महाराष्ट्र राज्य माध्यमिक व उच्च माध्यमिक शिक्षण मंडळाने (MSBSHSE) जून-जुलै २०२६ मध्ये होणाऱ्या परीक्षांचे अंतिम वेळापत्रक जाहीर केले आहे. ज्या विद्यार्थ्यांना फेब्रुवारी-मार्च परीक्षेत बसता आले नाही किंवा ज्यांना पुन्हा परीक्षा द्यायची आहे, त्यांच्यासाठी ही महत्त्वाची माहिती आहे. मंडळाच्या अधिकृत www.mahahsscboard.in या संकेतस्थळावर प्रसिद्ध करण्यात आलेले वेळापत्रक PDF डाउनलोड लिंक खाली दिलेली आहे.
SSC HSC Time Table 2026 – परीक्षा कोणत्या विभागांमध्ये होणार?
महाराष्ट्र मंडळाच्या पुणे, नागपूर, छत्रपती संभाजीनगर, मुंबई, कोल्हापूर, अमरावती, नाशिक, लातूर आणि कोकण या नऊ विभागीय मंडळांमार्फत या परीक्षा घेण्यात येणार आहेत. इयत्ता १२वी (उच्च माध्यमिक प्रमाणपत्र) आणि इयत्ता १० वी (माध्यमिक शालान्त प्रमाणपत्र) या दोन्ही परीक्षांचे वेळापत्रक एकत्रितपणे जाहीर करण्यात आले आहे.
इयत्ता १२वी (HSC) परीक्षा वेळापत्रक 2026
इयत्ता १२वीच्या परीक्षा खालीलप्रमाणे होणार आहेत.
- लेखी परीक्षा: मंगळवार, दि. १६ जून, २०२६ ते बुधवार, दि. ०८ जुलै, २०२६
- प्रात्यक्षिक परीक्षा (श्रेणी, तोंडी, NSQF व्यावसायिक अभ्यासक्रम): मंगळवार, दि. १६ जून, २०२६ ते बुधवार, दि. ०८ जुलै, २०२६ (माहिती तंत्रज्ञान व सामान्यज्ञान विषयांच्या प्रात्यक्षिक परीक्षांसह)
इयत्ता १०वी (SSC) परीक्षा वेळापत्रक 2026
इयत्ता १०वीच्या परीक्षा खालीलप्रमाणे होणार आहेत.
- लेखी परीक्षा: मंगळवार, दि. १६ जून, २०२६ ते मंगळवार, दि. ३० जून, २०२६
- प्रात्यक्षिक परीक्षा: मंगळवार, दि. १६ जून, २०२६ ते मंगळवार, दि. ३० जून, २०२६
SSC HSC Jun July Time Table PDF डाउनलोड लिंक
SSC HSC Time Table 2026 चे सविस्तर वेळापत्रक मंडळाच्या अधिकृत संकेतस्थळावर उपलब्ध आहे. विद्यार्थ्यांनी खालील लिंकवर जाऊन वेळापत्रक डाउनलोड करावे.
- वेळापत्रक – उच्च माध्यमिक प्रमाणपत्र – सर्वसाधारण (GENERAL) आणि द्विलक्षी (BIFOCAL) अभ्यासक्रम परीक्षा (इ.१२ वी) जून-जुलै २०२६
- वेळापत्रक – उच्च माध्यमिक प्रमाणपत्र (Vocational Courses) परीक्षा (इ.१२ वी) जून-जुलै २०२६
- वेळापत्रक – माध्यमिक शालान्त प्रमाणपत्र परीक्षा (इ.१० वी) जून-जुलै २०२६
अधिकृत वेबसाईट: www.mahahsscboard.in
हे वेळापत्रक दि. १२/०५/२०२६ पासून या संकेतस्थळावर उपलब्ध करून देण्यात आले आहे.
महत्त्वाची सूचना – विद्यार्थ्यांनी लक्षात ठेवा
मंडळाने एक महत्त्वाची सूचना जारी केली आहे. संकेतस्थळावरील वेळापत्रक फक्त माहितीसाठी आहे. परीक्षेच्या तारखांची खात्री करण्यासाठी शाळा / कनिष्ठ महाविद्यालयाकडून मिळालेले छापील वेळापत्रक अंतिम मानावे.
सोशल मीडिया किंवा इतर संकेतस्थळांवरून व्हायरल झालेले वेळापत्रक ग्राह्य धरू नये. अशा बनावट वेळापत्रकामुळे नुकसान झाल्यास मंडळ जबाबदार राहणार नाही, असे स्पष्टपणे नमूद करण्यात आले आहे.
जून-जुलै २०२६ परीक्षेची तयारी करणाऱ्या सर्व विद्यार्थ्यांनी आत्ताच अधिकृत वेळापत्रक डाउनलोड करावे आणि अभ्यासाचे नियोजन करावे. शाळेकडून मिळालेल्या छापील वेळापत्रकावरच विश्वास ठेवा आणि परीक्षेला वेळेत हजर रहा.
