Contractual Officers Increase Remuneration महाराष्ट्र शासनाच्या महसूल व वन विभागाने राज्यातील विभागीय आयुक्त आणि जिल्हाधिकारी कार्यालयांमध्ये नेमलेल्या कंत्राटी विधी अधिकाऱ्यांच्या मानधनात 10 हजार रुपयांची वाढ करण्याचा मोठा निर्णय राज्य शासनाने घेतला आहे. याबाबतचा सविस्तर शासन निर्णय दिनांक 25 एप्रिल 2025 रोजी निर्गमित करण्यात आला आहे.
Contractual Officers Increase Remuneration
राज्यातील ६ विभागीय आयुक्त कार्यालये आणि 35 जिल्हाधिकारी कार्यालयांमध्ये सध्या एकूण ४१ कंत्राटी विधी अधिकारी कार्यरत आहेत. हे अधिकारी विविध न्यायालयीन प्रकरणांसाठी शासकीय कामकाजात मदत करतात. त्यांच्या कामाच्या महत्त्वाला ओळखून शासनाने त्यांचे दरमहा मानधन वाढवण्याचा निर्णय घेतला आहे.
नवीन निर्णयानुसार, आता कंत्राटी विधी अधिकाऱ्यांना दरमहा ४५,००० रुपये मानधन मिळेल. यासोबतच प्रवास आणि दूरसंचार खर्चासाठी ५,००० रुपये अतिरिक्त दिले जाणार आहेत. त्यामुळे एकूण मिळणारी रक्कम ५०,००० रुपये इतकी होणार आहे. याआधी हे मानधन दरमहा ३५,००० रुपये होते.
ही वाढ दिनांक २५ एप्रिल २०२५ पासून लागू करण्यात आली आहे. यासाठी लागणारा निधी “मानवी हक्क संरक्षण व लोकशाहीशक्तीचा विकास” या योजनेअंतर्गत जिल्हा प्रशासनाच्या लेखाशाखांना वितरित केला जाणार आहे.
हे ही वाचा: राज्यातील लाखो कंत्राटी कामगारांसाठी आनंदाची बातमी! किमान वेतनात मोठी वाढ
कंत्राटी विधि अधिकारी यांच्या मानधनात वाढ करण्यास मंत्रिमंडळाच्या दिनांक २२ एप्रिल रोजीच्या बैठकीत मान्यता देण्यात आली होती. त्यानुसार दिनांक २५ एप्रिल रोजी याबाबतचा शासन निर्णय जारी करण्यात आली आहे.
मानधन वाढीचा शासन निर्णय येथे डाउनलोड करा
या निर्णयामुळे कंत्राटी विधी अधिकाऱ्यांना अधिक आर्थिक स्थैर्य मिळणार आहे आणि न्यायालयीन कामकाज अधिक गतीने व प्रभावीपणे पार पडेल, असा शासनाचा विश्वास आहे.
