सन २०२५-२६ च्या संचमान्यता नुसार अतिरिक्त शिक्षक/शिक्षकेतर कर्मचाऱ्यांच्या समायोजनाचे वेळापत्रक जाहीर झालेले असून, या प्रक्रियेतील एक अत्यंत महत्त्वाचे शुद्धीपत्रक शिक्षण संचालनालयाने जारी केले आहे. याबाबत महत्वाची अपडेट पाहूया.
महत्त्वाचे शुद्धीपत्रक (२० फेब्रुवारी २०२६)
शिक्षण संचालनालयाने ४ फेब्रुवारी २०२६ च्या मूळ पत्रासंदर्भात एक नवीन शुद्धीपत्रक जारी केले आहे.
या पत्रानुसार, मूळ आदेशातील परिच्छेद क्र. ६ मध्ये पहिल्या ओळीत नजरचुकीने आलेला “सन २०२४-२५ च्या संच मान्यतेनुसार” हा उल्लेख आता “सन २०२५-२६ च्या संच मान्यतेनुसार” असा वाचायचा आहे.
त्यामुळे ही संपूर्ण समायोजन प्रक्रिया २०२५-२६ च्या संच मान्यतेनुसारच पार पडत आहे, याची सर्वांनी नोंद घ्यावी.
सद्यस्थिती आणि पुढील महत्त्वाच्या तारखा (जिल्हा स्तर)
वेळापत्रकानुसार, १३ फेब्रुवारीची तात्पुरती यादी घोषित करण्याची आणि २० फेब्रुवारीपर्यंत आक्षेप/हरकती नोंदवण्याची कार्यवाही पूर्ण झाली आहे. आता पुढील महत्त्वाचे टप्पे खालीलप्रमाणे आहेत.
२५ फेब्रुवारी २०२६: रिक्त जागा (संवर्ग, विषय, इयत्ता निहाय) व अतिरिक्त कर्मचाऱ्यांची अंतिम यादी घोषित करणे.
०३ मार्च २०२६: समुपदेशनाद्वारे प्रत्यक्ष समायोजन करणे.
०६ मार्च २०२६: पुढील कार्यवाहीसाठी विभागस्तरावर यादी सादर करणे.
सर्व अतिरिक्त ठरलेल्या शिक्षक आणि शिक्षकेतर कर्मचाऱ्यांनी येत्या २५ तारखेच्या अंतिम यादीकडे लक्ष ठेवावे आणि ३ मार्च रोजी होणाऱ्या समुपदेशनासाठी तयार राहावे.
अधिक माहितीसाठी : अतिरिक्त शिक्षक समायोजन 2025-26: वेळापत्रक पहा जिल्हा व विभाग स्तरावरील संपूर्ण प्रक्रिया जाणून घ्या.
