Mahajyoti Tab Registration Last Date महात्मा फुले संशोधन व प्रशिक्षण संस्था, नागपूर यांच्या अंतर्गत ‘महाज्योती’ तर्फे JEE/NEET/MHT-CET 2025-27 परीक्षांसाठी ऑनलाइन पूर्व-प्रशिक्षण कार्यक्रम राबविण्यात येत आहे.
महाज्योतीमार्फत JEE, NEET आणि MHT-CET या स्पर्धा परीक्षांच्या तयारीसाठी 18 महिन्यांचे ऑनलाईन प्रशिक्षण पूर्णपणे मोफत दिले जाणार असून, पात्र विद्यार्थ्यांना मोफत टॅबलेट आणि दररोज 6 जीबी इंटरनेट सेवा देखील पुरवली जाणार आहे.
या प्रशिक्षणासाठी अर्ज करण्याची अंतिम तारीख 31 जुलै 2025 पर्यंत वाढविण्यात आली होती. परंतु, 11वी विज्ञान शाखेत प्रवेश प्रक्रिया सुरू होण्यास विलंब होत असल्यामुळे विद्यार्थ्यांनी मुदतवाढ देण्याची विनंती केली. विद्यार्थ्यांची ही विनंती मान्य करून अर्ज करण्याची मुदत पुन्हा वाढवण्यात आली आहे.
आता, या योजनेसाठी अर्ज करण्याची अंतिम तारीख 15 ऑगस्ट 2025 आहे. याव्यतिरिक्त, ज्या विद्यार्थ्यांनी यापूर्वीच अर्ज केला आहे, त्यांना आवश्यक कागदपत्रे, जसे की वैध नॉन-क्रिमिलेअर प्रमाणपत्र, बोनाफाईड प्रमाणपत्र आणि इतर आवश्यक कागदपत्रे अपलोड करण्यासाठी 15 ऑगस्ट 2025 पर्यंत मुदतवाढ देण्यात आली आहे. प्रकल्प व्यवस्थापक विकास गडपायले यांनी ही माहिती दिली आहे. या संदर्भात अधिक माहितीसाठी विद्यार्थी महाज्योतीच्या संकेतस्थळाला भेट देऊ शकतात.
अधिक माहितीसाठी : मुदतवाढ परिपत्रक वाचा
