यशवंतराव चव्हाण महाराष्ट्र मुक्त विद्यापीठाच्या (YCMOU) जुलै २०२५ सत्रासाठी प्रवेश घेऊ इच्छिणाऱ्या विद्यार्थ्यांसाठी एक महत्त्वाची बातमी आहे! विद्यापीठाने ऑनलाईन प्रवेश प्रक्रियेच्या मुदतीत वाढ केली आहे. यामुळे, ज्या विद्यार्थ्यांनी अद्याप अर्ज भरलेला नाही, त्यांना दिलासा मिळाला आहे.
YCMOU Admission 2025-26 Last Date
कृषी शिक्षणक्रम (Agriculture), बी.एड. (सेवांतर्गत) आणि बी.एड. (विशेष) हे शिक्षणक्रम वगळता, इतर सर्व शिक्षणक्रमांसाठी ऑनलाईन प्रवेश अर्ज भरण्याची मुदत १५ ऑक्टोबर २०२५ (रात्री ११.५९ वाजेपर्यंत) पर्यंत वाढवण्यात आली आहे.
यशवंतराव चव्हाण महाराष्ट्र मुक्त विद्यापीठाच्या (YCMOU) जुलै २०२५ सत्रासाठी वाढवलेल्या प्रवेशाच्या महत्त्वाच्या तारखा खालीलप्रमाणे आहेत:
- ऑनलाईन प्रवेश अर्ज भरण्याची मुदत (Online Application Date Extend):
- YCMOU Admission 2025-26 Last Date आहे १५ ऑक्टोबर २०२५ (रात्री ११.५९ वाजेपर्यंत).ही मुदत ११ ऑक्टोबर २०२५ पासून सुरू झाली आहे.
- ऑनलाईन प्रवेश शुल्क भरण्याची मुदत (Fee Submission Last Date):
- विनाविलंब शुल्क भरण्याची अंतिम मुदत १५ ऑक्टोबर २०२५ (रात्री ११.५९ वाजेपर्यंत) आहे.या मुदतीनंतर कोणतीही वाढीव मुदत मिळणार नाही, याची विद्यार्थ्यांनी नोंद घ्यावी.
प्रवेश अर्ज कसा भराल?
प्रवेश घेऊ इच्छिणाऱ्या विद्यार्थ्यांनी विद्यापीठाच्या अधिकृत संकेतस्थळ ycmou.digitaluniversity.ac वर भेट देऊन, होमपेजवरील ‘Admission’ या टॅबवर जाऊन माहितीपुस्तिका (Prospectus) तपासावी. या विहित कालावधीत, विद्यार्थ्यांनी आपला ऑनलाईन प्रवेश अर्ज अचूक भरावा आणि प्रवेश शुल्क ऑनलाईन पद्धतीने भरून प्रवेश निश्चित करावा.
महत्त्वाची सूचना:
विद्यार्थ्यांनी लक्षात ठेवावे की, ही मुदतवाढ अंतिम असून, यानंतर कोणतीही वाढीव मुदत दिली जाणार नाही. त्यामुळे, १५ ऑक्टोबर २०२५ पर्यंत आपला प्रवेश नक्की करा!
तांत्रिक अडचणींसाठी संपर्क:
प्रवेशाबाबत काही तांत्रिक अडचणी किंवा शंका असल्यास, विद्यार्थी सेवा विभागाशी कार्यालयीन वेळेत (सकाळी १०.३० ते सायंकाळी ५.३०) संपर्क साधू शकता.
- कार्यालयीन संपर्क क्रमांक: (०२५३) – २२३०५८०, २२३१७१५
- मोबाईल क्रमांक: ९३०७५७९८७४, ९३०७५६७१८२, ९२७२०४६७२५
अधिक माहितीसाठी यशवंतराव चव्हाण मुक्त विद्यापीठाच्या https://ycmou.digitaluniversity.ac/या अधिकृत वेबसाईटला भेट द्या.
