Teacher recruitment 2024 : खुशखबर… रखडलेली शिक्षक भरती सुरू होणार; आचारसंहिता लक्षात घेता स्थानिक स्वराज्य संस्थांच्या शाळांसाठी प्रक्रिया

Teacher recruitment 2024: अखेर राज्यातील शिक्षक पदभरती आता पुन्हा सुरु करण्यास मान्यता मिळाली आहे, याबाबतचे प्रसिद्धीपत्रक जाहीर करण्यात आले आहे.

पवित्र पोर्टल मार्फत राबविण्यात येणाऱ्या पदभरतीसाठी पदवीधर शिक्षक मतदार संघाच्या प्रक्रियेवर प्रभाव पडून आदर्श आचारसंहितेचे उल्लंघन होईल अशी कोणतीही कृती घडणार नाही, याबाबत खबरदारी घेऊन स्थानिक स्वराज्य संस्था अंतर्गत शाळेतील शिक्षक पदभरती बाबतची प्रक्रिया राबविण्यास मान्यता मिळाली आहे.

समांतर आरक्षणातील शिक्षक भरतीला परवानगी

राज्यातील शिक्षक भरती (PAVITRA – TEACHER RECRUITMENT) संदर्भात नवीन प्रसिद्ध जाहीर करण्यात आले असू, खालीलप्रमाणे कार्यवाही करण्यात येणार आहे.

1. दिनांक २५/०२/२०२४ रोजी प्रसिद्ध केलेल्या गुणवत्ता यादीतील उर्वरित उमेदवारांच्या नियुक्ती बाबतची कार्यवाही संबंधित व्यवस्थापनांना पूर्ण करता येणार आहे.
2. दरम्यान समांतर आरक्षणातील पदे भरण्याची कार्यवाही करण्याच्या दृष्टीने प्रचलित शासन निर्णयांप्रमाणे संबंधित विभागांचे अभिप्राय प्राप्त करून पदभरतीची कार्यवाही करण्याबाबत शासनाने परवानगी दिली आहे.
3. त्यानुसार माजी सैनिक या समांतर आरक्षणातील पदे रूपांतरित करण्यास ना हरकत प्राप्त करण्यासाठी आयुक्तालयातील उपसंचालक यांनी संबंधित कार्यालयास समक्ष भेट देऊन प्रस्ताव सादर केला आहे. तसेच संबंधित अधिकाऱ्यांशी चर्चा करून जलद गतीने मान्यता देण्यासाठी विनंती केली आहे.
4. समांतर आरक्षणाबाबतची कार्यवाही पूर्ण झाल्यानंतर स्थानिक स्वराज्य संस्थाअंतर्गत शाळेतील शिक्षक पदभरतीची व्यवस्थापन निहाय सर्वसाधारण गुणवत्ता यादी प्रसिद्ध करण्यात येईल.
5. कोणत्याही अनधिकृत माहितीवर विश्वास ठेवू नये. प्रत्येक अपडेटसाठी अधिकृत https://tait2022.mahateacherrecruitment.org.in/ या वेबसाईटवरील बुलेटिनद्वारे वेळोवेळी अद्ययावत माहिती पाहावी. (प्रसिद्धी पत्रक पहा)

अंगणवाडी कर्मचाऱ्यांचे प्रलंबित प्रकरणे तातडीने मार्गी काढा – महिला व बालविकास मंत्री

केंद्रीय मंत्रिमंडळाची खाते वाटप संपूर्ण यादी पाहा