाणपत्र सादर करण्याच्या प्रक्रियेला १५ डिसेंबर २०२५ पासून सुरुवात झाली आहे.
शिक्षक पदभरतीसाठी पवित्र पोर्टल वर स्व प्रमाणपत्र नोंदणी सुरू
शिक्षण विभागाने पवित्र प्रणालीमार्फत भरती प्रक्रियेसाठी सविस्तर सूचना जाहीर केल्या असून, उमेदवारांना आपली वैयक्तिक आणि शैक्षणिक माहिती स्व-प्रमाणित (Self-certify) करण्यासाठी ठराविक मुदत दिली आहे.
या प्रक्रियेत तुमची एक छोटी चूक तुम्हाला भरती प्रक्रियेतून बाद करू शकते, त्यामुळे खालील माहिती काळजीपूर्वक वाचा.
महत्त्वाच्या तारखा (वेळापत्रक) | Pavitra Portal Self Certification Last Date
शिक्षण विभागाने दिलेल्या सूचनांनुसार, उमेदवारांनी वेळेत कार्यवाही करणे बंधनकारक आहे.
- प्रक्रिया सुरू होण्याची तारीख: १५ डिसेंबर २०२५
- स्व-प्रमाणपत्र (Self Certification) पूर्ण करण्याची अंतिम तारीख: २९ डिसेंबर २०२५
Pavitra Portal Self Certification कसे करायचे?
शिक्षण विभागाने उमेदवारांच्या मदतीसाठी एक सोपा ‘फ्लो चार्ट’ दिला आहे. तुम्हाला खालील टप्प्यांतून जावे लागेल:
नोंदणी (Registration): सर्वप्रथम पवित्र पोर्टलवर ‘Register Here’ वर क्लिक करा. तुमचा TAIT-2025 चा रोल नंबर आणि रजिस्ट्रेशन नंबर टाकून नोंदणी करा.
पासवर्ड: स्वतःचा पासवर्ड तयार करा आणि तो सुरक्षित ठेवा. तुमचा १० अंकी रोल नंबर हाच तुमचा ‘Login ID’ असेल.
माहिती भरणे: लॉग-इन केल्यानंतर Personal Details, Address, Category (जात प्रवर्ग), आणि शैक्षणिक अर्हता (Academic Qualification) अचूक भरा .
TET/CTET माहिती: तुम्ही पास असलेल्या शिक्षक पात्रता परीक्षेची (TET/CTET) माहिती भरा.
स्व-प्रमाणपत्र: सर्व माहिती भरून झाल्यावर Pavitra Portal Self Certification पूर्ण करा आणि त्याची प्रिंट (प्रत) डाऊनलोड करून स्वतःकडे ठेवा.
पवित्र (PAVITRA) पोर्टल शिक्षक भरती नवीन शासन निर्णय जारी
या ५ चुका टाळा (अत्यंत महत्त्वाचे)
पोर्टलवर माहिती भरताना अनेकदा उमेदवारांचा गोंधळ होतो. यासाठी शासनाने काही खास सूचना दिल्या आहेत:
- CGPA चे रूपांतर: तुमच्या दहावी, बारावी किंवा पदवीच्या गुणपत्रिकेवर जर ‘ग्रेड’ (CGPA/OGPA) असतील, तर त्याचे रूपांतर टक्केवारीमध्ये (Percentage) करूनच नोंद करा. यासाठी तुमच्या विद्यापीठाचे किंवा बोर्डाचे जे सूत्र (Formula) असेल, तेच वापरावे.
- TET/CTET मधील तफावत: जर तुमच्या TAIT मधील माहिती आणि TET/CTET मधील माहितीत तफावत (Mismatch) असेल, तर काळजी करू नका. पोर्टलवर ‘Request for Change in Data’ हा पर्याय दिला आहे. तिथे योग्य पुरावे जोडून तुम्ही दुरुस्तीसाठी विनंती पाठवू शकता.
- विषय निवड: पदवीची माहिती भरताना फक्त मुख्य विषयांची (Main/Principal Subjects) नोंद करा. गौण (Subsidiary) विषय टाकू नका, अन्यथा उमेदवारी रद्द होऊ शकते.
- पात्रतेचा दिनांक: तुमची शैक्षणिक अर्हता १४ मे २०२५ पूर्वीची, तर व्यावसायिक अर्हता (B.Ed/D.Ed) २५ सप्टेंबर २०२५ पूर्वी धारण केलेली असावी.
- एकापेक्षा जास्त वेळा परीक्षा: ज्या उमेदवारांनी TAIT-2025 परीक्षा एकापेक्षा जास्त वेळा दिली आहे, त्यांना या प्रक्रियेत सहभागी होता येणार नाही.
कागदपत्रे कोणती तयार ठेवावीत?
तुम्ही स्व-प्रमाणपत्रात जी माहिती भराल, त्याचे मूळ पुरावे तुमच्याकडे असणे आवश्यक आहे.
- जन्मदाखला/शाळा सोडल्याचा दाखला (वयाच्या पुराव्यासाठी).
- जात प्रमाणपत्र आणि जात पडताळणी प्रमाणपत्र (मागासवर्गीयांसाठी).
- नॉन-क्रिमीलेअर प्रमाणपत्र (मार्च २०२६ पर्यंत चालणारे).
- डोमिसाईल सर्टिफिकेट (महाराष्ट्राचे रहिवासी असल्याचा पुरावा).
- दिव्यांग, माजी सैनिक, प्रकल्पग्रस्त, भूकंपग्रस्त किंवा खेळाडू आरक्षणाचे प्रमाणपत्र (लागू असल्यास).
भरती प्रक्रियेत पारदर्शकता राहावी यासाठी मुलाखतीशिवाय (१:१ प्रमाण) आणि मुलाखतीसह (१:३ प्रमाण) असे दोन पर्याय संस्थांना दिले आहेत. त्यामुळे तुमची गुणवत्ता आणि Pavitra Portal Self Certification मधील अचूक माहितीच तुम्हाला नोकरी मिळवून देणार आहे.
काही तांत्रिक अडचण आल्यास विभागाच्या edupavitra25@gmail.com या ईमेलवर संपर्क साधू शकता. शेवटच्या तारखेची वाट न पाहता आजच आपली माहिती पोर्टलवर अद्ययावत करा.
शिक्षक अभियोग्यता व बुद्धिमत्ता चाचणी-२०२५ प्रविष्ठ झालेल्या उमेदवारांना स्व-प्रमाणपत्र करण्यासाठी खालील प्रमाणे वर्क-फ्लो देण्यात येत आहे. पोर्टलवर त्या त्या मेनूमध्ये दिलेल्या सूचनांचे अवलोकन करून स्व प्रमाणपत्र पूर्ण करता येईल.
पवित्र पोर्टल स्व प्रमाणपत्र उमेदवारांसाठी सूचना
- शिक्षक अभियोग्यता व बुद्धिमत्ता चाचणी-२०२५ नुसार शिक्षक पदभरती करण्यासाठी उमेदवारांकडून स्व प्रमाणपत्र पूर्ण करण्याबाबत. सविस्तर पीडीएफ डाउनलोड करा
- पवित्र प्रणालीमार्फत शिक्षणसेवक/ शिक्षक पदभरतीबाबत उमेदवारांसाठी स्व-प्रमाणपत्र पूर्ण करणेसाठीच्या सूचना (TAIT-२०२५) सविस्तर पीडीएफ डाउनलोड करा
- PAVITRA–TEACHERS RECRUITMENT-2025 : FLOW CHART FOR CANDIDATES SELF- CERTIFICATION
- अधिकृत वेबसाईट : https://tait2025.mahateacherrecruitment.org.in/
